Amarasara 13
Amarasāra 13
- Language
- Sanskrit
Contents
- 13.176 — 1 part
13.157
śārdūladvīpinau vyāghre kaṇṭhīravamṛgadviṣau
siṃho mṛgendraḥ pañcāsyo haryakṣaḥ kesarī hariḥ
13.158
kapiplavaṃgaplavagaśākhāmṛgavalīmukhāḥ
markaṭo vānaraḥ kīśo varāhaḥ kolasūkarau
13.159
bhallūka ṛkṣo mahiṣe lulāyaścātha jambuke
śṛgālo vañcakaḥ kroṣṭā kokastvīhāmṛgo vṛkaḥ
13.160
oturbiḍālo mārjāro vṛṣadaṃśaka ākhubhuk
camūrukṛṣṇasāraiṇakuraṅgahariṇā mṛge
13.160-2
rurusāraṃgapṛṣatā anyāśca mṛgajātayaḥ
kṛmikīṭau kṣudrajantau vṛścikaḥ śūkakīṭakaḥ
13.161
a
ūrṇanābhastantuvāya ākhustūnduramūṣakau
garutmān garuḍastārkṣyo vainateyaḥ khageśvaraḥ
pārāvataḥ kalaravaḥ kapoto'tha śaśādanaḥ
13.162
patrī śyena ulūkastu vāyasārātipecakau
divāndhaḥ kauśiko ghūko divābhīto niśāṭanaḥ
13.163
kṛkavākustāmracūḍaḥ kukkuṭaścaraṇāyudhaḥ
caṭakaḥ kalaviṅkaḥ syād balākā bisakaṇṭhikā
13.164
vanapriyaḥ parabhṛtaḥ kokilaḥ pika ityapi
kākastu balibhug dhvāṅkṣo vāyaso maukulistathā
13.165
ātāpicillau dākṣāyyagṛdhrau kīraśukau samau
kruṅ krauñco'tha bakaḥ kahaḥ puṣkarāhastu sārasaḥ
13.166
kokaścakraścakravākaḥ kādambaḥ kalahaṃsakaḥ
haṃsabhedo rājahaṃso mallikākṣastathā'paraḥ
13.167
samau cātakasāraṃgau daṃśastu vanamakṣikā
varaṭā tvapi gandholī saraghā madhumakṣikā
samau pataṃgaśalabhau khadyoto jyotiriṅgaṇaḥ
13.168
madhuvrato madhukaro madhuliṇmadhupālinaḥ
dvirephapuṣpaliṅbhṛṅgaṣaṭpadabhramarālayaḥ
13.169
mayūro barhiṇo barhī nīlakaṇṭho bhujaṃgabhuk
śikhāvalaḥ śikhī kekī meghanādānulāsyapi
13.170
kekā vāṇī mayūrasya samau candrakamecakau
śikhā cūḍā śikhaṇḍastu picchabarhe napuṃsake
13.171
śakuntiraṇḍajaḥ pakṣī śakuntavihagadvijāḥ
khagaḥ pattrī vihāyāśca viviṣkirapatattrayaḥ
13.172
kāraṇḍavastittiriśna jīvaṃjīvaścakorakaḥ
pakṣaḥ pattraṃ patattraṃ ca cañcustroṭirubhe striyau
peśī kośo dviṭīne'ṇḍaṃ kulāyo nīḍamastriyām
13.173
potaḥ pāko'rbhako ḍimbhaḥ pṛthukaḥ śāvakaḥ śiśuḥ
strīpuṃsau mithunaṃ dvandvaṃ yugmaṃ tu yugala yugama
13.174
samūhanivahastomasaṃdohānikaravrajāḥ
samudāyaśca saṃghātaḥ samavāyaścayo gaṇaḥ
13.175
striyāṃ tu saṃhatirvṛndaṃ nikurambaṃ kadambakam
vṛndabhedāḥ samairvargaḥ saṃghasārthau tu jantubhiḥ
13.176
sajātīyaiḥ kulaṃ yūthaṃ tiraścāṃ punnapuṃsakam
puñjo rāśiścotkaraśca kūṭaṃ syātpunnapuṃsakam
gṛhāsaktāḥ pakṣimṛgāśchekāste gṛhyakāśca te
13.176.p1
iti siṃhādivargaḥ
Linked texts (8)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Amarakośa or Nāmaliṅgānuśāsana — Amarasiṃha, Sanskrit
- Sudhā (Bhānuji) — Bhānuji, Sanskrit
- Amarakośa Nāmaliṅgānuśāsana — Amarasiṃha, Sanskrit
- Liṅgādisaṅgraha / Trikaṇḍa — Sanskrit
- Vaijayantī — Yādavaprakāśa, Sanskrit
- Vaijayantīkośa (Yādavaprakāśa) — Yādavaprakāśa, Sanskrit