[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 100.3.14 # Shabdakalpadruma 100.3.14 Śabdakalpadruma 100.3.14 - **Language:** Sanskrit ### [100.3.14](https://indike.org/pramana/in.art.kosa.sabdakalpadruma.100.3.14) grīvāyām | karṇayoścatasraḥ | nava jihvāyām ṣaṭ nāsikāyām | aṣṭau netrayoḥ | evametat pañcasaptatyadhikaśataṃ vātavahānāṃ sirāṇāṃ vyākhyātam | eṣa eva vibhāgaḥ śeṣāṇāmapi viśeṣatastu pittavāhinyo netrayordaśa | karṇayordve | evaṃ raktavahā kaphavahāśca | evametāni sapta sirāśatāni sāṃvabhāgāni vyākhyātāni bhavanti cātra “kriyānāmapratīghātamamoho buddhikarmmaṇām karotyanyān guṇāṃścāpi svāḥ sirāḥ pavanañcaran yadā tu kupito vāyuḥ svāḥ sirāḥ pratipadyate tadāsya vividhā rogā jāyante vātasambhavāḥ bhrājiṣṇutāmannarucimagnidīptimarogatām saṃñcaram̐stu svāḥ sirāḥ pittaṃ kuryyāccānyān guṇānapi yadā prakupitaṃ pittaṃ sevate svavahāḥ sirāḥ tadāsya vividhā rogā jāyante pittasambhavāḥ snehamaṅgeṣu sastrīṇāṃ sthairyaṃ balamudīrṇatām śārīraṃ karotyanyān guṇāṃścāpi balāsaḥ svāḥ sirāñcaran yadā tu kupitaḥ śleṣmā svāḥ sirāḥ pratipadyate tadāsya vividhā rogā jāyante śleṣmasambhavāḥ dhātūnāṃ pūraṇaṃ varṇaṃ sparśajñānamasamplavam svāḥ sirāḥ sañcaradraktaṃ kuryāccānyān guṇānapi yadā tu kupitaṃ raktaṃ sevate svavahāḥ sirāḥ tadāsya vividhā rogā jāyante raktasambhavāḥ na hi vātaṃ sirāḥ kāñcinna pittaṃ kevalaṃ tathā śleṣmāṇaṃ vā vahantyetā ataḥ sarvvavahāḥ smṛtāḥ praduṣṭānāṃ hi doṣāṇāmucchritānāṃ pradhāvatām dhruvamunmārgagamanamataḥ sarvvavahāḥ smṛtāḥ tatrāruṇā vātavahāḥ pūryyante vāyunā sirāḥ pittā duṣṇāśca nīlāśca śītā gauryyaḥ sthirāḥ kaphāt asṛgvahāstu rohiṇyaḥ sirā nātyuṣṇaśītalāḥ ata ūrddha pravakṣyāmi na vidhyedyāḥ sirā bhiṣak vaikalyaṃ maraṇañcāpi yadvāghātād dhruvaṃ bhavet - [Previous: 100.3.13](https://indike.org/pramana/in.art.kosa.sabdakalpadruma.100.3.13) - [Next: 100.3.15](https://indike.org/pramana/in.art.kosa.sabdakalpadruma.100.3.15) - [Up: 100.3](https://indike.org/pramana/in.art.kosa.sabdakalpadruma.100.3) ## Linked texts (2) - [Suśrutasaṃhitā](https://indike.org/pramana/in.med.samhita.susruta.3.7.18) — Suśruta & Nāgārjuna (siddha/alchemist), Sanskrit - [Bhāvaprakāśa (another edition)](https://indike.org/pramana/in.med.sangraha.bhavaprakasa*alt.1.3-2.257) — Sanskrit --- Source: [https://indike.org/pramana/in.art.kosa.sabdakalpadruma.100.3.14](https://indike.org/pramana/in.art.kosa.sabdakalpadruma.100.3.14) · Pramāṇa