Amarakosha 10.33

10.33

śarāvatyādayaḥ pañca pratyekaṃ svanāmaprasiddhe nadībhede | anyāśceti mugdhākoṅkaṇāvatīprabhṛtayaḥ | śarairyogāt śarāvatī | 'śarādīnāṃ ca' (6. 3. 120) iti dīrghatvam | 'saṃjñāyām' (8. 2. 11) iti vatvam | cāndrabhāgā dīrghādiḥ | ata eva 'avṛddhābhyo nadīmānuṣībhyaḥ—' (4. 1. 113) ityatroktam 'avṛddhābhya iti kim | cāndrabhāgāyā apatyaṃ cāndrabhāgeya' iti | 'cāndrabhāgī nadyām' iti bahnādipāṭhād ṅīṣapi | "tāpī tu tapatī śailya cāndrabhāgā tu candrakā | cāndrabhāgā śāradā tu kaśmīreṣu sarasvatī ||"
iti śabdārṇavaḥ| kāverīti| 'kavṛ varṇe'| ṇic| 'mūlādayaśca' (u0 1. 64) ityerak ||
nadyornadīsamudrayośca melake sambhedaḥ| nadyāṃ samudre ca sindhuśabdapravṛtteḥ||
harmyādijalavartmani praṇālī | 'ṇala bandhane' | karmaṇi ghañ | 'upasargād —' (8. 4. 14) ityādinā ṇatvam | gaurādiḍīṣ ||