Amarasara 6
Amarasāra 6
- Language
- Sanskrit
Contents
- 6.86 — 1 part
6.75
brāhmī tu bhāratī bhāṣā gīrvāgvāṇī sarasvatī
vyāhāra uktirlapitaṃ bhāṣitaṃ vacanaṃ vacaḥ
6.76
apabhraṃśo'paśabdaḥ syādoṅkārapraṇavau samau
striyāmṛk sāmayajuṣī vedāmnāyau śrutitrayī
itihāsaḥ purāṇaṃ ca kathā cākhyāyikā pṛthak
6.77
ānvīkṣikī daṇḍanītistarkavidyārthaśāstrayoḥ
samāhṛtiḥ saṃgrahaśca kiṃvadantī janaśrutiḥ
vārtā pravṛttirvṛttānta udantaḥ syādathāhvayaḥ
6.78
ākhyāhne abhidhānaṃ ca nāmadheyaṃ ca nāma ca
hūtirākāraṇā'hvānaṃ śapanaṃ śapathaḥ pumān
6.79
upodghāta udāhāra upanyāsaśca vāṅmukham
praśno'nuyogaḥ pṛcchā ca prativākyottare same
6.80
vivādo vyavahāraḥ syāduccairghṛṣṭaṃ tu ghoṣaṇā
yaśaḥ kīrtiḥ samājñā ca stavaḥ stotraṃ stutirnutiḥ
upālambho jugupsā ca kutsā nindā ca garhaṇe
6.81
ākṣepastvapavādaḥ syādbhartsanaṃ tvapakāragīḥ
syādābhāṣaṇamālāpaḥ pralāpo'narthakaṃ vacaḥ
6.82
apalāpo nihnavaśca vilāpaḥ paridevanam
vipralāpo virodhoktiḥ saṃlāpo bhāṣaṇaṃ mithaḥ
astrī cāṭu caṭu ślāghā premṇā mithyāvikatthanam
6.83
saṃdeśavāgvācikaṃ syād vitathaṃ tvanṛtaṃ vacaḥ
niṣṭhuraṃ paruṣaṃ grāmyamaślīlaṃ sūnṛtaṃ priye
6.84
satyaṃ tathyamṛtaṃ samyagamūni triṣu tadvati
solluṇṭhanaṃ tu sotprāsaṃ vispaṣṭaṃ prakaṭoditam
6.85
śabde virāvanirghoṣadhvaninādaravasvanāḥ
marmaro vastraparṇānāṃ bhūṣaṇānāṃ tu śiñjitam
6.86
kolāhalaḥ kalakalaḥ kūjitaṃ vāśitaṃ rutam
strī pratiśrutpratidhvāne gītaṃ gānamime same
6.86.p1
iti śabdādivargaḥ
Linked texts (8)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Amarakośa Nāmaliṅgānuśāsana — Amarasiṃha, Sanskrit
- Mukuṭa — Sanskrit
- Vandyaghaṭīyā — Sarvānanda, Sanskrit
- Sudhā (Bhānuji) — Bhānuji, Sanskrit
- Amarakośa or Nāmaliṅgānuśāsana — Amarasiṃha, Sanskrit
- Liṅgādisaṅgraha / Trikaṇḍa — Sanskrit