[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 166.p1.3 # Shabdakalpadruma 166.p1.3 Śabdakalpadruma 166.p1.3 - **Language:** Sanskrit ### [166.p1.3](https://indike.org/pramana/in.art.kosa.sabdakalpadruma.166.p1.3) “pradoṣavyāpinī grāhyā śivarātriścaturdaśī ||” pradoṣamāha vallaḥ “pradoṣo'stamayādūrdhvaṃ ghaṭikāiyamiṣyate ||” ūrddhamamantaram | vāyupurāṇe “trayodaśyastage sūryye catasraścāpi nār̤iṣu bhūtaviddhā tu yā tatra śivarātrivratañcaret ||”• īśānasaṃhitāyām “māghe kṛṣṇacatuddeśyāmādidevo mahāniśi śivaliṅgatayodbhūtaḥ koṭisūryyasamaprabhaḥ tatkālavyāpinī grāhyā śivarātrivrate tithiḥ arddharātrādadhaścorddhaṃ yuktā yatra caturdaśī vyāptā sā dṛśyate yasyāṃ tasyāṃ kuryyādvrataṃ naraḥ||” atra “mahāniśā dve ghaṭike rātrermadhyamayāmayoḥ ||” iti devalokto mahāniśā grāhyā | ghaṭikā ekadaṇḍaḥ | evañca yahine pradoṣaniśīthobhayavyāpinī caturdaśī taddine vrataṃ ubhayavyāptānugedhāt | kālamādhavīye'pyevam | etena paradine ubhayavyāpitve'pi pūrvvadivasīyarātridvitīyayāmaprabhṛticaturdaśīsattve bahupraharavyāpi tvena pūrvvadina eva vratamiti nirastam | yadā tu pūrvvaniśīthamātravyāptiḥ paraiyuḥ pradoṣamātravyāptistadā pūrvvatraivavratam | pradhānakālavyāptānurodhāt “pūrvvedyuraparaṃyuvva mahāniśi caturdaśī vyāptā sā dṛśyate yasyāṃ tasyāṃ kuryyādvrataṃ naraḥ||” itīśānasaṃhitāvacanācca etadviṣaya eva bhaviṣyapurāṇam “arddharātrāta purastāttu jayāyogo bhavedyadi pūrvvaviddhaiva karttavyā śivarātriḥ śivapriyeḥ ||” viṣṇudharmottare “jayantī śivarātriśca kārye bhadratrayānvite kṛtvopavāsaṃ tithyantaṃ tadā kuryyācca pāraṇam ||” tithyante pāraṇaṃ jayantīmātraparaṃ atra catuddeśyāmeva tat “brahmāṇḍodaramadhye tu yāni tīrthāni santi vai pūjitāni bhavantīha bhūtāyāṃ pāraṇe kṛte ||” iti skāndāt - [Previous: 166.p1.2](https://indike.org/pramana/in.art.kosa.sabdakalpadruma.166.p1.2) - [Next: 166.p1.4](https://indike.org/pramana/in.art.kosa.sabdakalpadruma.166.p1.4) - [Up: 166.p1](https://indike.org/pramana/in.art.kosa.sabdakalpadruma.166.p1) ## Linked texts (1) - [Smṛtitattva](https://indike.org/pramana/in.niti.dharma.nibandha.mahanibandha.smrtitattva.1.p2.40) — Raghunandana Bhaṭṭācārya 1520, Sanskrit --- Source: [https://indike.org/pramana/in.art.kosa.sabdakalpadruma.166.p1.3](https://indike.org/pramana/in.art.kosa.sabdakalpadruma.166.p1.3) · Pramāṇa