Vandyaghatiya 5

Vandyaghaṭīyā 5

†iti kālavargaḥ
buddhirmanīṣā dhiṣaṇā dhīḥ prajñā śemuṣī matiḥ
prekṣopalabdhiścitsaṃvitpratipajjñapticetanāḥ

dhīrdhāraṇāvatī medhā
saṅkalpaḥ karma mānasam
cittābhogo manaskāraḥ
carcā saṅkhyā vicāraṇā

adhyāhārastarka ūhaḥ
vicikitsā tu saṃśayaḥ
sandehadvāparau ca
atha samau nirṇayaniścayau

mithyādṛṣṭirnāstikatā
vyāpādo drohacintanam
samau siddhāntarāddhāntau
bhrāntirmithyāmatirbhramaḥ

saṃvidāgūḥ pratijñānaṃ niyamāśravasaṃśravāḥ
aṅgīkārābhyupagamapratiśravasamādhayaḥ

mokṣe dhīrjñānam
anyatra vijñānaṃ śilpaśāstrayoḥ
muktiḥ kaivalyanirvāṇaśreyoniḥśreyasāmṛtam

mokṣo'pavargaḥ
athājñānamavidyāhaṃmatiḥ striyām
rūpaṃ śabdo gandharasasparśāśca viṣayā amī

gocarā indriyārthāśca
hṛṣīkaṃ viṣayīndriyam
karmendriyaṃ tu pāyvādi
manonetrādi dhīndriyam

tūvarastu kaṣāyo'strī
madhuro lavaṇaḥ kaṭuḥ
tikto'mlaśca rasāḥ puṃsi
tadvatsu ṣaḍamī triṣu

vimardotthe parimalo gandhe janamanohare
āmodaḥ so'tinirhārī
vācyaliṅgatvamā guṇāt

samākarṣī tu nirhārī
surabhirghāṇatarpaṇaḥ
iṣṭagandhaḥ sugandhiḥ syād
āmodī mukhavāsanaḥ

pūtigandhistu durgandhaḥ
visraṃ syādāmagandhi yat
śuklaśubhraśuciśvetaviśadaśyetapāṇḍarāḥ

avadātaḥ sito gauro valakṣo dhavalo'rjunaḥ
hariṇaḥ pāṇḍuraḥ pāṇḍuḥ
īṣatpāṇḍustu dhūsaraḥ

kṛṣṇe nīlāsitaśyāmakālaśyāmalamecakāḥ
pīto gauro haridrābhaḥ
palāśo harito harit

lohito rohito raktaḥ śoṇaḥ kokanadacchaviḥ
avyaktarāgastvaruṇaḥ
śvetaraktastu pāṭalaḥ

śyāvaḥ syāt kapiśaḥ
dhūmradhūmalau kṛṣṇalohite
kaḍāraḥ kapilaḥ piṅgapiśaṅgau kadrupiṅgalau

citrakirmīrakalmāṣaśabalaitāstu karbure
guṇe śuklādayaḥ puṃsi guṇiliṅgāstu tadvati

[rohiṇī rohitā raktā lohinī lohitā ca sā
lohitikā lohinikā rāgāt kopādināpi vā

śoṇī śoṇātha piśaṅgī piṅgalā hariṇī tviyam
haritainī tviyametā śyenī śyetā sitā ca sā

nīlaiva vastre vā nāmni nīlī prāṇini cauṣadhau ||191||]

Linked texts (9)