[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 375.p1 # Shabdakalpadruma 375.p1 Śabdakalpadruma 375.p1 - **Language:** Sanskrit ### [375.p1](https://indike.org/pramana/in.art.kosa.sabdakalpadruma.375.p1) śaunaka uvāca “tasmādvipra vrataṃ kena pṛthivyāṃ caritaṃ mune tat sarvaṃ śrotumicchāmi śraddhāsmākaṃ prajāyate sūta uvāca śṛṇudhvaṃ munayaḥ sarve tasmādveyena kṛtaṃ bhuvi ekadā sa dvijavaro yathāvibhavavistaraiḥ bandhubhiḥ svajanaiḥ sārddhaṃ vrataṃ karttuṃ samudyataḥ etasminneva kāle tu kāṣṭhaketuḥ samāgataḥ bahiḥ kāṣṭhañca saṃsthāpya viprasya mandiraṃ yayau tṛṣṇayā pīr̤itāramā sa vipraṃ dṛṣṭvā tathāvidham praṇipatya dvijaśreṣṭhaṃ kimidaṃ kriyate tvayā kṛte kiṃ phalamāpnoti vistarādvada me prabho vipra uvāca satyanārāyaṇasyedaṃ vrataṃ sarvvepsitapradam duḥkhaśokādiśamanaṃ sarvvatra vijayapradam dhanādisantatikaraṃ sarvvābhayāpsitapradam yasya prasādātmai sarvaṃ dhanadhānyādikaṃ mahat tatastu sa vrataṃ jñātvā kāṣṭhakartātiharṣitaḥ papau jalaṃ prasādyañca bhuktvā tannagaraṃ yayau satyanārāyaṇaṃ devaṃ cintayan sthiramānasaḥ kāṣṭhaṃ vikrīya nagare prāpyāte cādya yaddhanam tenaiva satyadevasya vratamadya karomyaham iti sañcintya manasā kāṣṭhaṃ kṛtvā tu mastake jagāma nagare ramye dhanināṃ yatra saṃsthitiḥ taddine kāṣṭhamulyañca dviguṇaṃ prāptavānasau tataḥ prasannahṛdayaḥ supakvakadalīphalam śarkarāñca ghṛtaṃ dugdhaṃ godhūmasya ca cūrṇakam pratyekantu sapādañca gṛhītvā gṛhamāyayau tato bandhūn samāhūya cakāra vidhinā vratam tadddvatasya prasādena dhanaputrānvito'bhavat iha loke sukhaṃ bhuktvā cānte satyapuraṃ yayau ||” - [Previous: 374.3-2.p2](https://indike.org/pramana/in.art.kosa.sabdakalpadruma.374.3-2.p2) - [Next: 375.p2](https://indike.org/pramana/in.art.kosa.sabdakalpadruma.375.p2) - [Up: 375](https://indike.org/pramana/in.art.kosa.sabdakalpadruma.375) ## Linked texts (1) - [Skandamahāpurāṇa (vulgate)](https://indike.org/pramana/in.purana.skanda*vulgate.6.3.234.19) — Sanskrit --- Source: [https://indike.org/pramana/in.art.kosa.sabdakalpadruma.375.p1](https://indike.org/pramana/in.art.kosa.sabdakalpadruma.375.p1) · Pramāṇa