Aumapata (Aumāpata)
औमापत
Differs from Bharata's Nāṭyaśāstra.
- Language
- Sanskrit
- Author
- Umāpatiśivārya
- Extent
- 21 passages, 160 words
- Text
- complete digital text
- Source
- sa.wikisource · CC BY-SA 4.0 (Wikisource transcription; the work itself is in the public domain)
Contents
Text
373
atha vīṇāṃ pravakṣyāmi śṛṇuṣvāyatalocane..373..
374
karaṇḍakākṛtirdaṇḍo nimnonnatavivarjitaḥ.
pañcamuṣṭiśca ṣaṇmuṣṭiḥ tripurī saptamuṣṭikā..374..
375
aṣṭamuṣṭyadhikā vīṇā prauḍhī syādācaturdaśa.
darī pañcadaśārambhaṃ yāvadaṣṭādaśāṅgulam..375..
376
khadiro rājavṛkṣaśca vīṇā syādraktacandanaḥ.
karabhe cāmrapanasau sundarī ca tathā bhavet..376..
377
eṇaśṛṅgā[d] dantidantādvaiśikā navakalpanā.
suvarṇakāṃsyarajataiḥ chatraṃ ca kaṭakaṃ tathā..377..
378
ekatantrī tu bhārī syāt prauḍhī syādvitritantrikā.
anāvidhā brahmavīṇā catuḥ paṃcāditantrikā..378..
379
daṇḍaṃ jīvasvarūpaḥ syāt karabhaḥ (ku)[ka?]rma eva ca.
nābhirbrahmā vaiśike tu sarasvatyabhidhīyate..379..
380
sarasvatyāsanaṃ padmaṃ alāburiti kathyate.
tantrī syādvāsukiścaiva jīvā śāktiḥ paraṃ bhavet..380..
381
dakṣiṇā'nāmikā madhye vāme madhyādivarjitā.
aṅgulyā pañcavaktrāṇi mama devi maheśvari..381..
382
vīṇāvādanamāyuṣyaṃ śrīkaraṃ mokṣadaṃ tathā..
nādo gītāvasānastu bahiḥ syātsvaramaṇḍale..382..
383
grāmajātisvarāścaiva śrutayo mūrcchanāstathā.
tānā rāgāśca te sarve jāyante svaramaṇḍale..383..
384
svaramaṇḍalamākhyātaṃ saptatriṃśadyutaṃ śatam.
dhruvā maṇḍalamākhyātaṃ catuḥṣaṣṭipramāṇakam..384..
385
tānamaṇḍalamākhyātamūnapaṃcāśadeva ca.
dvātriṃśanmaṇḍale[svā?]rau śrautaṃ dvāviṃśatirbhavet..385..
386
vāruṇendraṃ dvādaśaiva vipaṃcī navadhā bhavet..386..
387
saptabhiḥ parivādinyāṃ vīṇābhedāśśataṃ śatam.
aṣṭādaśāṅgulā proktā vīṇā syātparivādinī.387..
388
vipaṃcikā triśākhābhiḥ kathitā parivādinī.
ūnaviṃśāṅgulaṃ dīrghā vipaṃcī paṃcavistṛtā..388..
389
dvāviṃśatyaṅgulāyāmā vāraṇā saptavistṛtā.
cāndrikā daśavistīrṇā vāruṇendravadāyatā..389..
390
mūrcchanāṃ śrutimerūṇāṃ dīrghaṃ ṣaṭtriṃśadaṅgulam.
aṣṭādaśāṅgulāsteṣāṃ vistāraḥ parikīrtitaḥ..390..
391
catvāriṃśāṅgulāyāmaṃ caturviṃśativistṛtam.
tānamaṇḍalamākhyātaṃ tathaiva dhruvamaṇḍalam..391..
392
āyataṃ ṣaṣṭiraṅgulyaḥ ṣaṭtriṃśadvistṛtaṃ tathā.
svaramaṇḍalamākhyātaṃ devīdamavadhāraya..392..
392_1
tantrīsaṃkhyakakīlāḥ syuḥ devo vīṇā maheśvarī.
- aumāpatam adhyāya 22
See also: more in Bharata's Nāṭyaśāstra, Early Authorities and Pseudepigrapha
- Natyashastra (Nāṭyaśāstra) — Sanskrit; 50 BCE – 350 CE
- Kohaliya (Kohalīya) — Sanskrit; 400 CE; partly digitised
- Natyashastra (Shivasharman) (Nāṭyaśāstra (Śivaśarman)) — Sanskrit; partly digitised
- Natyarnava (Nāṭyārṇava) — Sanskrit; partly digitised
Discussed in 1 studies in Pramāṇa (listed on the page).