[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Not in a sub-category](https://indike.org/pramana/in.art.kosa.other) › [Shabdatarangini](https://indike.org/pramana/in.art.kosa.other.sabdatarangini) › p186 # Shabdatarangini p186 Śabdataraṅgiṇī p186 - **Language:** Sanskrit ### [p186](https://indike.org/pramana/in.art.kosa.other.sabdatarangini.p186) ādye padāntavaiyarthyam ,ekenaiva padena sarvānvayapratītisaṃbhavāt . dvitīye anyonyāśrayaḥ . prathamapadamanvitasvārthābhidhānāya dvitīyapadābhidhānamapekṣate . dvitīyapadamapi anvitasvārthābhidhānāya prathamapadābhidhānamapekṣate . kiñca sarveṣāṃ padānāmitarānvitavācakatve padabhedena vākyārthabhedāt sarvatra vākyabhedāpattiriti cet.........na......... ākāṃkṣāsaṃnidhiyogyatānāṃ vyutpattāvupalakṣaṇatvamaṅgīkriyate . ākāṃkṣitaṃṃ saṃnihitaṃ yogyaṃ padārthāntaraṃ tadanvite śaktigrahaṇaṃ saṃbhavati . ayameti putro rājñaḥ puruṣo'pasāryatāmityatra rājapuruṣayornānviyaḥ . anvayapratiyogijijñāsā ākāṃkṣā . saṃnidhiḥ na śabdenaivāpekṣitaḥ . adhyāhṛtenāpyanvitābhidhānasaṃbhavāt . anvitābhidhānānupapattivaśātkhalu adhyāhāraḥ . sā cānupapattiḥ yogyapratiyogyarthopasthāpanena śānteti na śabdakalpanāyāṃ pramāṇamasti . ata eva ghaṭena jalamāharetyatra chidretaratvasyāpi śābdabodhe bhānaṃ svīkriyate . yogyatvaṃ saṃbandhārhatvam . yasya yogyatvamavadhāritaṃ tenānviyaḥ . ata eva vahninā siñcatītyatra vahnisekayornānvayabodhaḥ . - [Previous: p185](https://indike.org/pramana/in.art.kosa.other.sabdatarangini.p185) - [Next: p187](https://indike.org/pramana/in.art.kosa.other.sabdatarangini.p187) --- Source: [https://indike.org/pramana/in.art.kosa.other.sabdatarangini.p186](https://indike.org/pramana/in.art.kosa.other.sabdatarangini.p186) · Pramāṇa