Amarasara 4

Amarasāra 4

kālo diṣṭo'pyanehā'pi samayo'pi ca puṃsi te
ghasro dināhanī vā tu klībe divasavāsarau

pratyūṣo'harmukhaṃ kalyamuṣaḥpratyūṣasī api
prabhātaṃ ca dinānte tu sāyaṃ saṃdhyā pitṛprasūḥ

prāhnāparāhnamadhyāhnāstrisaṃdhyamatha śarvarī
niśā niśīthinī rātristriyāmā kṣaṇadā kṣapā

vibhāvarītamasvinyau rajanī yāminī tamī
tamisrā tāmasī rātriḥ pradoṣo rajanīmukham

ardharātraniśīthau dvau dvau yāmapraharau samau
pakṣau pūrvāparau śuklakṛṣṇau māsastu tāvubhau

a
" dvau dvau māghādimāsau syāddṛtustairayanaṃ tribhiḥ
pūrṇimā syāt paurṇamāsī pūrṇe rākā niśākare
amāvāsyā tvamāvasyā darśaḥ sūryendusaṃgamaḥ

ā
uparāgo grahaḥ puṃsi hemantaḥ śiśiro'striyām
vasante puṣpasamayaḥ surabhigrīṣma ūṣmakaḥ

nidāgha uṣṇopagama uṣṇa ūṣmāgamastapaḥ
striyāṃ prāvṛṭ striyāṃ bhūmni varṣā atha śaratstriyām
saṃvatsaro vatsaro'bdo hāyano'strī śaratsamāḥ

saṃvartaḥ pralayaḥ kalpaḥ kṣayaḥ kalpānta ityapi
astrī paṅkaṃ pumānpāpmā pāpaṃ kilbiṣakalmaṣam
kaluṣaṃ vṛjinainoghamaṃho duritaduṣkṛtam

syāddharmamastriyāṃ puṇyaśreyasī sukṛtaṃ vṛṣaḥ
mutprītiḥ pramado harṣamodānandāḥ sukhaṃ tathā

śvaḥśreyasaṃ śivaṃ bhadraṃ kalyāṇaṃ maṅgalaṃ śubham
śastaṃ ca bhāvukaṃ bhavyaṃ kuśalaṃ kṣemamastriyām

daivaṃ diṣṭaṃ bhāgadheyaṃ bhāgyaṃ strī niyatirvidhiḥ
heturnā kāraṇaṃ bījaṃ nidānaṃ tvādikāraṇam

kṣetrajña ātmā puruṣaḥ pradhānaṃ prakṛtiḥ striyām
viśeṣaḥ kāliko'vasthā guṇāḥ sattvaṃ rajastamaḥ

a
janurjananajanmāni janirutpattirudbhavaḥ
prāṇī tu cetano janmī janturjanyuśarīriṇaḥ

jātirjātaṃ ca sāmānyaṃ vyaktistu pṛthagātmatā
cittaṃ tu ceto hṛdayaṃ svāntaṃ hṛnmānasaṃ manaḥ

iti kālavargaḥ

Linked texts (9)