Shabdakalpadruma 569.66

569.66

iti tantrasāraḥ
sārasvatavrataḥ, puṃ, (sārasvataḥ sarasvatodevatākaḥ
vrataḥ |) sarasvatyā vrataviśeṣaḥ | yathā, —
manuruvāca
“madhurā bhāratto kena narttana madhusūdana
tathaiva janasaubhāgyamatividyāsukauśalam
abhedaścāpi dampatyostathā bandhudhanena ca
āyuśca vipulaṃ puṃsāṃ tanme kathaya mādhava
matsya uvāca
samyak pṛṣṭaṃ tvayā rājan śṛṇu sārasvataṃ vratam
yasya saṅkīrttanādeva tuṣyatoha sarasvatī
yo yadbhūtaḥ pumān kuryyādetad tamanvaham
tadvāsarādau saṃpūjya viprānetat samārabhet
athavādityavāreṇa grahattārrābalena vā
pāyasaṃ bhojayedvidvān kṛtvā brāhmaṇavācanam
śuklavastrāṇi dattvā ca mandireṇānulepanaiḥ
gāyatrīṃ pūjayedbhaktyā śuklamālyānulepanaiḥ
yathā na devo bhagavān brahmā lokapitāmahaḥ
tvāṃ parityajya saṃtiṣṭhettathā bhava varapradā
vedāḥ śāstrāṇi sarvāṇi nṛtyagītādikañca yat
na vihīnaṃ tvayā devi tathā me santu siddhayaḥ
lakṣmīrmedhā dharā puṣṭirgorītuṣṭiḥ prabhā matiḥ
etābhiḥ pāhi tanubhiraṣṭābhirmāṃ sarasvati
evaṃ sampajya gārthyo bhogākṣamālyadhāriṇīm
śuklapuṣpākṣatailaṃṅgā sakamaṇḍalapustakam
maunavratena bhuñjīta sāyaṃ prātaśca dharmavit
pañcamyāṃ pratipadyakṣa pūjayet śukṛvāsinām
tathaiva taṇḍalaprasthaṃ ghṛtapātreṇa saṃyutam
kṣīraṃ dadyāddvijeśāya gāyattrī prīyatāmiti
sandhyāyāñca tathā maunametat kurvvan samācaret
nāntarābhojanaṃ kuryyāt yāvanmāsāścayodaśa
samāpte tu vrate dadyāt bhojanaṃ śukataṇḍulaiḥ
suvarṇaṃ vastrayugmañca gāñca viprāya śobhanām
devā vitānaṃ ghaṇṭāñca sitanetrapaṭāhṛtām
candanaṃ vastrayugmañca dadhyannaṃ śikharaṃ punaḥ
tathoepadeṣṭāramapi bhaktyā sampūjayedgurum
vittaśāṭhyena rahito vastramālyānulepanaiḥ
anena vidhinā yastu kuryyāt sārasvataṃ vratam
vidyāvānaryayuktaśca vyaktakaṇṭhaśca jāyate
sarasvatyāḥ prasādena brahmaloke mahīyate
nārī vā kurute yā tu sāpi tatphalabhāginī
brahmaloke vasedrājan yāvat kalpāyutatrayam
sārasvataṃ vrataṃ yastu śṛṇuyādathavā paṭhet
vidyādharapure so'pi vasetkalpāyutatrayam ||”
iti matsyapurāṇe