[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Poetics](https://indike.org/pramana/in.art.alamkara) › [Treatises on rasa, the erotic sentiment and heroines](https://indike.org/pramana/in.art.alamkara.rasa) › [Rasasudhakara](https://indike.org/pramana/in.art.alamkara.rasa.rasasudhakara) › 4.166 # Rasasudhakara 4.166 Rasasudhākara 4.166 - **Language:** Sanskrit ### [4.166](https://indike.org/pramana/in.art.alamkara.rasa.rasasudhakara.4.166) so'yamānandasambhedo bhāvakairanubhūyate cetasi viparivartamānānāmālambanatvāyavirodhādanaucityādiviplavarahitaḥ sthāyī nirbharānandaviśrāntisvabhāvena bhogena bhāvakairbhujyata iti anye tvanyathā samādhānamāhuḥ - loke pramadādikāraṇādibhiḥ sthāyyanumāne'bhyāsapāṭavāt sahṛdayānāṃ kāvye nāṭye ca vibhāvādipadavyapadeśyairasvasambandhitvena ca sādhāra(ṇā?ṇyā)t pratītairabhivyaktībhūto vāsanātmakatayā sthitaḥ sthāyī ratyādiḥ pānakarasanyāyena carvyamāṇo lokottaracamatkārakāriparamānandamiva kandalayan rasarūpatāmāpnoti | evañca bhuktivyaktipakṣayorubhayorapi sāmājikānāṃ rasāśrayatvopapatteranyatarapakṣaparigrahāgrahādudāsmahe | prāyeṇa bhāratīyamatānusāriṇāṃ prakriyā tu loke kāraṇakāryasahakārirūpatāmupagataiḥ kāvye nāṭye vā rasasūktisudhāmādhurīdhurīṇairyathoktābhinayasametairrvā padārthatvena vibhāvānubhāvasañcārivyapadeśaṃ ca prāpitairnāyikānāyakacandracandrikāmalayāniilādibhrūvikṣepakaṭākṣapātasvedaromāñcādinirvedviṣādādirūpairvāsanātmakerātmasambandhitvenābhimatairbhāvairdharmakīrttiratānāṃ ṣaḍaṅganāṭyasamayajñānāṃ nānādeśaveṣabhāṣāvicakṣaṇānāṃ nikhilakalākalāpakovidānāṃ santyaktamatsarāṇāṃ sakalasiddhāntavedināṃ rasabhāvavivecakānāṃ kāvyārthanihitacetasāṃ sāmājikānāṃ manasi mudrāmudritanyāyena viparivartitā vāsitāścābhivardhitāḥ sthāyino bhāvāḥ kāvyārthatvenābhimatāḥ bāhyārthāvalambanāaṣṭadhā sa ca śṛṅgārahāsyavīrādbhutā api - [Previous: 4.165](https://indike.org/pramana/in.art.alamkara.rasa.rasasudhakara.4.165) - [Next: 4.167](https://indike.org/pramana/in.art.alamkara.rasa.rasasudhakara.4.167) - [Up: 4](https://indike.org/pramana/in.art.alamkara.rasa.rasasudhakara.4) ## Linked texts (2) - [Rasārṇavasudhākara](https://indike.org/pramana/in.art.natya.rasarnavasudhakara.2.359.p6) — Siṃhabhūpāla, Sanskrit - [Ekāvalī](https://indike.org/pramana/in.art.alamkara.yasobhusana.ekavali.1.p123) — Vidyādhara, Sanskrit --- Source: [https://indike.org/pramana/in.art.alamkara.rasa.rasasudhakara.4.166](https://indike.org/pramana/in.art.alamkara.rasa.rasasudhakara.4.166) · Pramāṇa