[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Poetics](https://indike.org/pramana/in.art.alamkara) › [Treatises on rasa, the erotic sentiment and heroines](https://indike.org/pramana/in.art.alamkara.rasa) › [Rasavilasa](https://indike.org/pramana/in.art.alamkara.rasa.rasavilasa) › 2.28 # Rasavilasa 2.28 Rasavilāsa 2.28 - **Language:** Sanskrit ### [2.28](https://indike.org/pramana/in.art.alamkara.rasa.rasavilasa.2.28) bhāvo yadā ratirnāma prakarṣamadhigacchati nādhigacchati cābhīṣṭaṃ vipralambhastadocyate ### [2.28.p1](https://indike.org/pramana/in.art.alamkara.rasa.rasavilasa.2.28.p1) iti ### [2.28.p2](https://indike.org/pramana/in.art.alamkara.rasa.rasavilasa.2.28.p2) \[ kā0 pradīpa IV \] ### [2.28.p3](https://indike.org/pramana/in.art.alamkara.rasa.rasavilasa.2.28.p3) saṃyogaśca na dampatyoḥ sāmānādhikaraṇyaṃ, ekatalpaśayane'pi īrṣyādisadbhāve— \[7a\] pṛṣṭhottaracchadapaṭārdhakṛtāntarālamuttālaniśvasitanunnapayodharāgram īṣatsphuṭāgasi vibhinnatanostanotu suptaṃ ruṣā śayanasīmni śivaṃ śivāyāḥ ityādau vipralambhasyaiva varṇanāt| evaṃ viyogo'pi na vaiyadhikaraṇyam doṣasyoktatvāt| tasmād dvāvimau saṃyogāviyogakhyāvantaḥkaraṇavṛttaviśeṣau yat saṃyukto viyuktaścāsmīti dhīḥ| ayaṃ ca śṛṅgāraḥ parasparālokanāliṅganacumbanādibhedādaparigaṇanīye ityeka eva gaṇyate| tatra saṃyogo nāyikārabdho nāyakalabdha ubhayārabdhaśca krameṇodāharaṇam— śūnyaṃ vāsagṛhaṃ vilokya śayanādutthāya kiṃcicchanairnidrāvyājamupāgatasya suciraṃ nirvarṇya patyurmukham viśrabdhaṃ paricumbya jātapulakāmālokya gaṇḍasthalīṃ lajjānamramukhī priyeṇa hasatā bālā ciraṃ cumbitā ālokyeti lajjāyāḥ samānakartṛtvam| atra nāyaka ālambanam viviktamuddīpakam| mukhacumbanādyanubhāvaḥ| lajjādikaṃ vyabhicāri| tai raterabhivyaktiḥ nāyakalabdho yathā— tvaṃ mugdhākṣi vinaiva kañculikayā dhatse manohāriṇīṃ lakṣmīmityabhidhāyini priyatame tadvīṭikāsaṃspṛśi śayyopāntaniviṣṭasasmitasakhīnetrotsavānandito niryātaḥ śanakairalīkavacanopanyāsamaulījanaḥ vīṭikā vasanagranthiḥ atra nāyikā ālambanam| caramaca\[7 b\]raṇapratipādyaṃ viviktamuddīpakam| vīṭikāsaṃsparśādyanubhāvaḥ| prathamārdhavyaṅgyahāsacapalatādikaṃ vyabhicāri| tai raternāyikāviṣayāyā nāyakasamavetāyā abhivyaktiriti ubhayārabdho yathā— hrītayā galitanīvi nirasyaantarīyamavalambitakāñci maṇḍalīkṛtapṛthustanabhāraṃ sasvaje dayitayā hṛdayeśaḥ ### [2.28.p4](https://indike.org/pramana/in.art.alamkara.rasa.rasavilasa.2.28.p4) \[ kirāta• IX. 48 \] ### [2.28.p5](https://indike.org/pramana/in.art.alamkara.rasa.rasavilasa.2.28.p5) viyogaḥ saṃgamapūrvastadapūrvaśca | tatrāntyo'bhilāṣahetuka ityucyate abhilāṣapadena taddhetoranādisaṃyogābhāvasya lakṣaṇāt | ādyastu kvacidīrṣyāyā praṇayena vā mānarūpaḥ | sa īrṣyāhetuka ucyate | īrṣyāpadena mānahetorupalakṣaṇāt | kvacittu kāryavaśāt deśāntarasthiteḥ| sa pravāsahetuko'bhidhīyate utpadyamānotpatsyamānāvapi pravāsau svajñānadvārā vipralambhaprayojakau iti nāvyāptiḥ | pravāsaśabdena jñānalakṣaṇādvā | kvacit śāpāt | sa ca śāpahetuka iti vyavahriyate | kvaciduktatritayātiriktān gurusajjāditaḥ kāraṇāt | sa eṣa virahahetuka ityucyate | karuṇaśṛṅgārasyāpi atraivāntarbhāvaḥ abhilāṣahetuko yathā— premārdrāḥ praṇayaspṛśaḥ paricayādudgāḍharāgodayāstāstā mugdhadṛśo nisargamadhurāśceṣṭā bhaveyurmayi yāsvantaḥkaraṇasya bāhyakaraṇavyāpārarodhī kṣaṇādāśaṃsāparikalpitāsvapi bhavatyānandasāndro layaḥ prema snehaḥ| sa e \[ 8a \] va prakṛṣṭaḥ praṇayaḥ| sa eva paricayātiśayena rañjanakṣamo rāgaḥ | ayaṃ ca mālatīmādhave mādhavavākyavinyāsaḥ | atra mālatī ālambanam | tadīyasaundaryādismaraṇamuddīpanam | bhaveyurityādipadasāmarthyākṣiptakātarāvalokanaṃ cittalayādayo'nubhāvāḥ | autsukyādayo vyabhicāriṇaḥ | taiḥ saṃyogaprāgbhāvakālāvacchinnāyā raterabhivyaktiḥ yathā vā mama— kimu kṛtaṃ sukṛtaṃ nanu kubjayā yadatisaktamanāstaruṇīmimām madanadāhadavānalabharjitāmadaya yādavanandana nekṣase īrṣyāhetuko yathā— sā patyuḥ prathamāparādhasamaye sakhyopadeśaṃ vinā no jānāti savibhramāṅgavalanāvakroktisaṃsūcanam svacchairacchakapolamūlagalitaiḥ paryastanetrotpalā bālā kevalameva roditi luṭhallolālakairaśrubhiḥ ### [2.28.p6](https://indike.org/pramana/in.art.alamkara.rasa.rasavilasa.2.28.p6) \[ amaruka0 29; quoted in kā0 pra0 IV. 34\] ### [2.28.p7](https://indike.org/pramana/in.art.alamkara.rasa.rasavilasa.2.28.p7) yathā vā mama— tvatpādānbujavairi paṅkajakulaṃ mugdhe hasatyañjasā śliṣyanti stanamaṇḍalasya ripavaste cakravākadvijāḥ glāniṃ yāti tavādyabandhuradhunā nāyo niśāyāścirapremā tāmyati kāmukastadapi te nāpaityaho durmadaḥ manubhāvaḥ | dhairyādikaṃ vyabhicāri | tai raterabhivyaktiḥ | pūrvamīrṣyāhetukaḥ atra praṇayahetuka iti bhedaḥ | evamagre'pi bodhyam bhaviṣyatpravāsahetuko yathāprasthānaṃ valayaiḥ kṛtaṃ priyasakhairasrairajasraṃ gataṃ dhṛtyā na kṣaṇamāsitaṃ vyavasitaṃ cittena gantuṃ puraḥ yātuṃ niścitacetasi priyatame sarve samaṃ prasthitā gantavye sati jīvita priyasahṛtsārthaḥ kimutsṛjyate yathā vā mamaprāṇāḥ prāṇapatiḥ sadā guruparādhīno dinaṃ vā dinadvandvaṃ vāpi vilambya yāsyati tataḥ pathyaṃ vacaḥ śrūyatām prasthātuṃ samayo'yameva bhavatāṃ śreyaskaraḥ sarvathā mārge yatkila kovidainucarairmartuḥ puro \[ 9a \] bhūyate bhūtapravāsaheturyathā mamaprāṇādapi priyatamaṃ priyemāli pūrvamakrūra eva hṛtavānadhunoddhavo'pi prāṇān hariṣyati kimityadhikādhibādhā rādhā cakāra manasā katidhā vikalpān gopikāsaṃmānāya mathurāto bhagavatā preṣitasyoddhavasya rathamakrūrarathasadṛśaṃ paśyantyā rādhikāyā varṇanaprasaṅge'yaṃ ślokaḥ bhavatsadṛhetuko yathā mamaāṣāḍhe śrāvaṇe vā sarasijanayane prekṣaṇīyo'smadīyaḥ panthā varṣādine yatkathamapi na bahiḥ stheyamasmābhireva uktvaiva yāti pānthe vadanakumudinībandhumālinyakartrī haṃsaprotsāhahartrī dṛśi nalinadṛśaḥ prāvṛḍāvirbabhūva śāpahetuko yathātvāmālikhya praṇayakupitāṃ dhāturāgaiḥ śilāyāmātmānaṃ te caraṇapatitaṃ yāvadicchāmi kartum astraistāvanmuhurupacitairdṛṣṭiralupyate me krūrastasminnapi na sahate saṃgamaṃ nau kṛtāntaḥ ### [2.28.p8](https://indike.org/pramana/in.art.alamkara.rasa.rasavilasa.2.28.p8) \[ meghadūta 107 \] ## Linked texts (9) - [Kāvyaprakāśa](https://indike.org/pramana/in.art.alamkara.sahitya.kavyaprakasa.2.202) — Mammaṭa & Alaṭa, Sanskrit - [Amaruśataka](https://indike.org/pramana/in.lit.kavya.muktaka.srngara.amarusataka.1.202) — Amaru, Sanskrit - [Kāvyasaṅgraha](https://indike.org/pramana/in.lit.subhasita.subhasita.kavyasangraha.43.23) — Sanskrit - [Alaṅkāramahodadhi](https://indike.org/pramana/in.art.alamkara.sahitya.alankaramahodadhi.5.111) — Narendraprabha, Sanskrit - [Alaṅkāraśekhara](https://indike.org/pramana/in.art.alamkara.sahitya.alankarasekhara.12.6) — Keśava, Sanskrit - [Rasakalpadruma (Jagannātha Miśra)](https://indike.org/pramana/in.art.alamkara.rasa.rasakalpadruma-jagannathamisra.13.616-4) — Jagannātha Miśra 1600, Sanskrit - [Rasaratnadīpikā (Allarāja)](https://indike.org/pramana/in.art.alamkara.rasa.rasaratnadipika-allaraja.5.18) — Allarāja, Sanskrit - [Kāvyadarpaṇa](https://indike.org/pramana/in.art.alamkara.sahitya.kavyadarpana.2.p37) — Rājacūḍāmaṇi, Sanskrit - [Vāgbhaṭālaṅkāra](https://indike.org/pramana/in.art.alamkara.sahitya.vagbhatalamkara.7.18) — Vāgbhaṭa (Vāgbhaṭālaṅkāra), Sanskrit --- Source: [https://indike.org/pramana/in.art.alamkara.rasa.rasavilasa.2.28](https://indike.org/pramana/in.art.alamkara.rasa.rasavilasa.2.28) · Pramāṇa