Pramāṇa · Search · About · API

Vishvalocana 31: atha lāntavargaḥ

Viśvalocana 31

Language
Sanskrit

atha lāntavargaḥ

31.1

laikam
la indre lā tu dāne syādāśleṣe'pi laye'pi ca
api laśchedake puṃsi lavaṇe lūrapi smṛtā

31.2

ladvitīyam
amlo rasabhede syādamlī cāṅgerikauṣadhau
alirbhṛṅge surāyāṃ strī syādālīḥ piṇḍale striyām

31.3

sakhyāṃ paṅktāvapi khyātā vācyavadviśadāśaye
ālurgalantikāyāṃ strī klīve bhelakakandayoḥ

31.4

ilā gobhūmipīyūṣe bhāratyāṃ saumyayoṣiti
olastu sūraṇe puṃsi syādādre tvabhidheyavat

31.5

kalastu madhurāvyaktaśabde'jīrṇe kalaṃ site
kalā tu ṣoḍaśāṃśe syādindorapyaṃśamātrake

31.6

mūlārthavṛddhau śilpādyau kalanākālabhedayoḥ
kalirantyayuge kande kandale subhaṭe pumān

31.7

kālastu samaye mṛtyau mahākāle yame śitau
kṛṣṇe triṣvatha kālī syātkālikāmātṛbhedayoḥ

31.8

gauryāṃ navāmbudānīke kṣīrakīṭāpavādayoḥ
kālā tu kṛṣṇatrivṛtti nīlīmañjiṣṭhayorapi

31.9

kīlā kaphoṇighāte syātkīle śaṅkau ca kīlavat
kulaṃ sajātīyagaṇe gotrāṅgagṛhanīvṛti

31.10

kūlaṃ pratīre sainyasya pṛṣṭhe stūpataḍāgayoḥ
koloṅkapālāvrutasaṅge kroḍe melakacitrayoḥ

31.11

khañje kolaṃ tu kuvale kolā pippalicavyayoḥ
khalaḥ śaṭhe'dhame nīce triṣu syāttu khalaṃ bhuvi

31.12

khalaṃ sthāne'pi kalke'pi sasyasthāne'pi na dvayoḥ
khallā carmaṇi nimne'pi vastrabhede'pi cātake

31.13

khallī tu hastapādāvamardanākhyaruji striyām
khilaṃ bhavedaprahate sārasaṅkṣisavedhasoḥ

31.14

galaḥ kaṇṭhe sarjjarase galaḥ skandhe mahīruhe
golā godāvarīsakhyorgolā patrāñjane matā

31.15

kunaṭyāmapi golaṃ tu maṇike maṇḍale'pi ca
calaścalācale kampe kamalāvidyutoścalā

31.16

cālaśchadiṣi puṃsyeva cālaḥ syātkampane'pi ca
klinnākṣitāyinościllaścillī syātkṣudravāstuke

31.17

klinnanetrayute tu syāccillaḥ khullaśca vācyavat
cullaḥ klinne'kṣiṇa cullī tu citāvuddhānavādyayoḥ

31.18

celaṃ syādaṃśuke nīce garhitepyabhidheyavat
challī tu valkale puṣpabhede santativīrudhoḥ

31.19

chalaṃ tu skhalite'pi syādvayāje'pi chalamahvayoḥ
jalaṃ śokarave nīre hrīvere'pi jaḍe triṣu

31.20

jālastu kṣārakānāyagavākṣe dambhavṛkṣayoḥ
jālī paṭolikāyāṃ syājjāle nīpamahīruhe

31.21

jhalā syādātapasyormoṃ tathā putrīsulukayoḥ
jhillī tvātaparugvandyā jhīrukodvarttanāśayoḥ

31.22

talastāle talaṃ khaḍgamuṣṭau jyāghātavāraṇe
vane capeṭā na strī tu svarūpa''dhārayostalam

31.23

tallī taruṇyāṃ tallastu vihle puṃsi napuṃsake
tālo drumāntare'ṅguṣṭhamadhyamābhyāṃ ca sammite

31.24

gītakālakriyābhāve tālaḥ khaṅgādimuṣṭiṣu
tālaḥ syātkāṃsparacitavādyabhāṇḍāntare tathā

31.25

karāsphāre karatale tālaṃ tu haritālake
tulā rāśau palaśate tulyatāmānabhedayoḥ

31.26

bandhāya gṛhadārūṇāṃ pīṭhikāyāṃ sabhājane
tūlaḥ picau pumāṃstūlamākāśe brahmadāruṇi

31.27

apadravye chadocchrāyakhaṇḍe śastrīchade dalam
ḍuliḥ puṃsi munerbhede kamaṭhyāṃ tu striyāṃ ḍuliḥ

31.28

dolā yānāntare nīlyāṃ dhūliḥ śaṅkhāntare raje
nalaḥ poṭagale rājñi kapīśe pitṛaivate

31.29

nalī manaḥśilāyāṃ syānnalaṃ tu sarasīruhe
padmadaṇḍe na nā nālā nālī śākakadambake

31.30

nālā pānakaraṅkādirandhre nālastu pañjare
nīlastu kṛṣṇavarṇe syātriṣu nīlaḥ kapīśvare

31.31

nīlo nagāntare kṛṣṇe nīlaṃ vṛkṣāṅkabhedayoḥ
pallī tu kuṭacāṃ kugrāme pallaḥ sthūlakusūlayoḥ

31.32

palaṃ māse tathonmāne pāliḥ paṅktipradeśayoḥ
prasthe karṇalatāgre'ṅge yūkāsaśmaśruyoṣitoḥ

31.33

indrāderdeyabhāge ca viśrāmya cāgatajvare
aśrau cihne ca pillastu klinne'kṣiṇa triṣu tadvati

31.34

pīlurbhume gaje puṣpe kāṇḍatālāsthikhaṇḍayoḥ
aṇumātre'pyatha pulaḥ pulake vipule triṣu

31.35

phalaṃ tu sasye hetūtthe phalake vyuṣṭilābhayoḥ
jātīphale'pi kaṅkole mārgaṇāgre'pi na dvayoḥ

31.36

syātphalaṃ triphalāyāṃ ca phalinyāṃ tu phalī striyām
phālaṃ sīrasya lauhe syātkarpāsādeśca vāsasi

31.37

balo halini daityeṅge kāke balini vācyavat
balaṃ gandharase sainye sthāmani sthaulyarūpayoḥ

31.38

balā vāṭyālake proktā baliḥ puṃsyasurāntare
baliścāmaradaṇḍepi karapūjopahārayoḥ

31.39

saindhavepi baliḥ strī tu jarasā ślathacarmmaṇi
kukṣibhāgaviśeṣe ca gṛhakāṣṭhāntare dvayoḥ

31.40

vallī syādajamodāyāṃ latāyāṃ kusumāntare
vālaḥ puṃsi śiśau keśe vājivāraṇavāladhau

31.41

mūrkhè'pi vālo vālaṃ tu hīvere puṃnapuṃsakam
bilaṃ guhāyāṃ randhre ca bilastvindrahaye pumān

31.42

velā kāle'pi sīmāyāmīśvarāṇāṃ ca bhojane
dattamāse'dhivelā syātpayonāśe'pi nīradhe.

31.43

tattīre'kliṣṭamaraṇe rāśau vāci budhastriyām
bhallo bāṇe'pi bhallūke bhallī bhallātavāṇayoḥ

31.44

bhālaṃ tu na dvayoreva lalāṭamahasormatam
ṛṣibhede plave bhelo bhelaṃ bhīruhṛdi triṣu

31.45

malastriṣveva kṛpaṇe na strī viṭkiṭṭakilviṣe
mallaḥ pātre kapāle ca matsyabhede kapālini

31.46

mallo balāḍhye subhage mallrī tu kusumāntare
māluḥ patralatāyāṃ syādvanitāyāmapi striyām

31.47

mālaṃ kṣetre jane mālo mālā puṣpādidāmani
mūlamādyaśiphāpārśvakuñje mūle'pi tārake

31.48

masimelakayormelā maulirghammillacūḍayoḥ
kirīṭe'pi dvayoreva puṃsi vañjulapādape

31.49

līlā hāvāntare strīṇāṃ kelau khelāvilāsayoḥ
lolā jihvāśriyolalaḥ satṛṣṇacalayostriṣu

31.50

vyālaḥ śaṭhe bhujaṅge ca śvāpade duṣṭadantini
śalaṃ tu śallakīlomni śalo bhṛṅgigaṇe vidhau

31.51

śālo matsyāntare vṛkṣasāmānye hālabhūbuji
śālā veśmani veśmakapradeśe skandhaśākhayoḥ

31.52

śāluḥ kaṣāyadravyepi śāluścorākhyabheṣaje
mataḥ śāliḥ pumān gandhamārjāre kalamādiṣu

31.53

śilā kunaṭyāṃ dvārādhodāruṇi grāvaṇi striyām
śilamuñchaśile klībaṃ gaṇḍūpadyāṃ śilī matā

31.54

śīlaṃ svabhāve sadvṛtte śukle dhavalayogayoḥ
śulkaṃ tu rūpyake śuklāṃ triṣu śuklaguṇānvite

31.55

śūlaṃ mṛtyau dhvaje nā tu yoge na strī rugasrayoḥ
śūlā tu paṇyayoṣāyāṃ duṣṭanāśāya kīlakaḥ

31.56

śailaḥ kṣmābhṛti śailaṃ tu śaileye tārkṣyaśailake
śālaḥ syādvāraṇe hāle pādape sarjapādape
sthālaṃ bhājanabhede syātsthālī syātpāṭalokhayoḥ

31.57

sthūlastu vācyavatpīne kūṭaniṣprajñayorapi
hālā madye nṛpe hālo helā'vajñāvilāsayoḥ

31.58

latṛtīyam
syādaṅgulī tu mātaṅgakarṇikākaraśākhayoḥ
acalaḥ parvate kīle niścale'pyacalā bhuvi

31.59

añjaliḥ puṃsi kuḍave karasaṃpuṭake'ñjaliḥ
analo vasubhede'gnāvāniloṃ vasuvātayoḥ

31.60

avelaḥ pūgarāge'pi ravatoyacaśālayoḥ
apalāpe'pyavelaṃ syādavelā pūgacūrṇayoḥ

31.61

amalā kamalāyāṃ syādamalaṃ viśade'bhrake
syādarālaḥ pumānsarje mattebhe kuṭile'nyavat

31.62

antaḥkapāṭayordaṇḍe kallole'pyargalaṃ triṣu
ābhīlaṃ na dvayoḥ kaṣṭe triṣvābhīlaṃ bhayānake

31.63

mṛgaśīrṣaśirastārāsvilvalāḥ syurathelvalaḥ
mīne daityaprabhede ca śṛṅgāra ujjvalaḥ pumān

31.64

ujjvalo vācyavaddīpte parivyaktavikāśiṣu
uttālo markaṭe śreṣṭhe vikarālotkaṭe triṣu

31.65

utpalaṃ kuvale kuṣṭhe nirmāṃse tu triṣūtpalam
utphullaḥ karaṇe strīṇāmuttāne vikace'nyavat

31.66

uttāla udgate śreṣṭhepyūrdhvanāle'pi vācyavat
upalā śarkarāyāṃ syādupalo grāvaratnayoḥ

31.67

kadalībhapatākāyāṃ patākāyāṃ mṛgāntare
rambhāyā cātha kadalī pṛśnyā ḍimbhyāṃ ca śālmalau

31.68

kandalaṃ kalahe yuddhe navāṅkurakapālayoḥ
kaladhvanau cātha tarau mṛgabhede'pi kandalī

31.69

kapilo munibhede'gnau śuni piṅge tu vācyavat
kapilā śiṃśapāgotrabhidvahidigdantayoṣiti

31.70

reṇukāyāṃ ca kapilā kapālo'strī śirosthani
ghaṭādiśakale kuṣṭharogabhede vraje'pi ca

31.71

kamalaṃ jalaje nīre klomni toṣe ca bheṣaje
kamalo mṛgabhede syātkamalā śrīvarastriyām

31.72

kambalo nāgarāje nā sāsnāyāṃ ca kuthe kṛmau
api syāduttarāsaṅge klīvaṃ payasi kambalam

31.73

karālo danture tuṅge bhīṣaṇe'pyabhidheyavat
karālo dhūnataile syātkarālaṃ tu kuṭherake

31.74

kallolaḥ syātta dallolaḥ pramodeparipanthinu
kākolo droṇakāke syāddvipabhedakulālyoḥ

31.75

api kākolakākolyo stanāmoṣadhivedayoḥ
kākīlastu kalājīve kāmakelipraṇālyoḥ

31.76

apāśrayamanohāritarucchāyārthakroṣyayam
kāmalaḥ kāmuke rogabhede maruvasantayoḥ

31.77

kāhalī tu taruṇyāṃ syātkāhalaṃ bhṛśaśuṣkayoḥ
kāhalā vādyabhāṇḍasya viśeṣe kāhalaḥ khale

31.78

kiṭṭālastāmrakalaśe lohagūthe'pyayaṃ pumān
kīlālaṃ rudhire'pi syātpānīye'pi napuṃsakam

31.79

kukūlaṃ śaṅkusaṅkīrṇaśvabhre puṃsi tuṣānale
kucelā viddhakarṇyāṃ syātkucelo malināṃśuke

31.80

kuṭilaṃ vācyavaddurge kuṭilā nimnagāntare
kuṇḍalaṃ karṇabhūṣāyāṃ tathā valayapāśayoḥ

31.81

kāñcanadrau guḍūcyāṃ ca kuṇḍalī vartate striyām
kuddālo yugapatre syātkuddālo bhūmidāraṇe

31.82

kuntalāḥ syurjanapade deśe keśe ca kuntalaḥ
kuntalo lāṅgale'pi syādyave bhāle'pi dṛśyate

31.83

ślokacchāyāhare caure śyāle mīne ca kumbhilaḥ
kuralaḥ pakṣibhede syātkuralaścūrṇakuntale

31.84

kulālaḥ kumbhakāre'pi kukkubhe kauśikepi ca
kuvalaṃ tūtpale muktāphale'pi badarīphale

31.85

kuśalaṃ dharmaparyāptikṣemeṣu triṣu śikṣite
vācyavatkevalastvekakṛtsnayoḥ kuhane'pi ca

31.86

nirṇīte kevalaṃ jñānabhede syātkevalī na nā
mataḥ kau vārike keśadrumajāte'pi kaiśilaḥ

31.87

komalaṃ mṛdule nīre munau madye ca kohalaḥ
gandholī varaṭāyā syādgaṅgāśaṭyorapi smṛtā

31.88

viṣe māne'pi gavalaṃ gavalaṃ tṛṇapūlake
gokilo musale sīre gopālo gopabhūpayoḥ

31.89

gairilo lohacūrṇe syādgaurilo gaurasarṣape
granthilastriṣu saṃgranthau nā karīre vikaṅkate

31.90

cañcalā ca taḍillakṣmyoścañcalaścalakāminoḥ
vāte puṃsyatha catvālaḥ syādgarbhe hemakuṇḍale

31.91

candrilaścandramaulau ca vāstūke nāpite'pi ca
capalaḥ kṣaṇike śīghre cañcale'pyabhidheyavat

31.92

capalaḥ pārade mīne śilābhede'pi corake
capalā kamalā vidyutpuṃścalīpippalīṣvapi

31.93

cūḍālā cakralāyāṃ syādvācyavaccūḍayānvite
chagalī chāgayoṣāyāṃ chagalī vṛddhadārake

31.94

chagalastu mataśchāge chagalaṃ nīlavāsasi
jagalo medake madye kaitave madanadrume

31.95

jaṅgalastriṣu nirvārideśe'strī jaṅgalaṃ pale
jaṭilastu jaṭāyukte jaṭilā māṃsikauṣadhau

31.96

jambhalaḥ puṃsi jambīre jambhalo devatāntare
jambalo jambuviṭape jambūlaḥ krakacacchade

31.97

jambālaḥ śaivale paṅke jāṅgalastu kapiñjale
vācyavajjāṅgalodbhūte śūkaśimbyāṃ tu jāṅgalī

31.98

jāṅgulī viṣavidyāyāṃ jāṅgulaṃ jālinīphale
syāttaṇḍulastu dhānyādinikare'pi viḍaṅgake

31.99

tamālaḥ khaṅge tāpicche tilake varuṇadrume
taralaścañcale khaṅge bhāsure triṣu puṃsi tu

31.100

hāramadhyamaṇau madyayavāgvostaralā striyām
tāmbūlī nāgavalyāṃ syāttāmbūlaṃ kramuke matam

31.101

tumulaṃ raṇasaṅghaṭṭe tumulastu kalidrume
tainilo gaṇḍake puṃsi taitilaṃ karaṇāntare

31.102

dukūlamadvayoḥ kṣaume dukūlaḥ sūkṣmavāsasi
dhavalaḥ sundare śvete triṣu puṃsi mahāvṛṣe

31.103

dhavalī saurabheyyāṃ syānnakulaḥ pāṇḍavāntare
babhrau ca nakulī tu syātkukkuṭyāṃ māsikauṣadhau

31.104

nākulī kukuṭīkande nākulī cavyarāsnayoḥ
nābhīlaṃ nābhigarbhāṇḍe vaṅkṣaṇe cottamastriyaḥ

31.105

niculastu nicole syānniculo hijjaladrume
nirmālye'pyabhrake klīvaṃ vimale triṣu nirmalam

31.106

niṣkalastu kalāśūnye naṣṭabīje'pi vācyavat
niṣkalā tu matā tasyāṃ yā nārī vigatārttavā

31.107

varttule'pi cale'pi syānnistalaṃ vācyaliṅgakam
nepālī navamālyāṃ syātkunaṭīsuvahākhyayoḥ

31.108

pañcālī putrikāgītyoḥ pañcālo janadeśayoḥ
paṭalaṃ tu chadirnetrarukpiṭake paricchede

31.109

na puṃsi vṛnde paṭalaṃ paṭolaṃ karkaśacchade
paṭolaṃ vastrabhede syājjyotsnikāyāṃ paṭolyapi

31.110

tilacūrṇe pale paṅke palaṃ rākṣase pumān
pākalaṃ kuṣṭhabhaiṣajye pākalaḥ kuñjarajvare

31.111

dṛṣṭapūrvaka taṃtreva navaśāke tu pākalau
pāvalo gavanadravye dahane pavane'pi ca

31.112

pāṭalā paṭalinyāṃ puṃsye nyātpāṭalā na nā
pāṭalī paṭalāyāṃ syāddāśurghāṃtau tu pāṭalaḥ

31.113

pāṭalaḥ śvetārakte'pi tadvati triṣu pāṭalam
mṛtpātrabhede vāmāyām̐ vāgurāyāṃ ca pātilī

31.114

pātālaṃ mṛtale'pyaurve dantyagnau muvi pāṃśulā
pāṃśulaḥ puṃścale śambhukhaṭvāṅge pāṃśumaṃyute

31.115

piṅgalo munibhede'hau caṇḍrāṃśo. pāripāścike
nidhibhede kanīṃ rudre piṅgalaḥ kapile'nyavan

31.116

striyāṃ karayikāveśyā kumudatīṣu piṅgalā
piculo jhāvuke puṃsi nicule vārivāyase

31.117

picchilā śālmalau sindhubhedeśiṃśapayoḥ striyām
striyāmupodikāyāṃ ca picchilo vijile triṣu

31.118

piñjalraṃ kuśapatre syātpīte'pi triṣu piñjalam
pittalaṃ taijasadravye pittayukte tu vācyavat

31.119

pippalā jalapippalyāṃ bodhivṛkṣe tu pippalaḥ
niraṃgule pakṣibhede pippalaḥ pippalaṃ jale

31.120

vasanacchedamede'pi kaṇāyāṃ tu ca pippalī
pudgalaḥ sundarākāre dehe cātmani pudgalaḥ

31.121

peśalo rucire dakṣe cāruśīle'pi vācyavat
praskhalo vājisannāhe triṣu hyantaścale cale

31.122

pratalaḥ syātsaṃhatayorvāmadakṣiṇahastayoḥ
pātālaloke pratalastattāṅgulikare'pi ca

31.123

vīṇādaṇḍe pravālo'strī vidrume navapallave
phenilo'riṣṭavṛkṣe syātphenilaṃ badarīphale

31.124

madanadruphale caiva saphene phenilastriṣu
vandhalastvāmale puñje palvale mattakuñjare

31.125

bahulaṃ vyomni bahulā tvelānīlikayorbhuvi
bahulāḥ kṛttikāsu syuḥ kṛṣṇapakṣe'nale pumān

31.126

bahulastu mataḥ prājye kṛṣṇavarṇe'pi vācyavat
vārddalo durdine puṃsi masīdhāne'pi vārddalaḥ

31.127

maṅgalā śvetadūrvāyā maṅgalastu mahīsute
maṅgalaṃ śreyasi klīvaṃ tathā labdhārtharakṣaṇe

31.128

mañjulo jalaraṅkau syānmañjñau tu triṣu peśalaḥ
malañjuṃ śaivale kuñje vimbeṣu triṣu maṇḍalam

31.129

maṇḍalaṃ nikurumbe'pi deśe dvādaśarājake
kuṣṭhāhibhede parighau cakravāle ca maṇḍalam

31.130

maṇḍalaṃ syānmaṇḍalaṃke sārameye tu maṇḍalaḥ
mahilā tu mahelāyāṃ mahilā'bhīrugundrayoḥ

31.131

māccalo vandicaure syādāmaye grāhyādasoḥ
dhattūre sāmake vrīhau madanadrau ca mātulaḥ

31.132

samantāttālamūlyākhukarṇyostu musalī striyām
musalī gṛhagodhāyāmayogre musalaṃ matam

31.133

kāñcyāṃ śailanitambe ca khaṅgabandhe ca mekhalā
mekhalā kaṭideśe ca rasālaḥ sarase triṣu

31.134

rasāla ikṣau cūte ca rasālaṃ bolisihlayoḥ
rasālā mārjitāyāṃ syājjihvādūrvāvidāriṣu

31.135

rāmilo ramaṇe kāme lāṅgūlaṃ pucchaśephayoḥ
lāṅgalī jalapippalyāṃ lāṅgalaṃ kusumāntare

31.136

gṛhadāruviśeṣe ca sīre tāle ca lāṅgalam
lohalaḥ śṛṅkhalādhārye triṣu tvavyaktabhāṣiṇi

31.137

vaṇṭālaḥ śūrayoryuddhe puṃsi naukākhanitrake
vātūlo vātasaṃghāte vātale mārutā'sahe

31.138

vātalaṃ rājakūṣmāṇḍabījakolāsthibījayoḥ
vāmilo dāmbhike'pi syāntriṣu vāme'pi vāmilaḥ

31.139

viḍālaḥ puṃsi mārjāre viḍālo vihagāntare
vipulaḥ pṛthule'gādhe merupaścimaparvate

31.140

vimalā śātalābhūmibhedayornirmale triṣu
viśālo vṛkṣabhede syādviśāle vipule'nyavat

31.141

viśālā tvindravāruṇyāmujjayinyāṃ ca dṛśyate
vṛṣalaḥ puṃsi śūdre syāccandragupte'pi rājani

31.142

śakalaṃ valkale khaṇḍe rāgavastutvacorapi
klīvaṃ pātheyakulayormmatsare triṣu śambalam

31.143

śayāluḥ śunyajagare nidrāśīle tu vācyavat
śarālaṃ nīrasopāne vāstupote'pi pañjare

31.144

ṛjau vakre ca śīle ca śārdūlo rākṣasāntare
aṣṭāpade'pi vyāghre'pi śreṣṭhe syāduttarasthitaḥ

31.145

śālmalistu dvayorvṛkṣabhede dvipāntare'pi ca
śītalaṃ śailaje puṣpe kāśīśe malayodbhave

31.146

śīte cāsanaparṇyāṃ ca śītalaḥ śītale triṣu
śevāle śītalaṃ klībaṃ śaileye'pi ca śītalam

31.147

śṛgālī tu śivābhītyoḥ śṛgālaḥ pherūdaityayoḥ
śṛṅkhalā nigaḍe'pi syātpuṃskaṭīvastrabandhane

31.148

śevāle padmakāṣṭhe'pi śaivalaṃ matamadvayoḥ
śauṣkalaḥ śuṣkamāṃsasya paṇike piśitāśini

31.149

śyāmalastvasite'svacche śyāmavarṇe tu vācyavat
śraddhālurdohadinyāṃ syādvācyavacchraddhayānvite

31.150

śrīphalī nīlikādhātryormālhare śrīphalī pumān
ṣaṇḍālī tu sarojinyāṃ kāmukītailamānayoḥ

31.151

saṅkulaṃ vācyavadvyāpte'spaṣṭārthavacane'pi ca
sandhilā tu suraṅgāyāṃ nadīmadirayorapi

31.152

lacaturtham
balābhede tvātevalā prabale'tibalastriṣu
akṣamālā vijānīyādarundhatyakṣasūtrayoḥ

31.153

udūkhalaṃ guggulau syādulūkhalamulūkhale
ekāṣṭhīlā striyāṃ puṃsi pāpacelyāṃ buke kramāt

31.154

kacamālo marudgāhe nāgabhede jaṭāntare
kandarālaḥ pumāngardabhāṇḍe'kṣaplakṣavṛkṣayoḥ

31.155

astrī kamaṇḍaluḥ kuṇḍyāṃ parkaṭīpādape pumān
klībaṃ karmmaphalaṃ karmmaraṅgekarmmavipākayoḥ

31.156

puṃsi kolāhale sarjarase kalakalaḥ smṛtaḥ
kutūhalaṃ kautuke syāttriṣu śaste kutūhalam

31.157

kṛtāñjalistu bhaiṣajye vihito yena cāñjaliḥ
khatamālaḥ pumāndhūme khatamālo balāhake

31.158

gaṇḍaśailo giribhraṣṭasthūlopalakapolayoḥ
striyāṃ gandhaphalī phalyāṃ tathā campakakorake

31.159

golāṃgūlaṃ tu gopucche golāṅgūlaḥ kapau pumān
cakravālo girerbhede cakravālaṃ tu maṇḍale

31.160

jalāñcalaṃ tu śaivāle khataḥ pānīyanirgame
dalāmalaṃ maruvake damane'pi dalāmalam

31.161

dhvaninālā tu vīṇāyā veṇukāhalayorapi
bhavetparimalaścittahārigandhavimardayoḥ

31.162

ratāmardasamunmīladaṅgarāgādisaurabhe
pīṭhakeliḥ pīṭhamardde karakākṣikirāgayoḥ

31.163

daurgatau vārivāhe ca pīṭhakelipadābhidhā
strīpuṃsayorbahuphalā malayūnīpayoḥ kramāt

31.164

bṛhannalo guḍākeśe mahāpoṭagale'pi ca
bhadrakālī tu pārvatyāṃ gandholyāmoṣadhībhidi

31.165

bhasmatūlaṃ hime pāṃśuvarṣaṇagrāmakūṭayoḥ
maṇimālā matā yoṣiddaśanakṣatahārayoḥ

31.166

madakalaḥ syānmattebhe madenā'vyaktavāci ca
mahākālo mahādeve kimpāke pramathāntare

31.167

mahānīlo nāgabhede mahānīlaśca mārkeve
mahābalaṃ sīsake ca balaprauḍhe tu vācyavat

31.168

gorakṣataṇḍulāyāṃ tu striyāmeva mahābalā
muktāphalaṃ tu muktāyāṃ karṇapūre bale phale

31.169

syātkadalyāṃ mṛtyuphalī mahākālatarau pumān
pumānyavaphalo veṇau kuṭaje māṃsikauṣadhau

31.170

rajasvalastu mahiṣe puṣpavatyāṃ rajasvalā
vātakeliḥ kalālāpe piṅgānāṃ dantakhaṇḍane

31.171

klīvaṃ vāyuphalaṃ śakrakārmuke varṣaṇopale
pumānvicakilo mallībhede damanake'pi ca

31.172

udumbare skandhaphale nālikere sadāphalaḥ
haritālī nabhorekhākhaḍgadūrvāsu dṛśyate

31.173

halāhalo brahmasarpe jyeṣṭhikāyā viṣāntare
airāvate hastimallo hastimallo vināyake

31.174

āsutovalaśabdastu mato yajvani śauṇḍike
bhavehuddaṇḍapālastu matsyasarpaprabhedayoḥ

31.175

rājarāje'pi kālindībhedanepyekakuṇḍalaḥ
gajapittajvare pāke pavane kūṭapākalaḥ

31.176

kṛpīṭapālaḥ puṃsyeva kenipātasamudrayoḥ

31.177

syātpāṇḍukambalaḥ śvetakambale grāvadantare
vivāhadinasambandhaśiromālye'pi sammatā

31.178

matā suratatālī tu dūtikāmastakasrajoḥ
mantracūrṇalamicchanti vaśīkaraṇavedini

31.179

ḍākinīmokṣamantrajñe kuśāmbuprokṣaṇe'pi ca

Linked texts (12)