Bhojanakutuhala 5
Bhojanakutūhala 5
- Language
- Sanskrit
5.p1
śālayastaptuṣā bhārdrā mṛṣṭā asphuṭitāśca tāḥ | kuṭṭitāścipiṭāssamyak te smṛtāḥ pṛthukā iti || pṛthukā guravo vātanāśanāḥ śleṣmalā api | sakṣīrā bṛṃhaṇā vṛṣyā balyā bhinnamalā hi te || pohe | ardhapakvaiśśamīdhānyaistṛṇabhṛṣṭaiśca holakaḥ | holako'lpānilo medaḥkaphadoṣaśramāpahaḥ || bhavedyo holako yasya sa ca tattadguṇo bhavet | ravhā | mañjarī tvardhapakvā yā yavagodhūmayorbhavet || tṛṇānalena saṃsṛṣṭā budhairambvīti sā smṛtā| ambvī kaphapradā balyā laghvī pittānilāpahā || voṃvī | sverdhasvinnāstu godhūmā anye'pi caṇakādayaḥ | huramāpā iti kathyante śabdaśāstreṣu paṇḍitaiḥ
5.p2
kulmāṣā guravo rūkṣā vātalā bhinnavarcasaḥ
5.p3
dagdhabījāstumadhurā durjarā vīryapuṣṭidāḥ
5.p4
subhṛṣṭaścaṇako rucyo vātaghno raktadoṣakṛt | vīryeṇoṣṇo laghuścaiva svedaśaityāpahārakaḥ
5.p5
svinnāstu dagdhabījāssyurmadhurā vīryapuṣṭidāḥ | ta eva lavaṇopetāḥ kiṃcidalpaguṇā matāḥ
5.p6
taile'tha vā'pi ca ghṛte jaraṇādiyukte tapte jalārdracaṇakāḥ subhṛtāssuyuktyā | vātālpadāḥ śikhikarāstvabalā na rūkṣā hṛdyā bhavanti sukhadā api bālakānām
5.p7
iti bhṛṣṭadhānyaprakaraṇam
Linked texts (1)
- Bhojanakutūhala — Raghunātha, Sanskrit