[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Poetics](https://indike.org/pramana/in.art.alamkara) › [Treatises on rasa, the erotic sentiment and heroines](https://indike.org/pramana/in.art.alamkara.rasa) › [Rasasudhakara](https://indike.org/pramana/in.art.alamkara.rasa.rasasudhakara) › 4.8 # Rasasudhakara 4.8 Rasasudhākara 4.8 - **Language:** Sanskrit ### [4.8](https://indike.org/pramana/in.art.alamkara.rasa.rasasudhakara.4.8) tatra tattvajñānād yathā— 'prāptāḥ śriyaḥ sakalakāmadughāstataḥ kiṃ nyastaṃ padaṃ śirasi vidviṣatāṃ tataḥ kim sammānitāḥ praṇayino vibhavaistataḥ kiṃ kalpaṃ sthitaṃ tanubhṛtāṃ tanubhistataḥ kim ||' daurgatyād yathā — 'kiṃ vidyāsu viśāradairapi sutaiḥ prāptādhikapraśrayaiḥ kiṃ dārairanurūparūpacaritairātmānukūlairapi kiṃ kāryaṃ cirajīvitena vigatavyādhipracāreṇa vā dāridryopahataṃ yadetadakhilaṃ duḥkhāya me kevalam ||' āpado yathā — 'surataśramasambhṛto mukhe mriyate svedalavodgamo'pi te atha cāstamitā tvamātmanā dhigimāṃ dehabhṛtāmasāratām ||' viprayogād yathā — 'yasyāṃ te divasāstayā saha mayā nītā yathā sve gṛhe yatsambaddhakathābhireva niyataṃ dīrghābhirasthīyata ekaḥ samprati nāśitapriyatamastāmeva pāpaḥ kathaṃ rāmaḥ pañcavaṭīṃ vilokayatu vā gacchatvasambhāvya vā ||' atra sītāviyuktasya rāmasya vāgārambhasūcitenāvamānena nirvedaḥ pratīyate īrṣyayā yathā — 'kuryuḥ śastrakathāmamī yadi manorvaṃśe manuṣyāṅkurāḥ syācced brahmagaṇo'yamākṛtigaṇastatrerevokeṣyate ced bhavān sasrājāṃ samidhāṃ ca sādhakatamaṃ dhatte chidākāraṇaṃ dhik maurvīkuśakarṣaṇolbaṇakiṇagranthirmamayaṃ karaḥ ||' atra rāmacandraśatānandaviṣayerṣyājanitena dhigiti vāgārambhasūcitena svātmāvamānena jāmadagnyasya nirvedaḥ atha viṣādaḥ-prārabdhakāryānirvāhādiṣṭānāptervipattitaḥ aparādhaparijñānādanutāpastu yo bhavet - [Previous: 4.7](https://indike.org/pramana/in.art.alamkara.rasa.rasasudhakara.4.7) - [Next: 4.9](https://indike.org/pramana/in.art.alamkara.rasa.rasasudhakara.4.9) - [Up: 4](https://indike.org/pramana/in.art.alamkara.rasa.rasasudhakara.4) ## Linked texts (1) - [Rasārṇavasudhākara](https://indike.org/pramana/in.art.natya.rasarnavasudhakara.2.11) — Siṃhabhūpāla, Sanskrit --- Source: [https://indike.org/pramana/in.art.alamkara.rasa.rasasudhakara.4.8](https://indike.org/pramana/in.art.alamkara.rasa.rasasudhakara.4.8) · Pramāṇa