Vishvalocana 25: atha vāntavargaḥ

Viśvalocana 25

vaikam
vaṃ pracetasi puṃsi syādupamāne tadavyayam

vadvitīyam
strī vaṃśāṃśe khajākāyāṃ kaṃciḥ kaṃbuḥ pumān gaje
valaye śaṅkhaśambūka kanbarāmalake striyām

hrasve saṅkhyāntare kharvvaścārvī syācchobhanādhiyoḥ
jambūḥ strī merusariti dvīpapādapabhedayoḥ

ḍimbastu viplavaplīhaphupphusairaṇḍabhītiṣu
ḍimbaḥ kalakale'pi syāddarvī phaṇakhajākayoḥ

dārvī dāruharidrāyā haridrādevadāruṇoḥ
puṃbhūmni pūrvvajeṣu syātpūrvvaḥ prāgādyayostriṣu

tiktatumbīśriyorlambā vimbaṃ syādvimbikāphale
maṇḍale pratibimbe ca vimbaḥ puṃsi napuṃsakam

śaṃvaḥ śubhānvite vajre musalāgrasthamaṇḍale
śumbo mataḥ pumāneva bhṛśagulmaprakāṇḍayoḥ

batṛtīyam
kadambaṃ nikurumbe syānnīpasiddhārthayoḥ pumān
gajāhvā gajapippalyāṃ gajāhvaṃ hastināpure

gandharvo mṛgabhede syādgāyane khecare haye
antarābhavasiddhe ca rasasiddhe ca kokile

goḍumbaḥ śīrṇavṛkṣe'pi gavādinyāḥ phalepi ca
dvijihvaḥ pannage puṃsi dvijihvaḥ piśune triṣu

kaṭīcakre nitambaḥ syācchikharisrkaṃdharodhasoḥ
pralambo lambane daitye tālāṅkurakaśākhayoḥ

prālambo hārabhede'pi nṛpuṣepi payodhare
bhūjambūrapi goḍumbe vikaṅkataphale striyām

herambo mahiṣe lambodaraśūratvagarvite
vacaturtham
rājajambūstu jambūmastipiṇḍakharjūrayormatā

lalajjihvaḥ pramānuṣṭre śuni hiṃse'bhidheyavat
śataparvā tu dūrvāyāṃ bhārgavasya ca yoṣiti

vapañcamam
gorakṣajambūrgodhūme tathā gorakṣataṃḍule
dhūlīkadambastiniśe kadambe varuṇadrume

śṛgālajambūrgoḍumbe kvacittu badarīphale

iti viśvalocane vāntavargaḥ

Linked texts (2)