[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 274.p1.2 # Shabdakalpadruma 274.p1.2 Śabdakalpadruma 274.p1.2 - **Language:** Sanskrit ### [274.p1.2](https://indike.org/pramana/in.art.kosa.sabdakalpadruma.274.p1.2) ādityavāre cārogyaṃ cāndre saubhāgyameva ca kauje sarvvatra vijayaṃ sarvvān kāmān budhasya ca viprāgrabhīṣṭaṃ jīve tu dhanaṃ vai bhārgave punaḥ śanaiścare labhedāyuḥ pratipatsu śubhān sutān kanyakāṃ vai dvitīyāyāṃ tṛtīyāyāṃ subandhavān paśūn kṣudrāṃścaturyyāntu pañcamyāṃ śobhanān sutān ṣaṣṭhyāṃ dyutiṃ kṛṣiñcāpi saptamyāṃ labhate naraḥ aṣṭamyāmapi vāṇijyaṃ labhate śrāddhadaḥ sadā syānavamyāmekakhuraṃ daśamyāṃ dvikhuraṃ bahu ekādaśyāntathā rūpyaṃ brahmavarcasvinaḥ sutān dvādaśyāṃ jātarūpantu rajataṃ raupyameva ca jñātiśraiṣṭhaṃ trayodaśyāṃ caturddaśyāntu kuprajāḥ pañcadaśyāṃ sarvvakāmānāmoti śrāddhadaḥ sadā tasmācchrāddhaṃ na karttavyaṃ caturddaśyāṃ dvijātibhiḥ śastreṇa tu hatānāṃ vai tatra śrāddhaṃ prakalyayet dvayatrāsannasampannaṃ na kāryyānyamaḥ svataḥ tasmādbhogāyavargārthaṃ śrāddhaṃ kuryyāt dvijātibhiḥ karmārambhepu sarvveṣu kuryyādāmyudayaṃ punaḥ puttrajanmādiṣu śrāddhaṃ pārvvaṇaṃ paryuṇi smṛtam anvaṣṭakāni nityaṃ syāt kāmyaṃ naimittikaṃ tathā ekoddiṣṭantu vijñeyaṃ vṛddhiśrāddhañca pārvvaṇam etat pañcavidhaṃ śrāddhaṃ manunā parikīrttitam yācārthyā ṣaṣṭhamākhyātaṃ tat prayatnena pālayet śuddhaye samanaṃ śrāddhaṃ brahmaṇā parikīrttitam daivikaṃ cāṣṭamaṃ śrāddhaṃ yat kṛtvā mucyate bhayāt sambhārācāreṇa karttavyaṃ rātraurevānya darśanāt deśānāñca viśeṣeṇa bhavet puṇyamanuttamam gayāyāmakṣayaṃ śrāddhaṃ prayāge'marakaṇṭake gāyanti pitaro gāthāṃ kīrttayanti manīṣiṇaḥ eṣṭavyā bahavaḥ puttrā yadyeko'pi gayāṃ vrajet yajeta vāśvamedhena nīlaṃ vā vṛṣamutsṛjet - [Previous: 274.p1.1](https://indike.org/pramana/in.art.kosa.sabdakalpadruma.274.p1.1) - [Next: 274.p1.3](https://indike.org/pramana/in.art.kosa.sabdakalpadruma.274.p1.3) - [Up: 274.p1](https://indike.org/pramana/in.art.kosa.sabdakalpadruma.274.p1) ## Linked texts (2) - [Mudgalapurāṇa](https://indike.org/pramana/in.purana.upa.surya.mudgala.3.21.29) — Sanskrit - [Kṛtyaratnākara (Caṇḍeśvara)](https://indike.org/pramana/in.niti.dharma.nibandha.krtya.krtyaratnakara.4.p53) — Caṇḍeśvara, Sanskrit --- Source: [https://indike.org/pramana/in.art.kosa.sabdakalpadruma.274.p1.2](https://indike.org/pramana/in.art.kosa.sabdakalpadruma.274.p1.2) · Pramāṇa