Anekarthasamuccaya (Shashvatakosha) 2
Anekārthasamuccaya (Śāśvatakośa) 2
- Language
- Sanskrit
2.1
śrīgaṇeśāya namaḥ | oṃ namaḥ sarasvatyai
pākottīrṇasuvarṇavargaṃruciracchāyaṃ vasānombaraṃ
bhāsvatkaustubhakāntikarburaparibhrājiṣṇuvakṣaḥsthalaḥ
śaṅkhaṃ cakramasiṃ gadāmavitaraṃ bibhraccaturbhiḥ karairārūḍho garuḍaṃ navīnajaladaśyāmo hariḥ pātu vaḥ
2.2
pūrvācāryaprasādena viditvā śabdavistaram
kriyate śāśvatenāyamanekārthasamuccayaḥ
2.3
sphuṭārthapadavinyāsaḥ śiśūnāṃ pratipattaye
kṛtoyaṃ na prabuddhānāmataḥ kṣāmyantu sūrayaḥ
2.4
eṣa jñānārthamajñānāṃ saṃtoṣāya vijānatām
śramo mama na tu jñānalavagarvitacetasām
2.5
prasiddhairaprasiddhaiśca śabdaireṣa vinirmitaḥ
prasiddhairgranthituṃ granthamaprasiddhaiśca veditum
2.6
dṛṣṭaśiṣṭaprayogo'haṃ dṛṣṭavyākaraṇatrayaḥ
adhītī sadupādhyāyālliṅgaśāstreṣu pañcasu
2.7
ataḥ śabdārthaliṅgeṣu kartavyo'tra na saṃśayaḥ
śabdakośe'bhiyogena vidvajjananirūpite