Vishvalocana 8: atha cāntavargaḥ
Viśvalocana 8
- Language
- Sanskrit
Contents
- 8.24 — 1 part
atha cāntavargaḥ
8.1
caikam
castu taskaracandrayoḥ
cadvitīyam
arcā pūjāpratimayorucco mahati connate
kacaḥ keśe'pi hrībere kaco gīṣpatinandane
8.2
kacaḥ śuṣkavraṇe bandhe kariṇyāṃ tu kacā striyām
kācastu syānmaṇau śikye netraroge mṛdantare
8.3
kāñcī tu mekhalādāmni nīvṛdantaraguñjayoḥ
kūrcamastrī dhruvormadhye śothaśmaśruvikatthane
8.4
krauñcastu pakṣibhede syānnagadvīpaprabhedayoḥ
cañco nālādinirmāṇe cañcā tu tṛṇa pūruṣe
8.5
cañcuḥ pañcāṅgule śrotryāṃ gonāḍīcakraliṅgayoḥ
carcā tu syātsake tarke carcikācintayostale
8.6
tvak striyāṃ valkale'pi syāccarmamātre guḍatvaci
nīcastu pāmare nimne vāmane'pyabhidheyavat
8.7
nyaṅ nimne pāmare kātrtsnye picuḥ syātpuṃsi tūlake
kṛṣṇe daityāntare karpe bhairavasyāsanānantare
8.8
prāk prācye vācyavat kāle digdeśe tvavyayaṃ matam
mocaḥ saubhāñjane puṃsi mocā śālmalirambhayoḥ
8.9
ruciricchā rucā ruktā śobhābhipvaṅgayorapi
ruk śobhāyāṃ ca kiraṇe striyāmapi manorathe
8.10
vacaḥ śuke vacā tūmragandhāsārikayoḥ striyām
vāgbhāratīgirorvīcirdvayoḥ svalpataraṅgayoḥ
8.11
avakāśe sukhe cātha śacīndrāṇī śatāvarī
śuciḥ puṃsyupadhāśuddhamantriṇyāṣāḍhabarhiṣoḥ
8.12
śṛṅgāragrīṣmayoḥ śvetamedhyānupahate triṣu
sūcī karādyabhinaye vedhanīśikhayorapi
8.13
sūcī sīmantinīnāṃ ca kathitā karaṇāntare
8.14
catṛtīyam
avīcirnarake dyūrbhivirahe dyūrbhivarjite
bhavedudak triṣūdīcye digdeśakālato'vyayam
8.15
kaṇīciḥ puṣpitalatāguñjayo. śakaṭe'pi ca
kavaco vāravāṇe syātpaṭahe gardabhāṇḍake
8.16
krakacaḥ karapatre'pi granthilākhyamahīruhe
namucirmadane daitye nārāco jalahastini
8.17
lohabāṇe'pi nārāco nārācī syāttulāntare
pratyak pratīcye digdeśakāle tu matamavyayam
8.18
syātprapañcastu vistāre sañcaye ca pratāraṇe
marīcirnācayordīptau munau nā kṛpaṇe'pi ca
8.19
mārīco yājakadvije kaṃkole rākṣasāntare
marīco devatābhede praphulle vikacastriṣu
8.20
keśaśūnye ca hīke tu puṃsi ketugrahe'pi ca
vipañcī vallakīkelyoḥ saṅkocaṃ kuṅkume matam
8.21
saṅkoco matsyabhede'pi saṅkoco bandhane'pi ca
satyavatsatyayoḥ samyak samyak saṅgatahṛdyayo.
8.22
cacaturtham
kākaciñcī tulābrīje vārikṛmidilīrayoḥ
jalasūcirjalokāyāṃ śṛṅgāṭe śiśumārake
8.23
kaṅkatroṭau jhaṣe cātha core vahnau malimlucaḥ
amāvāsyādvayaṃ yatra so'pi māso malimlucaḥ
8.24
capaṃcamam
ratanārīca-śabdo'yaṃ kukkure rativallabhe
parīrambhe samudbhūtasītkāre ca varastriyāḥ
8.24.p1
iti viśvalocane cāntavarga
Linked texts (3)
- Viśvalocanakośa — Śrīdharasena, Sanskrit
- Śabdaratnasamanvaya — Śāhajīrāja of Tanjore 1600, Sanskrit
- Viśvakośa — Maheśvara, Sanskrit