[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Lexicography](https://indike.org/pramana/in.art.kosa) › [Shabdakalpadruma](https://indike.org/pramana/in.art.kosa.sabdakalpadruma) › 788.1 # Shabdakalpadruma 788.1 Śabdakalpadruma 788.1 - **Language:** Sanskrit ### [788.1.1](https://indike.org/pramana/in.art.kosa.sabdakalpadruma.788.1.1) “mahābrahmarṣisṛṣṭā vā jvalantī bhīmadarśanāḥ dhiktvāgadaṇḍā na hiṃsanti rāmapravājane sthitām ||” ) sṛṣṭiḥ kho, (sṛj + ktin |) nirmmitiḥ | svabhāvaḥ iti medinī || nisargaḥ| iti śabdaratnāvalī brahmāṇḍasṛṣṭiryathā| sṛṣṭeḥ pūrvvaṃ manaśvakṣurādyagocaro bhagavān eka evāsīt | yadā sa svecchayā draṣṭā san dṛśyaṃ nāpaśyat tadā triguṇamayīṃ māyāṃ prakāśayāmāsa | tato bhagavān svāṃśena puruṣarūpaṃ kṛtvā tasyāṃ māyāyāṃ svavīryyaṃ caitanyaṃ ādhatta | sā samaṣṭijovarūpaṃ mahattattvaṃ janayamāsa | tasmāt trividho'haṅkāro jātaḥ tatra sāttvikāhaṅkārāt manaindriyādhiṣṭhātṛdevatāśca jātāḥ| rājasāhaṅkārāt daśendriyāṇi jātāni | tāmasāhaṅkārāt pañca mahābhūtāni teṣāṃ pañca guṇāṃśca jātāḥ | evaṃ prakṛtyādibhiretai ścaturviṃśatitattvai rbrahmāṇḍaṃ nimrmmāya bhagavān tasminnekenāṃśena praviśya garbhodakasaṃjñakaṃ jalaṃ sasarja | tajjalamadhye yoganidrayā sahasrayugamitaṃ kālaṃ sthitavān | tadanta utthāya svayamaṃśena brahmā bhūtvā sarvvān sṛṣṭvā nānābatārān kṛtvā pālayati | kalpānte rudrarūpeṇa saṃharati ca | iti śrībhāgavatamate saṃkṣepasṛṣṭiḥ || || api ca “sthāvarāstāḥ surādyāstu prajā brahmaṇyatnvithāḥ brahmaṇaḥ kurvvataḥ sṛṣṭiṃ jajñire mānasīstu tāḥ tato devāsurapitṝn manuṣyāṃśca catuṣṭayam sisṛkṣurambhasyāṃsthāni svamātmānamayuyujat yuktātmanastamomāttrā udriktābhūt prajāpateḥ sisṛkṣorjaghanāt pūrvvamasurā jajñire tataḥ utsasarja tatastanvāṃ tamomātrātmikāṃ tanum sā tu tyaktā tanustena maitreyābhūdvibhāvarī sisṛkṣuranyadehasyaḥ prītimāpa tataḥ surāḥ ### [788.1.2](https://indike.org/pramana/in.art.kosa.sabdakalpadruma.788.1.2) sattvodriktāḥ samudbhūtā mukhato brahmaṇo dvija tyaktā sāpi tanustena sattvaprāyamabhūddinam tato hi balino rātrāvasurā devatā divā sattvamātrātmikāmeva tato'nyāṃ jagṛhe tanum pitravanmanyamānasya pitarastasya jajñire utsasarjja tatastāntu pitṝn sṛṣṭvāpi sa prabhuḥ sā cotsṛṣṭābhavat sandhyādinanaktāntarasthitiḥ rajomātrātmikāmanyāṃ jagṛhe sa tanuṃ tataḥ rajomātrotkaṭā jātā manuṣyā dvijasattama tāmapyāśu sa tatyāja tanumādyaḥ prajāpatiḥ jyotsnā samabhavat sāpi prāksandhyā yābhidhīyate jyotsnāne tu balino manuṣyāḥ pitarastathā maitreya sandhyāsamaye tasmādete bhavanti vai jyotsnā rātryahanī sandhyā catvāryyetāni vai prabhoḥ brahmaṇastu śarīrāṇi triguṇopāśrayāṇi tu rajomātrātmikāmeva tato'nyāṃ jagṛhe tanum tataḥ kṣudrahmaṇo jātā jajñe kopastayā tataḥ kṣutkṣāmānandhakāre'tha so'sṛjadbhagavāṃstataḥ virūpāḥ śmaśrulā jātāste'bhyadhāvanta taṃ prabhum maivaṃ bho rakṣatāmeṣa yairuktaṃ rākṣasāstu te jakṣuḥ khādāma ityanye ye te yakṣāstu yakṣaṇāt apriyaiṣāñca tān dṛṣṭvā keśāḥ śīryyanta vedhasaḥ hīnāśca śiraso bhūyaḥ samārodanta te śiraḥ sarpaṇācca bhavan sarpā hīnatvādahayaḥ smṛtāḥ tataḥ kruddho jagatasraṣṭā krodhātmāno vinirmame varṇana kapiśenothāḥ bhūtāste piśitāśanāḥ dhayanto gāṃ samutpannā gandharvvāstasya tatkṣaṇāt pibanto jajñire vācaṃ gandharvvāstena te dvija etāni sṛṣṭvā bhagavān brahmā tacchaktitoditaḥ tataḥ svacchandato'nyāni vayāṃsi vayaso'sṛjat avayo vakṣasaścakre mukhato'jāḥ sa sṛṣṭavān sṛṣṭavānudarādgāvaḥ pāśrvābhyāśca prajāpatiḥ ### [788.1.3](https://indike.org/pramana/in.art.kosa.sabdakalpadruma.788.1.3) padmayāṃ cāśvān samātaṅgān rāsabhāṃśca gavayān mṛgān uṣṭrānaśvatarāṃścaiva nyaṅka nanyāṃśca jātayaḥ oṣadhyaḥ phalamūlāni romabhyastasya jajñire tretāyugamukhe brahmā kalpasyādau dvijottama sṛṣṭvā paśūneṣadhīḥ samyak yuyoja sa tadādhvare gaurajo pauruṣo meṣo hyaśvāśvataragardabhāḥ etān grāmyapaśūnāhurāraṇyāṃśca nibodha me śvāpado dvikhuro hastī vānaraḥ pakṣiṣañcamaḥ audakāḥ paśavaḥ ṣaṣṭhāḥ saptamāstu sarīsṛpāḥ gāyatrañca ṛcaścaiva trivṛtsāmarathantaram agniṣṭomañca yajñānāṃ nirmame prathamāmmukhāt yajūṃṣi traiṣṭubhaṃ chandaḥ stomaṃ pañcadaśaṃ tathā bṛhatsāma tathokthañca dakṣiṇādasṛjammukhāt sāmāni jagato chandaḥ stomaṃ saptadaśaṃ tathā vaiśyamastathātirātrañca paścimādasṛjammukhāt ekaviṃśamatharvāṇamatīrātramathāpi ca anuṣṭubhaṃ sa vairājamuttarādasṛjammukhāt ucāvacāni bhūtāni gātrebhyastasya jajñire devāsurapitṝn sṛṣṭvā manuṣyāṃśca prajāpatiḥ tataḥ punaḥ sasarjjādau saṅkalpāt sa pitāmahaḥ yakṣān piśācān gandharvvān tathaivāpsarasāṃ gaṇān narakinnararakṣāṃsi vayaḥpaśumṛgoragān avyayañca vyayañcaiva yadyid dhyāyannajāyata tat sasarja tadā brahmā bhagavānādikṛt prabhuḥ teṣāṃ ye yāni karmāṇi prāksṛṣṭyāṃ pratipedire tānyeva te prapadyante sṛjyamānāḥ punaḥ punaḥ hiṃstrāhiṃstre mṛdukū re dharmmādharmmāvṛtānṛte tadbhāvitāḥ prapadyante tasmāttattasya rocate indriyārtheṣu bhūteṣu śarīreṣu ca sa prabhuḥ nānātvaṃ viniyogañca dhātaiva vyasṛjat svayam nāma rūpañca bhūtānāṃ kṛtyānāñca prapañcanam vedaśabdebhya evādau devādīnāṃ cakāra saḥ ṛṣīṇāṃ nāmadheyāni yathā vedaśrutāni vai ### [788.1.4](https://indike.org/pramana/in.art.kosa.sabdakalpadruma.788.1.4) tathā niyogayogyāni anyeṣāmapi so'karot yathārttāvṛtuliṅgāni nānārūpāṇi paryyaye dṛśyante tāni tānyeva tathā bhāvā yugādiṣu karotyevaṃvidhāṃ sṛṣṭiṃ kalpādau sa punaḥ punaḥ sisṛkṣyāśaktiyukto'sau sṛjyaśaktipracoditaḥ ||” sṛṣṭipradā, strī, (sṛṣṭiṃ garbha tubhṛtagarbhaṃ pradadātīti pra + dā + kaḥ |) garbhadātrīvṛkṣaḥ | iti rājanirghaṇṭaḥ sṛ, śi hiṃse | iti kavikalpadrumaḥ || (krayā0para0-saka0-anid |) damyādirvakāropadhaḥ taddrahito'pīti kecit | si, sṛṇāti | saurṣaḥ saurṣiḥ | iti durgādāsaḥ seka, ṛ ṅa gatyām | iti kavikalpadrumaḥ (bhvā0-ātma0-saka0-seṭ |) ṛ, asisekat ṅa, sekate | iti durgādāsaḥ sekaḥ, puṃ, (sic + ghañ |) secanam | tatparyyāyaḥ | kṣāraḥ 2 | iti hemacandraḥ || (yathā, raghuḥ ## Linked texts (3) - [Mārkaṇḍeyapurāṇa](https://indike.org/pramana/in.purana.markandeya.48.5) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.1.5.62) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.82.221) — Ativīrarāma Pāṇṭiyar 1500, Sanskrit --- Source: [https://indike.org/pramana/in.art.kosa.sabdakalpadruma.788.1](https://indike.org/pramana/in.art.kosa.sabdakalpadruma.788.1) · Pramāṇa