Kavyalankarasarasamgraha 6.53
Kāvyālaṅkārasārasaṃgraha 6.53
- Language
- Sanskrit
6.53
rasābhivyaktyanuguṇatā. tadeteṣāṃ trayāṇāṃ guṇānāṃ madhyātprasādasya prādhānyam. mādhuryaujasostu tattadrasābhivyaktyānuguṇyena tāratamyenāvasthitayoḥ prasāda eva sopayogatā. evaṃ ca tatra tadrasānuguṇyena mādhuryaujobhyāṃ tāratamyenāvasthitābhyāṃ upakṛto yo'sau prasādātmā rasānāmavyavadhānena pratītiheturguṇastadupetaśabdārthaśarīratvena kāvyasyāvasthānātsarasataiva bhavati, na tu nīrasatā. yadyevamidānīṃ guṇaireva kṛtakṛtyatvātkāvyasyālaṅkārāṇāṃ tatra nirupayogatā prāpnoti. naivaṃ guṇāhitaśobhe kāvye alaṅkārāṇāṃ śobhātaśayavidhāyitvāllaukikālaṅkāravat. yathāhi laukikānāmalaṅkārāṇāṃ guṇasaṃskṛte yuvativapuṣi nibadhyamānānāmalaṅkāratā evaṃ kāvyālaṅkārāṇāmapi draṣṭavyam.
Commentaries (5)
- Laghuvṛtti — Pratīhārendurāja, Sanskrit
- Laghuvṛtti of Indurāja, Pratīhārendu — Indurāja, Pratīhārendu, Sanskrit
- Vivṛti — Rājānaka Tilaka, Sanskrit
- Udbhaṭaviveka — Tilaka, Sanskrit
- Kāvyālaṅkārasārasaṅgrahaṭīkā — Sanskrit