Pramāṇa · Search · About · API

Vandyaghatiya 4: atha kālavargaḥ

Vandyaghaṭīyā 4

Language
Sanskrit

atha kālavargaḥ

4.1

kālo diṣṭo'pyanehāpi samayo'pi
atha pakṣatiḥ
pratipad dve ime strītve
tadādyāstithayo dvayoḥ

4.2

ghasro dināhanī vā tu klībe divasavāsarau
pratyūṣo'harmukhaṃ kalyamuṣaḥpratyūṣasī api

4.3

prabhātaṃ ca
dinānte tu sāyaḥ
sandhyā pitṛprasūḥ
prāhṇāparāhṇamadhyāhnāstrisandhyam
atha śarvarī

4.4

niśā niśīthinī rātristriyāmā kṣaṇadā kṣapā
vibhāvarītamasvinyau rajaniryāminī tamī

4.5

tamisrā tāmasī rātriḥ
jyotsnī candrikayānvitā
āgāmivartamānāharyuktāyāṃ niśi pakṣiṇī

4.6

gaṇarātraṃ niśā bahvayaḥ
pradoṣo rajanīmukham
ardharātraniśīthau dvau
dvau yāmapraharau samau

4.7

sa parvasandhiḥ pratipatpañcadaśyoryadantaram
pakṣāntau pañcadaśyau dve
paurṇamāsī tu pūrṇimā

4.8

kalāhīne tvanumatiḥ
pūrṇe rākā niśākare
amāvāsyā tvamāvasyā darśaḥ sūryendusaṅgamaḥ

4.9

sā dṛṣṭenduḥ sinīvālī
syānnaṣṭendukalā kuhūḥ
uparāgo grahaḥ
rāhugraste tvindau ca pūṣṇi ca

4.10

sopaplavoparaktau dvau
agnyutpāta upāhitaḥ
ekayoktyā puṣpavantau divākaraniśākarau

4.11

aṣṭādaśa nimeṣāstu kāṣṭhā
triṃśat tu tāḥ kalā
tāstu triṃśat kṣaṇaḥ
te tu muhūrto dvādaśāstriyām

4.12

te tu triṃśadahorātraḥ
pakṣaste daśa pañca ca
pakṣau pūrvāparau śuklakṛṣṇau
māsastu tāvubhau

4.13

dvau dvau māghādimāsau syād ṛtuḥ
tairayanaṃ tribhiḥ
ayane dve gatirudagdakṣiṇārkasya vatsaraḥ

4.14

samarātrindive kāle viṣuvad viṣuvaṃ ca tat
mārgaśīrṣe sahā mārga āgrahāyaṇikaśca saḥ

4.15

pauṣe taiṣasahasyau dvau
tapā māghe
syāt tapasyaḥ phālgunikaḥ
syāccaitre caitriko madhuḥ

4.16

vaiśākhe mādhavo rādhaḥ
jyaiṣṭhe śukraḥ
śucistvayam
āṣāḍhe
śrāvaṇastu syānnabhāḥ śrāvaṇikaśca saḥ

4.17

syurnabhasyaprauṣṭhapadabhādrabhādrapadāḥ samāḥ
syādāśvina iṣo'pyāśvayujo'pi
syāt tu kārttikaḥ

4.18

bāhulorjau kārttikikaḥ
hemantaḥ
śiśiro'striyām
vasante puṣpasamayaḥ surabhiḥ
grīṣma ūṣmakaḥ

4.19

nidāgha uṣṇopagama uṣṇa uṣṇāgamastapaḥ
striyāṃ prāvṛṭ striyāṃ bhūmni varṣāḥ
atha śarat striyām

4.20

ṣaḍamī ṛtavaḥ puṃsi mārgādīnāṃ yugaiḥ kramāt
saṃvatsaro vatsaro'bdo hāyano'strī śarat samā

4.21

"bahvaivaṃśca samāsiktāvarṣāyuṣamanojalaukaso'psarasaḥ"
māsena syādahorātraḥ paitraḥ
varṣeṇa daivataḥ
daive yugasahasre dve brāhmaḥ
kalpau tu tau nṛṇām

4.22

manvantaraṃ tu divyānāṃ yugānāmekasaptatiḥ
saṃvartaḥ pralayaḥ kalpaḥ kṣayaḥ kalpānta ityapi

4.23

astrī paṅkaṃ pumān pāpmā pāpaṃ kilbiṣakalmaṣam
kaluṣaṃ vṛjinainoghamaṃhoduritaduṣkṛtam

4.24

syād dharmamastriyāṃ puṇyaśreyasī sukṛtaṃ vṛṣaḥ
mut prītiḥ pramado harṣaḥ pramoddāmodasammadāḥ

4.25

syādānandathurānandaḥ śarmasātasukhāni ca
śvaḥśreyasaṃ śivaṃ bhadraṃ kalyāṇaṃ maṅgalaṃ śubham

4.26

bhāvukaṃ bhavikaṃ bhavyaṃ kuśalaṃ kṣemamastriyām
śastaṃ ca
atha triṣu dravye pāpapuṇyasukhādi ca

4.27

matallikā macarcikā prakāṇḍamuddhatallajau
praśastavācakānyamūni
ayaḥ śubhāvaho vidhiḥ

4.28

daivaṃ diṣṭaṃ bhāgadheyaṃ bhāgyaṃ strī niyatirvidhiḥ
heturnā kāraṇaṃ bījam
nidānaṃ tvādikāraṇam

4.29

kṣetrajña ātmā puruṣaḥ
pradhānaṃ prakṛtiḥ striyām
viśeṣaḥ kāliko'vasthā
guṇāḥ sattvaṃ rajastamaḥ

4.30

janurja̍nanajanmāni janirutpattirudbhavaḥ
prāṇī tu cetano janmī janturjanyuśśarīriṇaḥ

4.303

cittaṃ tu ceto hṛdayaṃ svāntaṃ hṛnmānasaṃ manaḥ

Linked texts (9)