Amarasara 11
Amarasāra 11
- Language
- Sanskrit
Contents
- 11.137 — 2 parts
11.130
pūḥ strī purīnagaryau vā sthānīyaṃ pattanaṃ tathā
11.131
āpaṇastu niṣadyāyāṃ vipaṇiḥ paṇyavīthikā
vapraṃ cayo'tha prākāro bhittiḥ strī kuḍyameva ca
11.132
gṛhaṃ gehaṃ ca sadanaṃ bhavanāgāramandiram
niketanaṃ veśma sadma niśāntaṃ nilayālayau
11.133
vāsaḥ kuṭī sabhā śālā parṇaśāloṭajo'striyām
garbhāgāraṃ vāsagṛhaṃ vājiGenericśālā tu mandurā
11.133-2
maṭhaśchātrādinilayo gañjā tu madirāgṛham
kuṭṭimo'strī nibaddhā bhūścandraśālā śirogṛham
11.134
a
āveśanaṃ śilpiśālā prapā pānīyaśālikā
vātāyanaṃ gavākṣo'tha saudho'strī bhūpamandiram
11.135
harmyādi dhanināṃ vāsaḥ prāsādo devabhūbhujām
antaḥpuraṃ tu śuddhāntaścāvarodho'tha dehalī
11.136
gopānasī tu valabhī catvare tvajirāṅgane
strī dvārvīraṃ pratīhāraḥ syādvitardistu vedikā
11.137
toraṇo'strī bahirdvāraṃ puradvāraṃ tu gopuram
kapāṭamararaṃ tulye tadviṣkambho'rgalaṃ na nā
ārohaṇaṃ syātsopānaṃ grāmasaṃvasathau samau
11.137.p1
saṃmārjanī śodhanī syātsaṃkaro'vakarastathā
11.137.p2
iti puravargaḥ
Linked texts (9)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Agnipurāṇa — Vyāsa, Sanskrit
- Kalpadrukośa — Keśavabhaṭṭa 1635, Sanskrit
- Kalpatarukośa — Keśava, Sanskrit
- Amarakośa or Nāmaliṅgānuśāsana — Amarasiṃha, Sanskrit
- Sudhā (Bhānuji) — Bhānuji, Sanskrit
- Amarakośa Nāmaliṅgānuśāsana — Amarasiṃha, Sanskrit
- Liṅgādisaṅgraha / Trikaṇḍa — Sanskrit