[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 165.p3 # Shabdakalpadruma 165.p3 Śabdakalpadruma 165.p3 - **Language:** Sanskrit ### [165.p3](https://indike.org/pramana/in.art.kosa.sabdakalpadruma.165.p3) mātṛkāviśeṣaḥ | iti śabdaratnāvalī \[śivadūtī, strī, (śivena dūtyasi sandeśaṃ prāpayatītyarthe dūta + ṇic + pacādyac | yaddā, śivo dūto yasyāḥ | gaurāderākṛtigaṇatvāt ṅīṣ |) durgā iti trikāṇḍaśeṣaḥ || yoginīviśeṣaḥ | yathā, “brahmāṇī prathamā proktā tato māheśvarī parā kaumārī vaiṣṇavī caiva vārāhī pañcamī tathā nārasiṃhī tathaivendrī śivadūtī tathāṣṭamī etāḥ pūjyā mahābhāgā yoginyaḥ kāmadāyinīḥ |"” tasyā utpatti mantradhyānādi yathā,— “kauśikyā hṛdayāddevī niḥsṛtā dhyānato hareḥ śivadūtīti vikhyātā vidyāśatasusaṃyutā mantramasyāḥ pravakṣyāmi dharmmakāmārthadāyakam yat smṛtvā sādhako yāti durlabhaṃ śivamandiram yenārādhya mahādeva śivadūtīṃ śivālikām na cirāllabhate kāmānnaraḥ sarvvajayī bhavet . antaḥsamādvisahito vinduyuktā daśāvarā khareṇa pañcameneva saṃsṛṣṭo'nena pūrvvaśaḥ sa eva viṣṇuyugala pūrvvasyāntapadārthakaḥ ṣaṣṭhasvarakalāvahneḥ saṃsthitaḥ prathamasthitaḥ mantro'yaṃ śivadūtyāstu śivadūtījayapradaḥ rūpamasyāḥ pravakṣyāmi śṛṇu vatsava saṃmatam caturbhujaṃ mahākāyaṃ smitavastrāvaguṇṭhitam raktadantaṃ sūkṣmamālājaṭājūṭārddhacandrakam nāgakuṇḍalahārābhyāṃ śobhitaṃ nakharojjvalam vyāghracarmmaparīdhānaṃ dakṣiṇe śūlacakradhṛk vāme pātraṃ tathā carma vibhradrūpaṃ parikramāt srāvadvaktraṃ pīnoṣṭaṃ tuṅgasrakthi bhayaṅkaram nicitya havyabhuk pādaṃ saṃsthitaṃ kuṇapopari vāmapādaṃ śṛgālasya pṛṣṭhe pheśaṇataivantam raiḍaśaṃ śivadūtyāstu mūrddhi dhyāyedvibhūtaye dhyānamātrādadhetasyā naraḥ kalyāṇamāpnuyāt pūjanādacirāddevī sarvvān kāmān dadāti ca yaḥ śivārirutaṃ smṛtvā śivadūtīṃ śivapradām praṇamet sādhako bhaktyā tasya kāmāḥ kare sthitāḥ yadā jaghāna jagatāṃ raktabījaṃ \[hināya vai mahādevī mahāmāyā tadāsyānaḥ kāyataḥ smṛtā dūtaṃ prasthāpayāmāsa śivaṃ śumbhāya sāmbikā tena sā śivadūtīti devaiḥ sarvvaiḥ pragīyate khemaṅkarī ca śāstrā ca vedamātā mahodarī karālā kāmadā devī bhagasyā bhagamālinī bhagodarī bhagāhārā bhagajihvā bhagā tathā etā dvādaśa yoginyaḥ pūjane parikīrttitāḥ etā dvādaśa yoginyaḥ śivadūtyāḥ sadaiva hi vicaranti svayaṃ devī yatra yatraiva gacchati ||” - [Previous: 165.p2](https://indike.org/pramana/in.art.kosa.sabdakalpadruma.165.p2) - [Next: 165.p4](https://indike.org/pramana/in.art.kosa.sabdakalpadruma.165.p4) - [Up: 165](https://indike.org/pramana/in.art.kosa.sabdakalpadruma.165) --- Source: [https://indike.org/pramana/in.art.kosa.sabdakalpadruma.165.p3](https://indike.org/pramana/in.art.kosa.sabdakalpadruma.165.p3) · Pramāṇa