[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 509.7.1 # Shabdakalpadruma 509.7.1 Śabdakalpadruma 509.7.1 - **Language:** Sanskrit ### [509.7.1](https://indike.org/pramana/in.art.kosa.sabdakalpadruma.509.7.1) eṣa naḥ samayo rājan ratnasya sahabhojanam na ca taṃ hātumicchāmaḥ samayaṃ rājasattama ||”) sahammaraṇaṃ, klī, (saha patyā maraṇam |) mṛtasvāmisahitajvalaccitārohaṇa-pūrvvakamaraṇam yathā | “atha sahānugamanam | aṅgirāḥ mṛte bharttari yā nārī samārohehutāśanam sārundhatīsamācārā svargaloke mahīyate tisraḥ koṭyo'rddhakoṭī ca yāni lomāni mānave tāvantyabdāni sā svarge bharttāraṃ yānugacchati vyālagrāho yathā vyālaṃ balāduddharate bilāt tadvadbharttāramādāya tenaiva saha modate mātṛkaṃ paitṛkañcaiva yatra kanyā pradīyate punāti trikulaṃ nārī bharttāraṃ yānugacchati tatra sā bharttṛ paramā parā paramalāsasā krīr̤ate patinā sārddhaṃ yāvadindrāścaturdda śa ||” bharttṛparamā bharttā paramo yasyāḥ sā tathā parā paramalāsasetyatra stūyamānāpsarogaṇairiti vyāsena paṭhitam ‘brahmaghno vā kṛtaghno vā mitraghno vāpi yo naraḥ taṃ vai punāti sā nārī ityāṅgirasabhāṣitam sādhvīnāmeva nārīṇāmagniprapatanādṛte nānyo dharmmo hi vijñeyo mṛte bharttari karhicit yā nārītyupādānāt sahamaraṇabhāvapakṣo'pi sūcitaḥ | nānyo dharmma iti tu sahamaraṇastutyartham | tathā ca viṣṇuḥ | mṛte bharttari brahmacaryyaṃ tadanvārohaṇaṃ vā iti | brahmacaryyamamaithunavarjanaṃ tāmbūlādivarjanañca | yathā pracetāḥ ‘tāmbūlābhyañjanañcaiva kāṃsyapātre ca bhojanam yatiśca brahmacārī ca vidhavā ca vivarjayet ||’ abhyañjanamāyurvvarddhokaṃ pāribhāṣikam | yathā,— ‘mūrdhni dattaṃ yadā tailaṃ bhavet sarvvāṅgasaṅgatam snātābhisarpayedyaṅga mabhyaṅgaḥ sa udāhṛtaḥ tailamatsyaṃ yadāṅgeṣu na ca svāṅgādupānaham - [Previous: 509.24](https://indike.org/pramana/in.art.kosa.sabdakalpadruma.509.24) - [Next: 509.7.2](https://indike.org/pramana/in.art.kosa.sabdakalpadruma.509.7.2) - [Up: 509.7](https://indike.org/pramana/in.art.kosa.sabdakalpadruma.509.7) ## Linked texts (1) - [Śrāddhadīpa](https://indike.org/pramana/in.niti.dharma.sraddha.sraddhadipa.1.14) — Divyasiṃha Mahāpātra 1640, Sanskrit --- Source: [https://indike.org/pramana/in.art.kosa.sabdakalpadruma.509.7.1](https://indike.org/pramana/in.art.kosa.sabdakalpadruma.509.7.1) · Pramāṇa