Shabdakalpadruma 468.5.6

468.5.6

oṃ patyabījarūpāyai svāhā māṃ sarvvato'vatu
iti te kathitaṃ vipra sarvva mantraughavigraham
idaṃ viśvajayaṃ nāma kavacaṃ brahmarūpiṇam
purā śrutaṃ dharmavaktrāt parvvate gandhamādane
tava snehātmayākhyātaṃ pravaktavyaṃ na kasyacit
gurumabhyarcya vidhivat vastrālaṅkāracandanaiḥ
praṇamya daṇḍavadbhūmau kavacaṃ dhārayet sudhīḥ
pañcalakṣajapenaiva siddhantu kavacaṃ bhavet
yadi syāt siddhakavaco bṛhaspatisamo bhavet
mahāvāgmī kavīndraśca trailokyavijayī bhavet
śaknoti sarvva jetuñca kavacasya prasādataḥ
idañca kāṇvaśākhoktaṃ kavacaṃ kathitaṃ mune
stotraṃ pūjāvidhānañca dhyānañca vandanaṃ tathā ||"
iti brahmavaivarte prakṛtikhaṇḍe sarasvatīkavacam
4 | 56-61
śrīnārāyaṇa uvāca
'vāgdevatāyāḥ stavanaṃ śrūyatāṃ sarvvakāmadam
mahāmuniryājñavalkyo yena tuṣṭāva tāṃ purā
guruśāpācca sa munirhatavidyo babhūva ha
tadā jagāma duḥkhārtto ravisthānañca puṣkaram
sa prāpa tapasā sūryaṃ kolāke dṛṣigocare
tuṣṭāva sūryaṃ śokena ruroda ca muhurmuhuḥ
sūryyastaṃ pāṭhayāmāsa vedavedāṅgameśvaraḥ
uvāca stuhi vāgdevīṃ bhaktyā ca smṛ tihetave
tamitājñāṃ dīnamārtho'pyantarddhānaṃ cakāra saḥ
muniḥ snātvā ca tuṣṭāva bhaktinamrātmakandharaḥ
yājñavalkya uvāca
kṛpāṃ kuru jaganmātamīmeva hatatejasam
guruśāpāt naṣṭasmṛtiṃ vidyāhonañca duḥkhitam
jñānaṃ dehi smṛtiṃ dehi vidyāṃ vidyādhidaivate
pratiṣṭhāṃ kavitāṃ dehi śaktiṃ śiṣyaprabodhikā m
granthakartṛttvaśaktiñca sacchiṣyaṃ supratiṣṭhitam
pratibhāṃ satsabhāyāñca vicārakṣamatāṃ śubhām
luptaṃ sarvvaṃ daivadoṣāt dūrībhūtaṃ punaḥ punaḥ