[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 162.p1 # Shabdakalpadruma 162.p1 Śabdakalpadruma 162.p1 - **Language:** Sanskrit ### [162.p1](https://indike.org/pramana/in.art.kosa.sabdakalpadruma.162.p1) asya vivāho yathā,— īśvara uvāca “hitāya sarvvajagatāṃ mambhogāyātmanastathā dārān grahītumicchāmi tathā santānavṛddhaye sāhāyyaṃ tatra kurvvantu bhavanto mama sāmpratam madarthe tanayāṃ kālīṃ yācantāntu himācalam mārkaṇḍeya uvāca haraṃ sambodhya munayo hyagacchan girirājagṛham tena saṃpūjitāste tu procuste munayo girim yaccandraśekharo devo devadevaśca yo mataḥ śāpānugrahaṇe śakto ya eko jagatāṃ patiḥ yaḥ saṃharati sarvvāṇi jaganti pralayodbhave yo vibhūtiprado bhakte nāṇārūpo manoharaḥ sa te duhitaraṃ kālīṃ bhāryyāmādātumicchati yadi paśyasi tvadyogyaṃ varaṃ tvaṃ duhituḥ samam tadā prayaccha tanayāṃ kālīṃ śaśiśṛte gire ! mārkaṇḍeya uvāca ityuktastairgiripatirvaraṃ gṛhṇannacintayat duhituśca priyaṃ ślāghyāprārthaṃ suhṛdgaṇāstadā dāsyāmi śambhave putrīṃ yuṣmābhiḥ prārthitastvaham pūrvvameva tapastaptā tayaiṣaḥ patirīpsitaḥ dhātṛniyojanamidaṃ ko'nyathā karttumutsahet ko'nyaḥ prārthayituṃ śaktaḥ sutāṃ mama vinā harān hareṇāvagṛhītā yā tāmanyaḥ kaḥ samutsahet haraṃ gṛhītvā manasā nānyaṃ sāpīha vāñchati ityuktvā menayā sārddhaṃ sutāṃ dātuṃ śambhave aṅgīkṛtya visṛṣṭāste munayo'gurmaheśvaram te gatvā munayaḥ sarvve marīcipramukhā dvijāḥ śailarājo yadācaṣṭa tadvapurmadanāraye himavāṃstanayāṃ dātuṃ tubhyamutsahate hara yadidānīṃ tvayā karttuṃ yujyate kriyatāntu tat asmāṃścāpyanujānīhi hara gantuṃ nijāspadam siṃhaṃ jñātvā haraḥ sārddhaṃ muditastān visṛṣṭavān yathāyogyaṃ samābhāṣya kramādekaikaśo munīn kālīvivāhadivasaṃ yayamāyāta māṃ prati iti cāpi haroktāste pratimuhyaryayau yayuḥ ||’ athānyo'nyimatayā kṛtvā kṛtvā gatāgatam samayaṃ kārayāmāsa vivāhasya haro girim mādhave māsi pañcamyāṃ sitapakṣe gurorddine candre cottaraphalgunyāṃ bharaṇyādau sthite ravau āgatā munayastatra marīcipramukhā muhuḥ hareṇa cintitāḥ sarvve tathā brahmādayaḥ surāḥ tathā ca sarvve dikpālā munayo ye tapodhanāḥ śacyā saha tadā śakro brahmāṇyādyāstu mātaraḥ nāradaśca gatastatra devarṣirbrahmaṇaḥ sutaḥ etaiḥ parikaraiḥ sārddhaṃ gaṇairākhyāyitaḥ svakaiḥ kanyāvivāhavidhinā giraputrīṃ haro'grahīt vivāhe giriṇā śambhoḥ sarpā ye'ṣṭau tanau sthitāḥ te jāmbūnadasannaddhā alaṅkārāstadābhavan himajo'bhūnmahādevo jaṭāḥ keśāstamāgatāḥ śiraḥsthitaścandrakhaṇḍaḥ śīciṣā jvalito'bhavat lalāṭanetramabhavattadā ratnaṃ mahāghyakam vicitravasanaṃ vyāghrakṛttirāsīttadā dvijāḥ vibhūtilepo'bhūttasya sugandhimalayeādbhavaḥ cārurūpo harastatra babhūvādbhutadarśanaḥ tato devāḥ sagandharvvāḥ siddhā vidyādharoragāḥ vismayaṃ paramaṃ prāpurharaṃ dṛṣṭvā tathāvidham himavān muditaścābhūt sahaputraiśca menayā jñātayaścāsya suhṛddurharaṃ dṛṣṭvā tathāvidham idaṃ brahmā tatra jagau haraṃ dṛṣṭvā manoharam sarvvaṃ śivakaraṃ yasmādbrahmādyasyābhavan surāḥ tasmāt śivo'yaṃ lokeṣu nāmnādatyo'dhikaḥ śivaḥ maheśvarasamāyuktamīdṛśaṃ yaḥ smareddhṛdā satataṃ tasya kalyāṇaṃ vāñchitañca bhaviṣyati evaṃ kālī mahāmāyā yoganidrā jagatprasūḥ pūrvvaṃ dākṣāyaṇī bhūtvā paścāt girisutābhavat svayaṃ samarthāpi satī kālī sammohayituṃ haram tathāpyugraṃ tapastepe hitāya jagatāṃ śivā evaṃ sammohayāmāsa kālikā candraśekharam ityetat kathitaṃ sarvvaṃ tvatkṛtehā satī yathā himavattanayā bhūtvā punaḥ prāpa maheśvaram ||” - [Previous: 161.p2](https://indike.org/pramana/in.art.kosa.sabdakalpadruma.161.p2) - [Next: 162.p2](https://indike.org/pramana/in.art.kosa.sabdakalpadruma.162.p2) - [Up: 162](https://indike.org/pramana/in.art.kosa.sabdakalpadruma.162) ## Linked texts (1) - [Amarakośa Nāmaliṅgānuśāsana](https://indike.org/pramana/in.art.kosa.paryaya.amarakosanamalinganusasana.1.35) — Amarasiṃha, Sanskrit --- Source: [https://indike.org/pramana/in.art.kosa.sabdakalpadruma.162.p1](https://indike.org/pramana/in.art.kosa.sabdakalpadruma.162.p1) · Pramāṇa