Bhojanakutuhala 3
Bhojanakutūhala 3
- Language
- Sanskrit
3.p1
atha tṛṇadhānyam | vāgbhaṭaḥ — kaṅgukodravanīvāraśyāmākādi himaṃ laghu | tṛṇadhānyaṃ pavanakṛllekhanaṃ kaphapittahṛt || nighaṇṭau — striyāṃ kaṅgupriyaṃgū dve kṛṣṇā raktā sitā tathā | pītā caturvidhā kaṅgustāsāṃ pītā varā smṛtā || kaṅgustu bhagnasandhānavātakṛd bṛṃhaṇī guruḥ | rūkṣā śleṣmaharātīva vājināṃ guṇakṛd bhṛśam || cīnākaḥ kaṅgubhedo'sti sa jñeyaḥ kaṅguvad guṇaiḥ || rāḷe | nighaṇṭau — śyāmāko madhuraḥ snigdhaḥ kaṣāyo laghuśītalaḥ | vātakṛtkaphapittaghnaḥ saṅgrāhī triṣadopatnut || sam̐ve
3.p2
nighaṇṭau - kodravo madhurastikto vraṇānāṃ pathyakārakaḥ | kaphapittaharo rūkṣo mohakṛcchītalo guruḥ
3.p3
nighaṇṭau -varako madhuro rūkṣaḥ kaṣāyo vātapittakṛt
3.p4
vārijo gilalācchinno bahudalakaṇiśaśca gucchakaṇiśaśca | tikto madhurakaṣāyaḥ śītaḥ pittāsranāśo balyaḥ
3.p5
nighaṇṭaukurī tu tṛṇadhānyaṃ syānmadhuraṃ tadbalapradam | haritaṃ cātha pakvaṃ vā vājināṃ puṣṭidāyakam
3.p6
iti tṛṇadhānyaprakaraṇam
Linked texts (3)
- Bhāvaprakāśanighaṇṭu — Bhāvamiśra 1550, Sanskrit
- Bhojanakutūhala — Raghunātha, Sanskrit
- Śāligrāmanighaṇṭubhūṣaṇa — Śāligrāma Vaiśya, Sanskrit