Amarasara 7
Amarasāra 7
- Language
- Sanskrit
Contents
- 7.101 — 1 part
7.86
niṣādarṣabha gāndhāraṣaḍja madhyamadhaivatāḥ
pañcamaścetyamī sapta tantrīkaṇṭhotthitāḥ svarāḥ
7.87
a
vipañcī vallakī vīṇā dhvanau tu madhurāsphuṭe
kalo mandrastu gambhīre tāro'tyuccaistrayastriṣu
7.88
vādyaṃ vāditramātodyaṃ mṛdaṅgamurajau samau
ānakaḥ paṭaho'strī syād bherī strī dundubhiḥ pumān
7.88-2
tālaḥ kālakriyāmānaṃ layaḥ sāmyamathāstriyām
tāṇḍavaṃ naṭanaṃ nāṭyaṃ lāsyaṃ nṛtyaṃ ca nartane
7.88-3
a
bhaginīpatirāvṛtto bhāvo vidvānathāvukaḥ
janako yuvarājastu kumāro bhartṛdārakaḥ
7.88-4
(ā)
rājā bhaṭṭārako devastatsutā bhartṛdārikā
devī kṛtābhiṣekāyāmitarāsu tu bhaṭṭinī
7.88-5
(i)
āryastu māriṣa iti rājaśyālastu rāṣṭriyaḥ
haṇḍe hañje halāhvāne nīcāṃ ceṭīṃ sakhīṃ prati
7.89
(ī)
abrahmaṇyamavadhyoktau vyañjakābhinayau samau
śṛṅgāravīrakaruṇādbhutahāsyabhayānakāḥ
7.90
bībhatsaraudrau ca rasāḥ kāruṇyaṃ karuṇā ghṛṇā
kṛpā dayā'nukampā syādanukrośo'pyatho hasaḥ
7.91
hāso hāsyaṃ ca bībhatsaṃ vikṛtaṃ triṣvidaṃ dvayam
vismayo'dbhutamāścaryaṃ citramapyatha bhairavam
7.91-2
dāruṇaṃ bhīṣaṇaṃ bhīṣmaṃ ghoraṃ bhīmaṃ bhayānakam
bhayaṃkaraṃ pratibhayaṃ raudraṃ tūgramamī triṣu
7.92
(a)
kṣāntistitikṣā bhīrbhītirddaratrāsaśca sādhvasam
darpo'valepo'vaṣṭambhaścittodrekaḥ smayo madaḥ
7.93
garbo'bhimāno'haṃkāro vrīḍā lajjā ca hrīstrapā
akṣāntirīrṣyā'sūyā tu doṣāropo guṇeṣvapi
7.93-2
anādaraḥ paribhavaḥ parībhāvastiraskriyā
rīḍhāvamānanāvajñāvahelanamasūrkṣaṇam
7.94
(a)
vairaṃ virodho vidveṣo manyuśokau tu śuk striyām
paścāttāpo'nutāpaḥ syādunmādaścittavibhramaḥ
7.95
kopakrodhāmarṣaroṣapratighā ruṭkrudhau striyau
śucau tu carite śīlaṃ romāñco romaharṣaṇam
snehaḥ premā'striyāṃ hārdaṃ priyatā cātha dohadam
7.96
icchā kāṅkṣā spṛhehā tṛḍ vāñchā lipsā manorathaḥ
kāmo'bhilāṣastarṣo'tha puṃsyādhirmānasī vyathā
7.97
syāccintā smṛtirādhyānamutkaṇṭhotkalike same
utsāho'dhyavasāyaḥ syāt pramādo'navadhānatā
7.98
kapato'strī vyājadambhau śāṭhyaṃ chadma ca kaitavam
gharmo nidāghaḥ svedaḥ syāt kautukaṃ tu kutūhalam
7.99
dravakeliparīhāsāḥ krīḍā līlā ca narma ca
vyājo'padeśo lakṣyaṃ ca tvarā saṃvegasaṃbhramau
7.100
kranditaṃ ruditaṃ kruṣṭaṃ jṛmbhastu triṣu jṛmbhaṇam
vipralambho visaṃvādo riṅkhaṇaṃ skhalanaṃ same
syānnidrā śayanaṃ svāpaḥ svapnaḥ saṃveśa ityapi
7.101
svarūpaṃ ca svabhāvaśca nisargaḥ prakṛtiḥ striyām
kampo vepathuruddharṣo maha uddhava utsavaḥ
7.101.p1
iti nāṭyavargaḥ
Linked texts (10)
- Nāmaliṅgānuśāsana (Amarakośa) — Amarasiṃha, Sanskrit
- Amarakośasaṃgraha — Sanskrit
- Agnipurāṇa — Vyāsa, Sanskrit
- Alaṅkāramaṇihāra — Śrīkṛṣṇa, Sanskrit
- Amarakośa Nāmaliṅgānuśāsana — Amarasiṃha, Sanskrit
- Sudhā (Bhānuji) — Bhānuji, Sanskrit
- Vandyaghaṭīyā — Sarvānanda, Sanskrit
- Amarakośa or Nāmaliṅgānuśāsana — Amarasiṃha, Sanskrit
- Mukuṭa — Sanskrit
- Liṅgādisaṅgraha / Trikaṇḍa — Sanskrit