Amarasara 18
Amarasāra 18
- Language
- Sanskrit
Contents
- 18.355 — 1 part
18.332
śūdrāścāvaravarṇāśca vṛṣalāśca jaghanyajāḥ
kumbhakāraḥ kulālaḥ syātpalagaṇḍastu lepakaḥ
18.333
tantuvāyaḥ kuvindaḥ syāt tunnavāyastu saucikaḥ
pādukṛccarmakāraḥ syād vyokāro lohakārakaḥ
18.334
nāḍiṃdhamaḥ svarṇakāraḥ kalādo rukmakārakaḥ
takṣā tu vardhakistvaṣṭā rathakāraśca kāṣṭhataṭ
18.335
raṅgājīvaścitrakāraḥ kṣurī muṇḍī ca nāpitaḥ
nirṇejakaḥ syādrajakaḥ śauṇḍiko maṇḍahārakaḥ
18.336
jābālaḥ syādajājīvaḥ śilpī kārustathā samau
naṭaśailūṣabharatāścāraṇāstu kuśīlavāḥ
18.337
jīvāntakaḥ śākuniko dvau vāgurikajālikau
māṃsikaḥ kauṭikaścātha mālākārastu mālikaḥ
18.338
bhṛtako bhṛtibhuk karmakaro vaitāniko'pi saḥ
vivarṇaḥ pāmaro nīcaḥ prākṛtaśca pṛthagjanaḥ
18.339
nihīno'pasado jālmaḥ kṣullakaścetaraśca saḥ
bhṛtye dāseradāsayadāsagopyakaceṭakāḥ
niyojyakiṃkarapraiṣyabhujiṣyaparicārakāḥ
18.340
mandastundaparimṛja ālasyaḥ śītako'laso'nuṣṇaḥ
dakṣe tu caturapeṣalapaṭavaḥ sūtthāna uṣṇaśca
18.341
caṇḍālaplavamātaṅgā niṣādaśvapacāvapi
18.342
bhedāḥ kirātaśabarapulindā mlecchajātayaḥ
vyādho mṛgavadhājīvo mṛgayurlubdhako'pi saḥ
18.343
kauleyakaḥ sārameyaḥ śaunakaḥ śvā ca kukkuraḥ
alarkaḥ sa prayogeṇa śunī ca saramā ca sā
18.344
ācchodanaṃ mṛgavyaṃ syādākheṭo mṛgayā striyām
caurapāṭaccarastenadasyutaskaramoṣakāḥ
18.345
caurikā stenyacaurye ca steyaṃ loptraṃ tu taddhane
unmāthaḥ kūṭayantraṃ syādvāgurā mṛgabandhanī
18.346
śulvaṃ varāṭakaṃ strī tu rajjustriṣu vaṭī guṇaḥ
udghāṭanaṃ ghaṭīyantraṃ sūtrāṇi nari tantavaḥ
mañjūṣāyāṃ peṭakaḥ syād bhārayaṣṭivihaṃgikā
18.347
pāñcālikā putrikā syācchāṇastu nikaṣaḥ kaṣaḥ
upānatpādukā pādūrśvādestāḍanī kaśā
18.348
mūṣā bhastrā vedhanikā kartarī ca pṛthak pṛthak
krakacaḥ karapatraṃ syācchilpaṃ karma kalādikam
18.349
pratimānaṃ pratibimbaṃ pratimā pratiyātanā praticchāyā
pratikṛtirarcā puṃsi pratinidhirupamopamānaṃ syāt
18.350
vācyaliṅgāḥ samastulyaḥ sadṛkṣaḥ sadṛśaḥ sadṛk
sādhāraṇaḥ samānaśca syuruttarapade tvamī
18.351
nibhasaṃkāśanīkāśapratīkāśopamādayaḥ
bhṛtiḥ strī paṇanirveśau bharma mūlyaṃ ca vetanam
18.352
sīdhvāsavau tu madirā hālā kādambarī surā
madhu madyaṃ ca mādhvīkamavadaṃśastu bhakṣaṇam
18.353
śuṇḍāpānaṃ madasthānaṃ madhuvārā madhukamāḥ
caṣako'strī pānapātramāpānaṃ pānagoṣṭhikā
18.354
syānmāyā śāmbarī māyākāraścāpyaindrajālikaḥ
dyūto'kṣadevī kitavo'kṣadhūrto dyūtakṛtsamāḥ
dyūto'striyāmakṣavatī kaitavaṃ paṇa ityapi
18.355
paṇo'kṣeṣu glaho'kṣāstu devanāḥ pāśakāśca te
aṣṭāpadaṃ śāriphalaṃ prāṇiyūtaṃ samāhvayaḥ
18.355.p1
iti śūdravargaḥ
Linked texts (16)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Vaiyākaraṇasiddhāntakaumudī (another edition) — Sanskrit
- Alaṅkāramaṇihāra — Śrīkṛṣṇa, Sanskrit
- Sudhā (Bhānuji) — Bhānuji, Sanskrit
- Amarakośa Nāmaliṅgānuśāsana — Amarasiṃha, Sanskrit
- Nāmaliṅgānuśāsana Amarakośa — Amarasiṃha, Sanskrit
- Amarakośa or Nāmaliṅgānuśāsana — Amarasiṃha, Sanskrit
- Liṅgādisaṅgraha / Trikaṇḍa — Sanskrit
- Kalpadru Nāmamālā — Keśavabhaṭṭa, Sanskrit
- Śabdakalpadruma — Keśavabhaṭṭa, Sanskrit
- Kalpadrukośa — Keśavabhaṭṭa 1635, Sanskrit
- Kośakalpataru — Viśvanātha, Sanskrit
- Kalpatarukośa — Keśava, Sanskrit
- Vaijayantī — Yādavaprakāśa, Sanskrit
- Vaijayantīkośa (Yādavaprakāśa) — Yādavaprakāśa, Sanskrit