[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 374.3-2 # Shabdakalpadruma 374.3-2 Śabdakalpadruma 374.3-2 - **Language:** Sanskrit ## Contents - [374.3-2.p1](https://indike.org/pramana/in.art.kosa.sabdakalpadruma.374.3-2.p1) — 4 parts ### [374.3-2.1](https://indike.org/pramana/in.art.kosa.sabdakalpadruma.374.3-2.1) 146 “mahābhūtāni satyāni yathātmāpi tathaiva hi ||”) siddhāntaḥ | iti śabdaratnāvalī || || yathārthasya paryyāyaḥ | tathyam 2 ṛtam 3 samyak 4 | ityamaraḥ || avitatham 5 bhūtam 6 | iti jaṭādharaḥ || talakṣaṇam | yathā, — “yathārthakathanaṃ yacca sarvvalokasukhapradam tat satyamiti vijñeyamasatyaṃ tadviparyyayam ||” tadākārā yathā, — “satyañca samatā caiva damaścaiva na saṃśayaḥ amātsaryyaṃ kṣamā caiva hīstitikṣā'nasūyatā tyāgo dhyānamathāryyatvaṃ dhṛtiśca satataṃ dayā ahiṃsā caiva rājendra satyākārāstrayodaśa |” tattyāpālane doṣo yathā, — “jñātvā śapatharūpañca satyaṃ hanti na pālayet sa śatannaḥ kālasūtre vasedde vacaturyugam saprajanmasu kākaśca saptajanmasu peṃcakaḥ tataḥ śūdro mahāvyādhī janmasapta tataḥ śuciḥ ||” api ca “satyena lokaṃ jayati satyantu paramaṃ tapaḥ yathābhūtaprasādantu satyamāhurmanīṣiṇaḥ ||” tasya praśaṃsā yathā, — “satyamāyāsyati hariḥ satyaṃ niṣkapaṭaṃ vada vada tat svabhayaṃ tyaktvā satyaṃ brūhi susaṃsadi varaṃ kūpaśatādvāpī varaṃ vāpauśatāt kratuḥ varaṃ kratuśatāt putraḥ satyaṃ putraśatāt kila nahi satyāt paro dharmoṃ nānṛtāt pātakaṃ param nahi mātuḥ paro bandhurna gururbhaktadāt paraḥ ||” api ca “tasmāt satyaṃ paraṃ brahma satyameva paraṃ tapaḥ satyameva paro yajñaḥ satyameva paraṃ śrutam satyaṃ vedeṣu jāgartti satyañca paramaṃ padam kīrttiryaśaśca puṇyañca pitṛdevarṣipūjanam ādau vidhiśca vidyā ca sarvvaṃ satye pratiṣṭhitam satyaṃ yajñastathā vedā mantrā devāḥ sarasvatī vratacaryyā tathā satyaṃ oṅkāraḥ satyameva ca ### [374.3-2.2](https://indike.org/pramana/in.art.kosa.sabdakalpadruma.374.3-2.2) satyena vāyurabhyeti satyena tapate raviḥ satyenāgnirdahennityaṃ svarge satyena gacchati satyena cāpaḥ kṣipatti parjanyo dharaṇītale pareṇa sarvvadevānāṃ sarvvatīrthāvagāhanam satyasya vacanālloke sarvvamāpnotyasaṃśayam aśvamedhasahasrañca satyañca tulayā dhṛtam aśvamedhasahasrāddhi satyameva viśiṣyate satyena devāḥ prīyante pitara ṛṣayastathā manuṣyāḥ siddhagandharvvāḥ satyāt siddhirmito gatāḥ agādhe vipule śuddhe satyatīrthe śucihṛde snātavyaṃ manasā yuktaiḥ snānaṃ tat paramaṃ smṛtam ātmārthe vā parārthe vā putrārthe vāpi mānavāḥ anṛtaṃ ye na bhāṣante te budhāḥ svargagāminaḥ tasmāt satyavrataṃ paśca tadanantaphalaṃ bhavet ||” api ca “taḍāgaśatadānena yat puṇyaṃ labhate naraḥ tato'dhikañca labhate vāpodānena niścitam daśavāpīpradānena yat phalaṃ labhate naraḥ samo'dhikañca labhate puṇyaṃ kanyāpradānataḥ daśakanyāpradānena yat phalaṃ labhate naraḥ tato'dhikañca labhate yajñenaikena narādhipaḥ śatayajñena labhate yat puṇyaṃ puṇyalakṣaṇaḥ tato'dhikañca labhate puttrāsya darśanena ca darśane śataputtrāṇāṃ yat puṇyaṃ labhate naraḥ tat puṇyaṃ labhate nūnaṃ puṇyavān satyapālanāt nahi satyāt paro dharmmo nānṛtāt pātakaṃ naraḥ nahi gaṅgāsamaṃ tīrthaṃ na devaḥ keśavāt paraḥ ||” anyañca “satyamūlaṃ jagat sarvvaṃ sarvvaṃ satye pratiṣṭhitam vidyāṃ labhante satyena ṛṣayo vedapāragāḥ satyena dīyate kanyā satyaṃ jalpanti brāhmaṇāḥ satyaṃ vadanti rājānaḥ satyena vasudhā dhṛtā satyena gamyate svargaṃ mokṣaṃ satyena prāpyate sūryāstapati satyena somaḥ satyena rājate ### [374.3-2.3](https://indike.org/pramana/in.art.kosa.sabdakalpadruma.374.3-2.3) yamaḥ satyena harati satyenendro virājate varuṇañca kuverañca tau ca satye pratiṣṭhitau tat satyaṃ mama gaṅgeti tadyajñaṃ nāgame punaḥ |” “satyaṃ santoṣa āstikyaṃ tathā cendriyanigrahaḥ devatābhyarcanaṃ pūjā brāhmaṇānāṃ viśeṣataḥ satyaṃ bhūtahitaṃ vākyamasatyaṃ svāgatamparam niyamāḥ pañca saptāgnyā bāhyāmābhyantaraṃ dvidhā ||” api ca “ye'rthā dharmmaṇa te satyā ye'dhamrmeṇa gataśriyaḥ satyaśaucaṃ manaḥśaucaṃ śaucamindriyanigrahaḥ sarvvabhūtadayā śaucaṃ jalaśaucañca pañcamam yasya satyañca śaucañca tasya sargo na durlabhaḥ satyaṃ hi vacanaṃ yasya so'śvamedhādviśiṣyate |” api ca “na sā sabhā yatra na santi vṛddhā vṛddhā na te ye na vadanti dharmmam nāso dharmmo yatra no satyamasti no tat satyaṃ yacchalenānuviddham brāhmaṇo'pi manuṣyāṇāmādityaścaiva tejasām śiro'pi sarvvagātrāṇāṃ vratānāṃ satyamuttamam |” brahma | yathā | yaḥ sarvvajñaḥ sarvvavin yasya jñānamayaṃ tapaḥ sarvvasya vaśī sarvvasyeśānaḥ yaḥ pṛthivyāṃ tiṣṭhan pṛthivyā antaraḥ so'kāmayata bahusyāṃ sa īkṣata tattajo'sṛjata satyaṃ jñānamanantaṃ brahma ityādyāḥ | iti śrībhāgavatadaśamaskandhīya 87 adhyāyoyalatīyaślokaṭīkāyāṃ śrīdharasvāmī || || api ca “aṣṭamātmā paraṃ brahma satyaṃ jñānamanantakam vijñānamānando brahma satpadmamasi kevalam nityaṃ śuddhaṃ buddhayuktaṃ satyamānandamavyayam yo'sāvādityapuruṣaḥ so'sāvaha makhaṇḍitaḥ iti dhyāyan vimucyeta brahmaṇo bhavabandhanāt ||” tadvaidikaparyyāyaḥ | vaṭ 1 śnat 2 snā 3 addhā 4 itthā 5 ṛtam 6 | iti ṣaṭ satyanāmāni | iti vedanighaṇṭau ### [374.3-2.p1.1](https://indike.org/pramana/in.art.kosa.sabdakalpadruma.374.3-2.p1.1) 10 satyaṃ, \[m\] vya, praśraḥ | svīkāraḥ | iti śabdaratnāvalī satyaḥ, puṃ, (sate hitaḥ | sat + yat |) śrīrāmaḥ yathā, — “kauśalyānandanaḥ śrīśaḥ satyo dṛptasukhāntakaḥ ||” viṣṇuḥ | yathā, — “auśanai'pyantare viṣṇuḥ satyaḥ sadya svadhotsabhaiḥ satyāyāmabhavat satyaḥ satyarūpo janārddanaḥ ||” anyaśca “satyavrataṃ satyaparaṃ trisatyaṃ satyasya yoniṃ nihitañca satye satyasya satyamṛtasatyanetraṃ satyātmakaṃ tvāṃ śaraṇaṃ prapannāḥ ||” satyaṅgā satyakaṃ, satyaṅkāraḥ, satyaṅkārakṛtaḥ, satyapā satyadhṛtiḥ, satyanārāyaṇaḥ, śaunaka uvāca martye sūta sarvvajña kalikrāle samāgate kenopāyena bhagavan harirbhaktirbhavennṛṇām kalau sarvva bhaviṣyanti pāpakarmaparāyaṇāḥ vedavidyāvihīnāśca teṣāṃ śreyaḥ kathaṃ bhavet kalāvannagataprāṇā lokāḥ svalpāyuṣastathā nidhanāśca bhaviṣyanti nānāpīḍāprapīḍitāḥ prayāsasādhyaṃ sukṛtaṃ śāstreṣu śrūyate dvija tasmāt ke'pi kariṣyanti kalau na sukṛtaṃ janāḥ sukṛteṣu vinaṣṭeṣu pravṛtte pāpakarmaṇi sarvveṣāḥ pralayaṃ mayye gamiṣyanti durāśayāḥ svalpaśrameṇa vistīrṇatkalyāṇena mahattamaḥ yathā bhavettathāpāyaṃ tathā kathaya sūta naḥ yasyopadeśanaḥ puṃsāṃ pāpaṃ vā kurute janaḥ sa tadbhāgī bhavetsarvva iti śāstreṣu niścitam puṇyopadeśo sadyaḥ kaitaveñca vivajjitaḥ pāpāśamavirodhī ca catvāraḥ keśanaupamāḥ satyamā jñānaṃ saṃprāpya saṃsāre yaḥ pareṣyo na yacchati jñānarūpī hariruto prasanna eva neṣyate jñānaratnañca ratnebhya paramaṇyottamāmvaraḥ sa jñeyaḥ sukṛtirmūnaṃ nararūpadharo hariḥ vratena tapasā kiṃvā prāpyate vāñchitaṃ phalam ### [374.3-2.p1.2](https://indike.org/pramana/in.art.kosa.sabdakalpadruma.374.3-2.p1.2) sarvvaṃ tat śrotumicchāmi kathayakha mahāmate tvameva muniśārddūla vedavedāṅgapāragaḥ tvadṛte nahi vaktānyo yatastvaṃ vyāsaśāsanaḥ sūta uvāca dhamyo'si tvaṃ muniśreṣṭha tvameva vaiṣṇavāgraṇīḥ yataḥ samastalokānāṃ hitaṃ vāñchasi sarvvadā śrutvā śaunaka vakṣyāmi yat tvayā śrotumiṣyate nāradenaivasampṛktaḥ san bhagavān kamalāsaṇaḥ surarṣaye yathaivāha tat śṛṇuṣva samāhitaḥ ekadā nārado yogī parānugrahakāṅkhyā paryaṭan vividhān lokān marttyalokamupāgamat tatra dṛṣṭvā janāḥ sarvve nānāduḥkhasamanvitāḥ nānāyonisamutpannāḥ kliśyante pāpakarmabhiḥ kenopāyena caiteṣāṃ duḥkhāpo bhavadudhruvam iti sañcintya manasā viṣṇulokaṃ gatastadā tatra nārāyaṇaṃ devaṃ śuklavarṇaṃ caturbhujam śaṅkhacakradharaṃ devaṃ vanamālāvibhūṣitam dṛṣṭvā taṃ devadeveśaṃ stotaṃ samupacakrame nārada uvāca namaste vāṅmano'tītaskūpāyanānantaśaktaye ādimadhyāntahīnāya nirguṇāya guṇātmane sarvvamāṣādibhūtāya bhaktānāmāttināśine śrutvā stotraṃ tato viṣṇurnāradaṃ pratyabhāṣata śrībhagavānuvāca kimarthamāgato'si tvaṃ kinte manasi varttate kathayakha mahābhāga tat sarvvaṃ kathayāmi te nārada uvāca martyaloke janāḥ sarvve nānākleśasamanvitāḥ nānāyonisamutpannāḥ pacyante pāpakarmaṇā tat kathaṃ śamayennātha laghūpāyena tadvada śrotumicchāmi tat sarvvaṃ kṛpāsti yadi te mayi śrībhagavānuvāca sādhu pṛṣṭaṃ tvayā vatsa ! lokānugrahakāṅkṣayā yat kṛtvā mucyate mohāt tata śṛṇuṣva vadāmi te vratamasti mahatpuṇyaṃ svarge ca bhuvi durlabham tava snehānmayā vipra prakāśau kriyata'dhunā satyanārāyaṇasyaitad vrataṃ samyagvidhānataḥ ### [374.3-2.p1.3](https://indike.org/pramana/in.art.kosa.sabdakalpadruma.374.3-2.p1.3) kṛtvā sadyaḥ sukhaṃ bhukvā paratra mokṣamāpnuyāt tat śrutvā bhagavadvākyaṃ nāradaḥ punarabravīt kiṃ phalaṃ kiṃ vidhānañca kṛtaṃ keneti vā vratam tat sarvvaṃ vistarādbūhi kadā kāryaṃ hi tadvratam śrībhagavānuvāca duḥkhaśokādiśamanaṃ dhanadhānyavivarddhanam saubhāgyasantatikaraṃ sarvvatra vijayapradam yasmin kasmin dine martyo bhaktyā śraddhasamanvitaḥ satyanārāyaṇaṃ devaṃ yajettuṣṭau niśāsukhe bāndhavairbrāhmaṇaiścaiva sahito dharmatatparaḥ naivedyaṃ bhaktito dadyāt sapādaṃ bhakṣyamuttamam rambhāphalaṃ ghṛtaṃ kṣīraṃ godhūmasya ca cūrṇakam abhāve śālicūrṇaṃ vā śarkarāṃ vā gur̤aṃ tathā sapādasarvabhakṣyāṇi ekīkṛtya nivedayet viprāya dakṣiṇāṃ dadyāt kathāṃ śrutvā janaiḥ saha tataśca bandhubhiḥ sārddhaṃ viprebhyaḥ pratipādayet prasādaṃ bhakṣayet bhaktyā nṛtyagītādikaṃ caret tataḥ svatvā gṛhaṃ gacchet satyanārāyaṇaṃ smaran evaṃ kṛte manuṣyāṇāṃ vāñchāsiddhirbhaved‌dhruvam viśeṣataḥ kaliyuge nānyopāyo'sti bhūtale kathāmasya pravakṣyāmi kṛtaṃkenyo bhavet kṣitau kaścit kāśīpure yāne āsīdvipraśca nirddhanaḥ kṣudhātṛṣṇākulo bhūtvā satataṃ bhramate mahīm duḥkhitaṃ brāhmaṇaṃ dṛṣṭvā bhagavān brāhmaṇapriyaḥ vṛddhabrāhmaṇarūpaḥ san papraccha dvijamādarāt kimarthaṃ bhramase vipra ! mahīṃ hyatkṣāmya duḥkhitaḥ tat sarvaṃ śrotumicchāmi kathyatāṃ yadi rocate vipra uvāca brāhmaṇo'tidaridro'haṃ bhikṣārthaṃ bhramate mahīm upāyaṃ yadi jānāsi kṛpayā kathaya prabho vṛddha uvāca satyanārāyaṇo devo vāñchitārthaphalapradaḥ tasya tvaṃ dvijaśārdūla kuruṣva vratamuttamam ### [374.3-2.p1.4](https://indike.org/pramana/in.art.kosa.sabdakalpadruma.374.3-2.p1.4) yat kṛtvā sarvaduḥkhebhyo mukto bhavati mānavaḥ vidhānañca vratasyāsya viprāyābhāṣya yatnataḥ satyanārāyaṇo vṛddhastatraivāntaradhīyata tataḥ prātaḥ kariṣyāmi vrataṃ manasi cintitam iti sañcintya vipro'sau rātrau nidrāṃ na cālabhat tataḥ prātaḥ samutthāya satyanārāyaṇavratam kariṣye'dyeca saṅkalpya bhikṣārthamagamaddijaḥ tasminneva dine vipraḥ pracuraṃ prāptavān dhanam tenaiva bandhubhiḥ sārddhaṃ satyasya vratamācarat sarvvaduḥkhavinirmuktaḥ sarvvasampatsamanvitaḥ babhūva sa dvijaśreṣṭho vratasyāsya prabhāvataḥ tataḥ prabhṛtikālañca māsi māsi vrataṃ kṛtam sūta uvāca evaṃ nārāyaṇasyedaṃ vrataṃ kṛtvā dvijottamaḥ sarvvapāpavinirmukto durlabhaṃ mokṣamāpnuvāt vratañca tadudyathā vipraḥ pṛthivyāṃ sañcariṣyati tadaitat sarvvaduḥkhaṃ hi narāṇāñca vinaśyati evaṃ nārāyaṇenoktaṃ nāradāya mahātmane mayāpi kathitaṃ vipra kimanyat kathayāmi te ||” ### [374.3-2.p2](https://indike.org/pramana/in.art.kosa.sabdakalpadruma.374.3-2.p2) iti śrīskandapurāṇe revākhaṇḍe satyanārāyaṇaviprasaṃvādo nāma 1 adhyāyaḥ ## Linked texts (6) - [Skandamahāpurāṇa (vulgate)](https://indike.org/pramana/in.purana.skanda*vulgate.6.3.233.12) — Sanskrit - [Viṣṇudharma](https://indike.org/pramana/in.purana.upa.vaisnava.visnudharma.1.55.2) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.3.558) — Jīva Gosvāmin 1555, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.3.1.38) — Sanskrit - [Śivapurāṇa (complete text)](https://indike.org/pramana/in.purana.siva*complete.7.23.23) — Sanskrit - [Kriyāyogasāra](https://indike.org/pramana/in.purana.upa.vaisnava.kriyayogasara.1.15) — Sanskrit --- Source: [https://indike.org/pramana/in.art.kosa.sabdakalpadruma.374.3-2](https://indike.org/pramana/in.art.kosa.sabdakalpadruma.374.3-2) · Pramāṇa