[Pramāṇa](https://indike.org/pramana/) › [Indian literature](https://indike.org/pramana/in) › [Arts, Poetics, Architecture & Lexicography](https://indike.org/pramana/in.art) › [Gemology](https://indike.org/pramana/in.art.ratna) › [Manimala](https://indike.org/pramana/in.art.ratna.manimala) › 1 # Manimala 1 Maṇimālā 1 - **Language:** Sanskrit ### [1.1](https://indike.org/pramana/in.art.ratna.manimala.1.1) maṇimālā maṅgalācaraṇam ajñānadhvāntahantrī vidhivirigiriśaiḥ stūyamānā praśāntā śvetāmbhoje vasantī himakarasuruciḥ śvetabhūṣāvṛtā yā vīṇādaṇḍaṃ dadhānā kabhu dṛr̤hamamalaṃ pustakaṃ vibhratī tāṃ vande vāṇīṃ prasannā pariharati yathājātatāṃ śaṃ dadāti mūlam ratna' nidhārayet koṣa maṇauṣasañcayaṃ sadratnānāmato jātiṃ guṇaṃ teṣāṃ parīkṣayet ### [1.2](https://indike.org/pramana/in.art.ratna.manimala.1.2) sukhadā maṇayaḥ śuddhā duḥkhadā doṣaśālinaḥ ato maṇīnāṃ vakṣyāmi lakṣaṇādīni tattvataḥ ### [1.3](https://indike.org/pramana/in.art.ratna.manimala.1.3) tatrādau ratnajātayaḥ vajramuktāgomedasapadmarāgāḥ samarakaṃtāḥ proktāḥ apicandranīlamaṇivaravaiṭryyāśca puṣyarāgāśca ### [1.4](https://indike.org/pramana/in.art.ratna.manimala.1.4) karketanaṃ sapulakaṃ rudhirākhyasamanvitaṃ tathā sphaṭikaṃ vidrumamaṇiśca yatnāduddiṣṭaṃ saṃgrahe tajjñaiḥ ### [1.5](https://indike.org/pramana/in.art.ratna.manimala.1.5) mūlam ākṛtivarṇai prathamaṃ guṇadoṣe tatphalaṃ parīkṣā ca mūlyañca ratnakuśalairvijñeyaṃ sarvvaratnānāṃ ### [1.6](https://indike.org/pramana/in.art.ratna.manimala.1.6) kulagneṣūpajāyante yāni cāpahate'hani doṣaistānyupayujyante hīyante guṇasampadā ### [1.7](https://indike.org/pramana/in.art.ratna.manimala.1.7) parīkṣā pariśuddhānāṃ ratnānāṃ pṛthivībhujā dhāraṇaṃ saṃgrahvo vāpi kāryyaḥ śriyamabhīpsatā ### [1.8](https://indike.org/pramana/in.art.ratna.manimala.1.8) śāstrajñāḥ kuśalāścāpi ratnabhājaḥ parīkṣakāḥ ta eva mūlyamācāyāśvettāraḥ parikalpitāḥ ### [1.9](https://indike.org/pramana/in.art.ratna.manimala.1.9) ratnānāṃ guṇadoṣaprabhāvato janānāmiṣṭāniṣṭe bhavitumarhata iti prakaṭīkarttuṃ atraiva syamantakopākhyānamuddhṛtam mūlam syamantakopākhyānam anamitrānnighnaḥ nighnasya prasenastrājitau | tasya ca satrājitasya bhagavānādityaḥ sakhā abhavat ### [1.10](https://indike.org/pramana/in.art.ratna.manimala.1.10) ekadā tu ambhoghestīrasaṃśrayaḥ sūryaṃ satrājitastuṣṭāva tanmanaskatayā ca bhāsvānabhiṣṭyamāno'gratastasya tasthau | aspaṣṭamūrttidharaṃ cainamālokya satrājitaḥ sūryyamāha yathaiva vyomni tvāṃ vahnipiṇḍopamamahampaśyaṃ tathaivādyāgrato gatamapyatra na kiñcidbhagavatā prasādīkṛtaṃ viśeṣamupalakṣayāmi ### [1.11](https://indike.org/pramana/in.art.ratna.manimala.1.11) mūlam ityevamukte (bhagavatā) sūryyeṇa nijakaṇṭhādunmucya syamantakanāmā maṇiravatāryya ekānte nyastaḥ| tatastamātāmroḍyūlahrasvavapuṣaṃ īṣadāpiṅgala nayanamādityamadrākṣīt| kṛtapraṇipātastavādikaśca satrājitamāha bhagavān varamasmatto'bhimataṃ vṛṇīṣveti| sa ca tadeva maṇiratnamayācata| sa cāpi tasmai tat dattvā viyati svaṃ dhiṣṇyamāruroha ### [1.12](https://indike.org/pramana/in.art.ratna.manimala.1.12) satrājito'pi amalamaṇiratnasanāthakaṇṭhatayā sūryya iva tejobhiraśeṣadigantarāṇyudbhāsayan dvārakāṃ viveśa ### [1.13](https://indike.org/pramana/in.art.ratna.manimala.1.13) mūlam dvārakāvāsijanapadastu tamāyāntamavekṣya bhagavantamanādipuruṣaṃ puruṣottamaṃ avanibhārāvatāraṇāyāṃśena mānuṣarūpadhāriṇaṃ praṇipatyāha bhagavan ! bhagavantamayaṃ nūnaṃ draṣṭumāyātyādityaḥ| ityākarṇya prahasya ca tānāha bhagavān nāyamādityaḥ satrājito'yamādityadattaṃ syamantakākhyaṃ mahāmaṇiṃ bibhradattropāyāti| tadenaṃ viśrabdhāḥ paśyata ityuktāste yayuḥ ### [1.14](https://indike.org/pramana/in.art.ratna.manimala.1.14) sa ca taṃ syamantakākhyaṃ mahāmaṇimātmaniveśane cakre ### [1.15](https://indike.org/pramana/in.art.ratna.manimala.1.15) pratidinañca tanmaṇiratnapravaramaṣṭau kaṇṇakabhārān sruvati ### [1.16](https://indike.org/pramana/in.art.ratna.manimala.1.16) mūlam tatprabhāvācca sakalasyaiva rāṣṭrasya upasargā anāvṛṣṭivyālāgnicauradurbhikṣādibhayaṃ na bhavati ### [1.17](https://indike.org/pramana/in.art.ratna.manimala.1.17) acyuto'pi tadratnamugrasenasya bhūpateryogyametaditi lipsāmañcakre gotrabhedabhayācca śakto'pi na jahāra ### [1.18](https://indike.org/pramana/in.art.ratna.manimala.1.18) satrājito'pyacyuto māmetat yāciṣyatītyavagataratnalobhaḥ svabhrātre prasenāya tadratnaṃ dattavān ### [1.16-2](https://indike.org/pramana/in.art.ratna.manimala.1.16-2) mūlam tacca śucinā dhriyamāṇamaśeṣasuvarṇasrāvādikaṃ guṇamutpādayati anyathā ya eva dhārayati tameva hantīti| asāvapi prasenaḥ syamantakena kaṇṭhāsaktenāśvamāruhyāṭavyāṃ mṛgayāmagacchat| tatra ca siṃhāt badhamāpa| sāśvañca taṃ nihatya siṃho'pyamalamaṇiratnamāsyāgreṇādāya gantumudyataḥ ṛkṣādhipatinā jāmbavatā dṛṣṭo ghātitaśca| jāmbavānapyamalaṃ tanmaṇiratnamādāya khabilaṃ praviveśa sukumārakasaṃjñāya ca bālakāya krīr̤anamakarot ### [1.20](https://indike.org/pramana/in.art.ratna.manimala.1.20) mūlam anāgacchati ca tasmin prasene kṛṣṇo maṇiratnamabhilaṣitavān na ca prāptavān nūnametadasya karmma nānyena praseno hanyata dūtyakhila eva yadulokaḥ parasparaṃ karṇārkarṇya kathayat ### [1.21](https://indike.org/pramana/in.art.ratna.manimala.1.21) viditalokāpavādavṛttāntaśca bhagavān yadusainyaparivāraḥ prasenāśvapadvīmanusasāra dadarśa cāśvasametaṃ prasenaṃ nihataṃ siṃhena| akhilajanapadamadhye siṃhapadadarśanakṛtapariśuddhiḥ siṃhapadamanvasasāra ### [1.22](https://indike.org/pramana/in.art.ratna.manimala.1.22) mūlam ṛkṣavinihatañca siṃhamapyalpe bhūmibhāge dṛṣṭvā tataśca tadratnagauravādṛkṣasyāpi padānyanvayayau | giritaṭe ca sakalameva yadsainyamavasthāpya tatpadānusārī ṛkṣavilaṃ praviveśa | arddhapraviṣṭaśca dhātryāḥ sukumārakasamullāpayantyā vāṇīṃ śuśrāva ### [1.23](https://indike.org/pramana/in.art.ratna.manimala.1.23) siṃhaḥ prasenamavadhīt siṃho jāmbavatā hataḥ sukumāraka mā rodīstava hyeṣa syamantakaḥ ### [1.24](https://indike.org/pramana/in.art.ratna.manimala.1.24) mūlam ityākarṇya labdhasyamantakodanto'ntaḥpraviṣṭaḥ kumārakakrīr̤anakīkṛtañca dhātrīhaste tejobhirjvalyamānaṃ syamantakaṃ dadarśa ### [1.25](https://indike.org/pramana/in.art.ratna.manimala.1.25) tañca syamantakābhilāṣacakṣuṣamapūrvaṃ puruṣamāgatamavekṣya dhātrī trāhi trāhīti vyājahāra ### [1.26](https://indike.org/pramana/in.art.ratna.manimala.1.26) tadārttanādaśravaṇānantarañcāmarṣapūrṇahṛdayaḥ sa jāmbavanājagāma tayośca parasparaṃ yudhyatordvayoryuddhamekaviṃśatidinānyabhavat mūlam te ca yadusainikāstatra saptāṣṭa dināni tanniṣkrāntimudīkṣyamāṇāstasthuḥ| aniṣkrāmamāṇe ca madhuripau asāvavaśyamatra vile'tyantanāśamāpto bhaviṣyatyanyathā tasya kathametāvanti dināni śatrujaye vyākṣepo bhavatīti kṛtādhyavasāyā dvārakāmāgatya hataḥ kṛṣṇa iti kathayāmāsuḥ ### [1.27](https://indike.org/pramana/in.art.ratna.manimala.1.27) tadbāndhavāśca tatkālocitamakhilamuparatakriyākalāpaṃ cakruḥ ### [1.28](https://indike.org/pramana/in.art.ratna.manimala.1.28) tacca cāsya yudhyamānasyātiśraddhādattaviśiṣṭapātropayuktānnatoyādinā kṛṣṇasya balaprāṇapuṣṭirabhūt ### [1.26-2](https://indike.org/pramana/in.art.ratna.manimala.1.26-2) mūlam itarasyānudinamatigurupuruṣabhidyamānasyātiniṣṭhuraprahārapīḍitākhilāvayavasya nirāhāratayā balahāniḥ| nirjitaśca bhagavatā jāmbavān praṇipatyāha, surasurayakṣagandharvvarākṣasādibhirapyakhilairbhagavān na jetuṃ śakyaḥ kimutāvanigocarairalpavīryyairnarāvayavabhūtaiśca tiryyagyonyanusṛtibhiḥ kiṃ punarasandigdhairavaśyaṃ bhagavato'smatsvāmino nārāyaṇasya sakalajagatparāyaṇasyāṃśena bhagavatā bhavitavyamityuktaḥ ### [1.30](https://indike.org/pramana/in.art.ratna.manimala.1.30) mūlam tasmai bhagavānakhilamavanibhārāvatāramācacakṣe ### [1.31](https://indike.org/pramana/in.art.ratna.manimala.1.31) prītyā'ṅgitakaratalasparśane na cainamapagatayuddhakhedaṃ cakāra ### [1.32](https://indike.org/pramana/in.art.ratna.manimala.1.32) sa ca praṇipatyainaṃ punarapi prasādya jāmbavatīṃ nāma kanyāṃ gṛhāgamanāghryabhūtāṃ grāhayāmāsa ### [1.33](https://indike.org/pramana/in.art.ratna.manimala.1.33) syamantakamaṇimapyasau praṇipatya tasmai pradadau | acyuto'pyatipraṇatāt tasmādagrāhyamapi tanmaṇiratnamātmaśodhanāya jagrāha ### [1.34](https://indike.org/pramana/in.art.ratna.manimala.1.34) mūlam saha jāmbavatyā dvārakāmājagāma | bhagavadāgamanodbhūtaharṣotkarṣasya dvārakāvāsijanasya kṛṣṇāvalokanānukṣaṇamevātipariṇatavayaso'pi navayauvanamivābhavat | ānakadundubhiśca diṣṭyādiṣṭyeti ca sakalayādavāḥ striyaśca sabhājayāmāsuḥ ### [1.35](https://indike.org/pramana/in.art.ratna.manimala.1.35) bhagavānapi yathānubhūtamaśeṣayādavasamāje yathāvadācacakṣe syamantakañca satrājitāya dattvā mithyābhiśastiviśuddhimavāpa jāmbavatīñcāntaḥpure niveśayāmāsa | satrājito'pi mayāsyābhūtamalinamāropitamiti jātasantrāsaḥ svasutāṃ satyabhāmāṃ bhagavate bhāryyāṃ dadau ### [1.36](https://indike.org/pramana/in.art.ratna.manimala.1.36) mūlam tāñcākrūrakṛtavarmāśatadhanvapramukhā yādavāḥ pūrvvaṃ varayāmāsuḥ tatastatpradānādavajñātamātmānaṃ manyamānāḥ satrājite vairānabandhaṃ cakruḥ | akrūrakṛtavarmmāpramukhāsta śatadhanvānamūcuḥ ayamatidurātmā satrājito yo'smābhirbhavatā cābhyarthito'pyātmajāmasmān bhavantaṃ cāvigaṇayya kṛṣṇāya dattavān | tadala manena jīvatā, ghātayitvainaṃ tanmahāratnaṃ tvayā kiṃ na gṛhyate vayamapyabhyupapatsyāmaḥ yadyacyutastavāpi vairānūbandhaṃ kariṣyatīti ### [1.37](https://indike.org/pramana/in.art.ratna.manimala.1.37) mūlam evamuktastathetyasāvapyāha | jatugṛhadagdhānāñca pāṇḍunandanānāṃ viditaparamārtho'pi bhagavān duryyodhanaprayatnaśaithilyārthaṃ kṛtyakaraṇāya bāraṇāvataṃ gataḥ ### [1.38](https://indike.org/pramana/in.art.ratna.manimala.1.38) gate ca tasmin suptameva satrājitaṃ śatadhanvā jaghāna maṇiratnañcādade | pitṛvadhāmarṣapūrṇā ca satyabhāmā śīghraṃ syandanamārūr̤hā vāraṇāvataṃ gatvā bhagavate'haṃ pratipāditeti accāntimatā śatadhanvanā asmatpitā vyāpāditaḥ tacca syamantakamaṇiratnamapahṛtaṃ | tadiyamasyāvacchāsanā | tadālocya yadatra yuktaṃ tat kriyatāmiti kṛṣṇamāha ### [1.36-2](https://indike.org/pramana/in.art.ratna.manimala.1.36-2) mūlam tayā caivamuktaḥ parituṣṭāntaḥkaraṇo'pi kṛṣṇaḥ satyabhāmāmamarṣatāmralocanaḥ prāha satye ! mamaiṣāvahāsanā nāhametāṃ tasya durātmanaḥ sahiṣye | nahyanullaṅghya varapādapaṃ tatkṛtanīḍāśrayiṇo vihaṅgā vadhyante ### [1.40](https://indike.org/pramana/in.art.ratna.manimala.1.40) tadalamatyarthamamunāssatpurataḥ śokapreritavākyaparikareṇa ityuktvā dvārakāmabhyetya baladevamekānte vāsudevaḥ prāha mṛgayāgataṃ prasenamaṭavyāṃ mṛgapatirjaghāna | satrājito'pyadhunā śatadhanvanā nidhanaṃ prāpitaḥ | tadubhayavināśāt tanmaṇiratnamāvābhyāṃ sāmānyaṃ bhaviṣyati ### [1.41](https://indike.org/pramana/in.art.ratna.manimala.1.41) mūlam taduttiṣṭha āruhyatāṃ rathaḥ śatadhanurnidhanāyodyamaṃ kuru ityabhihitastatheti samanvopsitavān| kṛtodyogau ca tāvubhāvupalabhya śatadhanvā kṛtavarmmāṇamupetya pāṇipūraṇakarmanimittamacodayat | āha cainaṃ kṛtavarmmā nāhaṃ valabhadravāsudevābhyāṃ saha virodhāyālamū ityuktaśvākrūramacodayat| āha cāsāvapi nahi kaścit bhagavatā pādapracāraparikampitajagattayeṇa asuravaravanitāvaidhavyakāriṇā pravalaripucakrāpratihatacakreṇa cakriṇā mūlam madamuditanayanāvalokitākhilaviśātanena atiguruvairivāraṇākarṣaṇāviṣkṛtamahimorusīreṇa sīriṇā ca saha sakalajagadvandyānāmamaravarāṇāmapi yoddhuṃ samarthaḥ kimutāham tadanyataḥ śaraṇamabhilaṣyatām ### [1.42](https://indike.org/pramana/in.art.ratna.manimala.1.42) ityuktaḥ śatadhanurāha yadyasmatparitrāṇāsamarthaṃ bhavānātmānamavagacchati tadayamasmanmaṇiḥ saṃgṛhya racyatām | ityuktaḥ so'pyāha yadyantāyāmapyavasthāyāṃ na kasmaicidbhagavān kathayiṣyati mūlam tadahamenaṃ grahīṣyāmi | tathetyukte akrūrastanmaṇiratnaṃ jagrāha ### [1.43](https://indike.org/pramana/in.art.ratna.manimala.1.43) śatadhanurapyatulavegāṃ śatayojanavāhinīṃ vaḍavāmāruhyāpakrāntaḥ | śaivyasugrīvameghapuṣpabalāhakāścacatuṣṭayayukta rathāvasthitau baladevavāsudevau tamanvaprayātau ### [1.44](https://indike.org/pramana/in.art.ratna.manimala.1.44) sā ca vaḍavā śatayojanapramāṇaṃ mārgamatītya punarapi vāhyamānā mithilāvanoddeśe prāṇānutsasarja | śatadhanurapi tāṃ parityajya padātirevādravat ### [1.45](https://indike.org/pramana/in.art.ratna.manimala.1.45) mūlam kṛṣṇo'pi balabhadramāha tāvadatraiva syandane bhavatā stheyam ahamenamadhamācāraṃ padātireva padātimanvagamya yāvad ghātayāmi| atra hi bhūbhāge dṛṣṭadoṣā hayā naite'śvā bhavatemaṃ bhūmibhāgamullaṅghya neyāḥ ### [1.46](https://indike.org/pramana/in.art.ratna.manimala.1.46) tathetyuktvā balabhadro ratha eva tasthau| kṛṣṇo'pi dvikrośamātraṃ bhūmibhāgamanusṛtya dūrasthasyaiva cakraṃ chittvā śatadhanuṣaḥ śiraściccheda| taccharīrāmbarādiṣu ca bahuprakāramanviṣyannapi syamantakaṃ maṇiṃ nāvāpa yadā tadopagamya balabhadramāha vyarthevāsmābhiḥ ghātitaḥ śatadhanurna prāptaṃ akhilajagatsārabhūtaṃ tanmaṇiratnaṃ| ityākarṇya udbhūtakopo baladevo vāsudevamāha mūlam dhik tvāṃ yastvamarthalipsuḥ | etacca te bhrātṛtvāmmarṣaye tadayaṃ panthā svecchayā gamyatāṃ na me dvārakyā na tvayā na bandhubhiḥ kāryyam | alamebhirmamāgrato'līkaśapathaiḥ | ityākṣipya taṃ tathā prasādyamāno'pi na tasthau videhapurīṃ praviveśa ### [1.47](https://indike.org/pramana/in.art.ratna.manimala.1.47) janakaścārghyapūrvvakamevainaṃ gṛhaṃ praveśayāmāsa | sa tatraiva ca tasthau | vāsudevo'pi dvārakāmājagāma | yāvacca janakarājagṛhe mūlam balabhadro'vatasthe tāvat dhārttarāṣṭro duryodhanastatsakāśādgadāśikṣāmaśikṣata ### [1.48](https://indike.org/pramana/in.art.ratna.manimala.1.48) varṣatrayānte ca babhrūgrasenaprabhṛtibhiryādavairna tadratnaṃ kṛṣṇenāpahṛtamiti kṛtāvagatibhirvidehapurīṃ gatvā baladevaḥ saṃpratyāyya dvārakā mānītaḥ ### [1.46-2](https://indike.org/pramana/in.art.ratna.manimala.1.46-2) akrūro'pi uttamamaṇisamudbhūtasuvarṇavyānaparaḥ tato yajñānīje ### [1.50](https://indike.org/pramana/in.art.ratna.manimala.1.50) savanagatau hi kṣatriyavaiśyau nighn brahmahā bhavatītyato dīkṣākavacaṃ praviṣṭa eva tasthau dviṣaṣṭi varṣāṇi ### [1.51](https://indike.org/pramana/in.art.ratna.manimala.1.51) mūlam evaṃ tanmaṇiratnaprabhāvāt tatra upasargadurbhikṣamarakādikaṃ nābhūt ### [1.52](https://indike.org/pramana/in.art.ratna.manimala.1.52) athākrūrapakṣīyairbhojaiḥ śatrughne sātvatasya prapautre vyāpādite bhojaiḥ sahākrūro dvārakāmapahāya apakrāntaḥ ### [1.53](https://indike.org/pramana/in.art.ratna.manimala.1.53) tadapakrāntidinādārabhya tatropasargavyālānādṛṣṭimarakādyupadravā vabhūvuḥ | atha yādavavalabhadrograsenasamaveto'mantrayat bhagavānuragāriketanaḥ kiyadidamekadaiva pracuropadravāgamanametadālocyatām ### [1.54](https://indike.org/pramana/in.art.ratna.manimala.1.54) mūlam ityukte andhakanāmā yaduvṛddhaḥ prāha asyākrūrasya pitā śvaphalko nāma yatra yatrābhūt tatra tatra durbhikṣamarakānāvṛṣṭyādikaṃ ca nābhūt ### [1.55](https://indike.org/pramana/in.art.ratna.manimala.1.55) kāśirājasya viṣaye'tyantānāvṛṣṭyāṃ śvaphalako'nīyata tatastatkṣaṇādeva devo vavarṣa | kāśirājasya patnyāśca garbhe kanyā pūrvvamāsīt ### [1.56](https://indike.org/pramana/in.art.ratna.manimala.1.56) sāpi pūrṇe'pi prasūtiqāle naiva niṣcakrāma | evañca tasya garbhasya dvādaśa varṣāṇyaniṣkrāmato yayuḥ | kāśirājastu tāmātmajāṃ garbhasthāmāha putri ! kasmānna jāyase niṣkramyatām āsyaṃ mūlam te draṣṭumicchāmi | svakāñca mātaraṃ kimiti ciraṃ kleśyasi ityuktā sā garbhasthaiva vyājahāra tāta ! yadyevaikāṃ gāṃ dine dine brāhmaṇebhyaḥ prayacchasi tadāhamanyaistribhirvarṣairasmādgarbhāt tāvadavaśyaṃ niṣkramiṣyāmīti | etacca tadvacanamākarṇya rājā brāhmaṇāya dine dine gāṃ prādāt | sāpi tāvatā kālena jātā | tatastasyāḥ pitā gāndinīti nāma cakāra | tāñca gāndinīṃ kanyāṃ śvaphalkāyopakāriṇe gṛhāgatāyārghyabhūtāṃ prādāt | sā ca gāndinī pratidinaṃ yāvajjīvaṃ brāhmaṇāya gāṃ dattavatī | tasyāmayamakrūraḥ śvaphalkāt jajñe | tasyaivaṃ guṇamithunādutpattiḥ ### [1.57](https://indike.org/pramana/in.art.ratna.manimala.1.57) mūlam tat kathamasminnapakrānte'tra marakadurbhikṣādyupadravā na bhaviṣyanti | tadayamānīyatāmiti alamacātiguṇavatyaparādhānveṣaṇena iti ### [1.58](https://indike.org/pramana/in.art.ratna.manimala.1.58) yaduvṛddhasyāndhakasya etadvacanamākarṇya keśavograsenavalabhadrapurogamairyadubhiḥ kṛtāparādhatitikṣābhavamabhayaṃ dattvā śvaphalyakiḥ svapuramānītaḥ | tatra cāgata eva tatsyasyamantakamaṇeḥ anubhāvādanāvṛṣṭimarakadurbhikṣavyālādyupadravaḥ śaśāma kṛṣṇaśca cintayāmāsa svalpametat kāraṇaṃ yadayaṃ gāndinyāṃ śvaphalkenākrūro janitaḥ sumahāṃścāyamanāvṛṣṭidurbhikṣamarakādyupaśamanakārī prabhāvaḥ ### [1.56-2](https://indike.org/pramana/in.art.ratna.manimala.1.56-2) mūlam tannūnamasya sakāśe sa mahāmaṇiḥ syamantakākhyastiṣṭhati tasya hyevaṃvidhāḥ prabhāvāḥ śrūyante| ayamapi yajñādanantaraṃ anyat kratvantaraṃ tasmāt yajñāntaraṃ yajatīti| alpopādānaścāsya| asaṃśayamacāsau varamaṇistiṣṭhatīti kṛtādhyavasāyo'nyat prayojanamuddiśya sakalayādavasamājamātmagehe evācīkarat| tatra copaviṣṭeṣvakhileṣu yādaveṣu pūrvvaprayojanamupanyasya paryyavasite ca tasmin prasaṅgāgataparihāsakathāmakrūreṇa saha kṛtvā janārddanastamakrūramāha ### [1.60](https://indike.org/pramana/in.art.ratna.manimala.1.60) mūlam dānapate ! jānīma eva vayaṃ yathā śatadhanvanā akhilajagatsārabhūtaṃ syamantaratnaṃ bhavataḥ sakāśe samarpitaṃ | tadetadrāṣṭropakārakaṃ bhavataḥ sakāśe tiṣṭhatīti tiṣṭhatu sarvva eva vayaṃ tatprabhāvaphalabhujaḥ kintveṣa valabhadro'smānā śaṅkitavān tadasmatprītaye darśaya ityabhihitaḥ sarataḥ so'cintayat kimatrānuṣṭheyam | anyathā cet bravīmyahaṃ tatkevalāmbaratirodhānamanviṣyanto ratnamete drakṣyantīti ato'nveṣaṇaṃ na kṣemamiti saṃcintya tamakhilajagatkāraṇabhūtaṃ nārāyaṇamāhākrūraḥ bhagavan ! mamaitat syamantakamaṇiratnaṃ śatadhanuṣā samarpitam ### [1.61](https://indike.org/pramana/in.art.ratna.manimala.1.61) mūlam apagate ca tasmin adya śvaḥ paraśvo vā bhagavān māṃ yāciṣyatīti kṛtamatiratikṛcchreṇaitāvantaṃ kālamadhārayam asya ca dhāraṇakleśenāhamaśeṣopabhogeṣvasaṅgimānaso na vedmi svasukhakalāmapi ### [1.62](https://indike.org/pramana/in.art.ratna.manimala.1.62) etāvanmātramaśeṣarāṣṭropakāri dhārayituṃ na śaknotīti māṃ bhagavān maṃsyata ityātmanā na coditam ### [1.63](https://indike.org/pramana/in.art.ratna.manimala.1.63) tadidaṃ syamantaratnaṃ gṛhyatām icchayā yasyābhimataṃ tasya samarpyatām | tataḥ so'dharavastranigopitātilaghu kaṇkasamudgakaṃ prakaṭīkṛtavān ### [1.64](https://indike.org/pramana/in.art.ratna.manimala.1.64) mūlam tataśca niṣkrāmya syamantakamaṇiṃ tacca yadusamāje mumoca muktamātre ca tenātikāntaśa tadakhilamāsthānamuddyotitam ### [1.65](https://indike.org/pramana/in.art.ratna.manimala.1.65) athāhvākrūraḥ sa eṣa maṇiyaryaḥ śatadhanvanāsmākaṃ samarpitaḥ yasyāyaṃ sa enaṃ gṛhṇātviti | tanmaṇiratnamālokya sarvvayādavānāṃ sādhu sādhviti vismitamanasāṃ vāco'śrūyanta tamālokya mamāyamacyutenaiva sāmānyaḥ samanvīpsitaḥ iti valabhadraḥ saṃspṛho'bhavat ### [1.66](https://indike.org/pramana/in.art.ratna.manimala.1.66) mūlam mamaivedaṃ pitṛdhanamityatīva ca satyabhāmāpi spṛyāñcakāra| balasatyānanāvalokanāt kṛṣṇo'pyātmānaṃ cakrāntarāvasthitamiva mene ### [1.67](https://indike.org/pramana/in.art.ratna.manimala.1.67) sakalayādavasamakṣañcākrūramāha etaddhi maṇiratnamātmaśodhanāyaiṣāṃ yadūnāṃ darśitam| etacca mama valabhadrasya ca sāmānyaṃ pitṛdhanañcaitat satyabhāmāyā nānyasya ### [1.68](https://indike.org/pramana/in.art.ratna.manimala.1.68) etacca sarvvakālaṃ śucinā brahmacaryyaguṇavatā dhriyamāṇamaśeṣarāṣṭrasyopakārakam aśucinā dhriyamāṇamādhārameva hanti ### [1.66-2](https://indike.org/pramana/in.art.ratna.manimala.1.66-2) mūlam ataḥ aha asya ṣor̤aśastrīsahasraparigrahāt asamartho dhāraṇe ### [1.70](https://indike.org/pramana/in.art.ratna.manimala.1.70) kathañcaitat satyabhāmā svīkarotu | āryyeṇa valabhadreṇāpi madirāpānādyaśeṣopabhogaparityāgaḥ kathaṃ kāryyaḥ | tadayaṃ yadunoko'yaṃ valabhadro'haṃ satyā ca tvāṃ dānapate prārthayāmaḥ etadbhavāneva dhārayitu samarthaḥ | tvatsthañcāsya rāṣṭrasyopakārakaṃ tadbhavānaśeṣarāṣṭropakāranimittametat pūrvvavat dhārayatu tvayānyathā na vaktavyamityukte dānapatiḥ tathetyuktā jagrāha mūlam tanmahāratnaṃ tataḥ prabhṛti cākrūraḥ prakaṭenaivātīva tejasā jājvalyamānenātma kaṇṭhāsaktenāditya ivāṃśumālī cacāra ### [1.71](https://indike.org/pramana/in.art.ratna.manimala.1.71) ityetāṃ bhagavato mithyābhiśasticālanāṃ yaḥ smarati na tasya kadācidalpāpi mithyābhiśastirbhavati avyāhatendriyaścākhilapāpamokṣamavāpnoti ### [1.73](https://indike.org/pramana/in.art.ratna.manimala.1.73) iti syamantakopākhyānam iti syamantakopākhyāna. navaratnāni mūlam vajramāṇikyavaidūryyaṃ muktāgomedavidrumaṃ marakataṃ puṣparāgañca nīlañceti yathākramaṃ atha vajraṃ mūlam mahāprabhāvaṃ vivudhairyyasmādvajramudāhṛtaṃ vajrapūrvvā parīkṣyeyaṃ tato'smābhiḥ prakīrtyate ### [1.74](https://indike.org/pramana/in.art.ratna.manimala.1.74) haimamātaṅgasaurāṣṭrāḥ pauṇḍrakāliṅgakośalāḥ veṇātaṭīyasauvīrau vajrasyāṣṭavidhākarāḥ ### [1.75](https://indike.org/pramana/in.art.ratna.manimala.1.75) mūlam ātāmrā himaśailajāḥ śaśinibhā veṇūtaṭīyāḥ śubhāḥ sauvīrāsu sitābjameghasadṛśāstāmrāśca saurāṣṭrajāḥ kāliṅgāḥ kanakāvadātarucirāḥ pītaprabhāḥ kauśalāḥ śyāmāḥ puṇḍrabhavā mataṅgaviṣaye nātyantapītaprabhāḥ ### [1.76](https://indike.org/pramana/in.art.ratna.manimala.1.76) pṛthivyāpau viyattejo maruccaiveti pañcabhiḥ vajramutpadyate brahman kathitaṃ vajrakovidaiḥ ### [1.77](https://indike.org/pramana/in.art.ratna.manimala.1.77) mūlam mahāprabhāvaṃ sadalaṃ suśobhaṃ pārthivaṃ viduḥ snigdhaṃ mṛdu dhanaṃ svacchamāpyamāṅgaḥ paraṃ budhāḥ ### [1.78](https://indike.org/pramana/in.art.ratna.manimala.1.78) vimalaṃ śuci tīkṣṇāgraṃ vaiyataṃ vajramucyate padmabhūtātmakaṃ vajraṃ taijasaṃ prāyaśo bhavet laghu tīkṣṇaṃ kharasparśaṃ vāyavyaṃ parikalpyate ### [1.76-2](https://indike.org/pramana/in.art.ratna.manimala.1.76-2) samastāṃ pṛthivīṃ pāti pārthivasya vidhāraṇāt tṛptirlakṣmīryaśaḥ kīrttirāpyavajrasya dhāraṇāt ### [1.80](https://indike.org/pramana/in.art.ratna.manimala.1.80) mūlam utsāhapriyadṛṣṭitvaṃ vāyavyasya vidhāraṇāt tathā sammattayaḥ sarvvā vaiyatasya vidhāraṇāt pratāpaḥ śauryyamutsāhastaijasasya vidhāraṇāt ### [1.81](https://indike.org/pramana/in.art.ratna.manimala.1.81) himakundendudhavalaṃ ṣaṭkoṇrāṣṭadalaṃ tathā tīkṣṇaṃ vāribhavaṃ vajraṃ ghanamaṅkāśakāntimat andhakāre ca dīpyeta tajjñeyaṃ vajramuttamaṃ ### [1.82](https://indike.org/pramana/in.art.ratna.manimala.1.82) guṇāḍhyaṃ tīkṣṇadhāraṃ yatsarpadapaṃnivāraṇaṃ tasya dhāraṇamātreṇa viṣarogaḥ praśāmyati ### [1.83](https://indike.org/pramana/in.art.ratna.manimala.1.83) mūlam koṭisūryyapratīkāśaṃ koṭicandrasuśītalaṃ andhakāraharaṃ vajraṃ viddheyaṃ mahaduttamaṃ tasya dhāraṇāmātreṇa sarvvarogaḥ praśāmyati ### [1.84](https://indike.org/pramana/in.art.ratna.manimala.1.84) tapte dugdhe jale taile ghṛte kṣipto'pi yaḥ paviḥ śītatāṃ nāyayetsadyaḥ sa jñeyaḥ suradurlabhaḥ ### [1.85](https://indike.org/pramana/in.art.ratna.manimala.1.85) brahmakṣatriyaviṭ śūdrabhedāttasya caturvidhāḥ kramaśo lakṣaṇaṃ teṣāmucyate dvijasattama ### [1.86](https://indike.org/pramana/in.art.ratna.manimala.1.86) mūlam vipraśca śaṅkhakumudasphaṭikāvadātaḥ syāt catriyaśca śaśavakravilocanābhaḥ vaiśyaśca kāntakadalīdalasantrikāśaḥ śūdraśca dhautakaravālasamānadīptiḥ ### [1.87](https://indike.org/pramana/in.art.ratna.manimala.1.87) viprakṣatriyavaiśyānāṃ śūdrajāteryathākramaṃ śvetā raktā tathā pītā kṛṣṇā chāyāścaturvidhāḥ ### [1.88](https://indike.org/pramana/in.art.ratna.manimala.1.88) yajñairdānaistapobhiśca yadāpnoti tadāpnuyāt guṇayuktasya vajrasya viprajāteśca dhāraṇāt ### [1.86-2](https://indike.org/pramana/in.art.ratna.manimala.1.86-2) mūlam jayaḥ parākramastasya śatrunāśaśca jāyate guṇavat kṣatrajātīyaṃ vajraṃ vasati yadgṛhe ### [1.60-2](https://indike.org/pramana/in.art.ratna.manimala.1.60-2) kalākuśalatā tasya prajñā kṣemaṃ yaśo mahat guśinaḥ pavaratnasya vaiśyajāteśca dhāvaṇāt ### [1.61-2](https://indike.org/pramana/in.art.ratna.manimala.1.61-2) paropakāritā kṣemaṃ dhanadhānyasamṛddhayaḥ guṇayuktasya vajrasya śūdrajāteśca dhāraṇāt ### [1.62-2](https://indike.org/pramana/in.art.ratna.manimala.1.62-2) vajraṃ suvarṇayuktaṃ devānāṃmapi parigrahaḥ proktaḥ varṇaibhyaśca vibhāgaḥ kāryyo varṇāśrayādeva ### [1.93](https://indike.org/pramana/in.art.ratna.manimala.1.93) mūlam haritasitapītapiṅgalatāmrāśyāmāḥ svabhāvato rucirāḥ harivaruṇaśakrahutavahapitṛpatimarutāṃ svakā varṇāḥ ### [1.94](https://indike.org/pramana/in.art.ratna.manimala.1.94) dvau vajravarṇau pṛthivīpatīnāṃ saddhiḥ pradiṣṭau natu sarvvajanyaṃ yaḥ syājjavāvidrumabhaṅgaśoṇo yo vā haridrārasasaṃnikāśaḥ ### [1.95](https://indike.org/pramana/in.art.ratna.manimala.1.95) īśatvāt sarvvavarṇānāṃ guṇavat sārvvavarṇikaṃ kāmatò dhārayedrājā na tvanyo'nyaṃ kathañcana ### [1.66-3](https://indike.org/pramana/in.art.ratna.manimala.1.66-3) mūlam adharottaravṛttau hi yādṛk syādvarṇasaṅkaraḥ tataḥ kaṣṭakaro vajravarṇānāṃ saṅkaro mataḥ ### [1.100](https://indike.org/pramana/in.art.ratna.manimala.1.100) koṭyaḥ pārśvā̍ni dhārāśca ṣa mūlam ṣaṭkoṇaśuddhamamalaṃ śuci tīkṣṇadhāraṃ varṇānvitaṃ laghu supārśvamapetadoṣaṃ indrāyudhāṃśuvivṛtacchuritāntarīkṣamevaṃvidhaṃ bhuvi bhavet sulabhaṃ na vajraṃ ### [1.101](https://indike.org/pramana/in.art.ratna.manimala.1.101) atyarthaṃ laghu varṇataśca guṇavat pārśveṣu samyak samaṃ rekhāvindukalaṅkakākapadakatrāsādibhirvvarjjitaṃ loke'smin paramāṇumātramapi yadvajraṃ kvaciddṛśyate tasmin devasamāśrayo hyavitathastīkṣṇāgradhāraṃ yadi ### [1.102](https://indike.org/pramana/in.art.ratna.manimala.1.102) mūlam tīkṣṇāgraṃ vimalamupetasarvvadoṣaṃ dhatte yaḥ prayatatanuḥ sadaiva vajraṃ vṛddhistaṃ pratidinameti yāvadāyuḥ śrīmatsutadhanadhānyagopaśūnāṃ ### [1.103](https://indike.org/pramana/in.art.ratna.manimala.1.103) yattu sarvvaguṇairyuktaṃ vajraṃ tarati vāriṇi ratnavarge samaste'pi tasya dhāraṇamiṣyate ### [1.104](https://indike.org/pramana/in.art.ratna.manimala.1.104) ambhastarati yadvajramabhedyaṃ vimalañca yat tathā suśuddhaṣaṭkoṇaṃ laghu bhārgavanandana ### [1.105](https://indike.org/pramana/in.art.ratna.manimala.1.105) prabhā ca śakracāpābhā yasyārkābhimukhī bhavet tadvajraṃ dhārayan rājā sarvvān jayati śātravān ### [1.106](https://indike.org/pramana/in.art.ratna.manimala.1.106) mūlam yattu vāribhavaṃ nāma dūrvvāpacajalacchavi suvarṇamātraṃ tulayā tadvajraṃ koṭibhājanaṃ ### [1.107](https://indike.org/pramana/in.art.ratna.manimala.1.107) yadyapi viśīrṇakoṭiḥ savindu rekhāntrito vivarṇo vā so'pi ca dhanadhānyasutān karoti sendrāyudho vajraḥ ### [1.108](https://indike.org/pramana/in.art.ratna.manimala.1.108) saudāminīvisphuritābhirāmaṃ rājā yathoktaṃ kuliśaṃ dadhānaḥ parākramākrāntaparapratāpaḥ samastasāmantabhuvaṃ bhunakti ### [1.106-2](https://indike.org/pramana/in.art.ratna.manimala.1.106-2) atha vajradoṣāḥ mūlam malo vindustathā rekhā trāsaḥ kākapadastathā ete doṣāḥ samākhyātāḥ pañca vajreṣu kovidaiḥ ### [1.110](https://indike.org/pramana/in.art.ratna.manimala.1.110) male malinatā khyātā vindau sarvvārthanāśanaṃ rekhāyāṃ daṃṣṭriṇo bhītiḥ trāse trāsaḥ kṣayaḥ pade ### [1.111](https://indike.org/pramana/in.art.ratna.manimala.1.111) doṣeṣu vindurāvarttaḥ parivartto yavākṛtiḥ caturvidhāḥ samākhyātā vindavo vajrasaṃśritāḥ ### [1.112](https://indike.org/pramana/in.art.ratna.manimala.1.112) mūlam rakto'tha varttulò vindurāvartto madhyavarttulaḥ raktaśca parivarttastu rakta eva yavākṛtiḥ ### [1.113](https://indike.org/pramana/in.art.ratna.manimala.1.113) vindurāyurdhanaṃ hanyādāvartto bhayamādiśet parivartte bhavedvyādhiryave tatphalamucyate ### [1.114](https://indike.org/pramana/in.art.ratna.manimala.1.114) raktavarṇe yave khātaṃ gajāśvasya vināśanaṃ yave pīte kulasyāntaṃ dhanamāyuḥkṣayaṃ bhavet evaṃ doṣāḥ samākhyātā yavavindoraśeṣataḥ ### [1.115](https://indike.org/pramana/in.art.ratna.manimala.1.115) mūlam savyavaqrā śubhā rekhā vāmavakrā bhayaṅkarī chedabhrāntikarī cchedā rekhā śastrabhayapradā ### [1.116](https://indike.org/pramana/in.art.ratna.manimala.1.116) pakṣadvayaprahṛṣṭā yā chedā sā parikīrttitā rekhā vandhuvināśāya jāyate vajrasaṃśrayā ### [1.117](https://indike.org/pramana/in.art.ratna.manimala.1.117) savyā caivāpasavyā ca chedā rekhorddhagāminī savyā cātmabhidā jñeyā apasavyā dhanacchidā ūrddhā cāsaṃprahārāya chedā chedāya bandhubhiḥ ### [1.118](https://indike.org/pramana/in.art.ratna.manimala.1.118) mūlam aṅkaḥ kākapadākāro dṛśyate yo malānvitaḥ sa mṛtyumādiśatyāśu dhanaṃ vāsagṛhaṃ haret ### [1.119](https://indike.org/pramana/in.art.ratna.manimala.1.119) bhagnāgraṃ bhagnadhārañca dalahīnañca varttulaṃ kāntihīnañca yadvajraṃ doṣāya na guṇāya tat ### [1.120](https://indike.org/pramana/in.art.ratna.manimala.1.120) bhinnabhrāntikaraḥ trāsaḥ sa trrāsaṃ janayed dhruvaṃ evaṃ doṣā guṇāḥ proktā vajrāṇāṃ somabhūbujā ### [1.121](https://indike.org/pramana/in.art.ratna.manimala.1.121) mūlam ekamapi yasya śṛṅgaṃ vidalitamavalokyate viśīrṇaṃvā guṇavadapi tanna dhāryyaṃ vajraṃ śreyo'rthibhirbhavene ### [1.122](https://indike.org/pramana/in.art.ratna.manimala.1.122) sphuṭitāgraviśīrṇaśṛṅgadeśaṃ malavarṇaiḥ pṛṣatairupetamadhyaṃ nahi vajrabhṛto'pi vajramāśu śriyamanyāśrayanāśaṃ vidhatte ### [1.123](https://indike.org/pramana/in.art.ratna.manimala.1.123) yasyaikadeśe kṣatajāvabhāso yadvā bhavellohitavarṇacitraṃ na tanna kuryādapi vajramāśu sukhasya mṛtyorapi jīvitāntaṃ ### [1.124](https://indike.org/pramana/in.art.ratna.manimala.1.124) mūlam prathamaṃ guṇasampadāmyupetaṃ prativaddhaṃ samupaiti yatsvarūpaṃ alamābharaṇena tasya rājño guṇahīno'pi maṇinaṃ bhūṣaṇāya ### [1.125](https://indike.org/pramana/in.art.ratna.manimala.1.125) yasya kṣate bhavecchotho dāho vā jvara eva vā tacca cimicimāyeta tadvajraṃ duṣṭamucyate karkaśaṃ guru yadvajraṃ na taddhārayate nṛpaḥ ### [1.126](https://indike.org/pramana/in.art.ratna.manimala.1.126) trikoṇaṃ kalahāya syāccatuṣkoṇaṃ bhayāvahaṃ pañcakoṇo bhavenmṛtyuḥ ṣaṭkoṇaṃ śubhamādiśet ### [1.127](https://indike.org/pramana/in.art.ratna.manimala.1.127) mūlam didale kalaho nityaṃ cidale sukhanāśanaṃ catuīle sukhāvāptiḥ śokaśca pañcame dale ### [1.128](https://indike.org/pramana/in.art.ratna.manimala.1.128) ṣaḍ dale rājato bhītirmṛtyuḥ saptadale tathā aṣṭadalaṃ bhavecchuddhaṃ vajramityāha pāvakaḥ ### [1.126-2](https://indike.org/pramana/in.art.ratna.manimala.1.126-2) vicchāyaṃ vipadaṅkaroti malinaṃ dhante śucaṃ karkaśaṃ duḥkhaṃ snehaviliptamantakaśaṇaṃ śyāvacchavi kleśakṛt rekhākākapadāṅkavindusahitaṃ syānmṛtyave dehināṃ vajraṃ vajravicakṣaṇastu vibhṛyāttasmādvicāryya svayaṃ ### [1.130](https://indike.org/pramana/in.art.ratna.manimala.1.130) mūlam aṇunāpi ca doṣeṇa lakṣyālakṣyeṇa dūṣitaṃ tanmūlyārddhasamaṃ bhāgaṃ vajraṃ labhate vā na vā ### [1.131](https://indike.org/pramana/in.art.ratna.manimala.1.131) prakaṭānekadoṣasya svalpasya mahato'pi vā svamūlyācchataśo bhāgo vajrasya na vidhīyate ### [1.132](https://indike.org/pramana/in.art.ratna.manimala.1.132) spṛṣṭadoṣamalaṅkāre vajraṃ yadyapi dṛśyate ratnānāṃ pavikarmmārthaṃ mūlyantasya bhavellaghu ### [1.133](https://indike.org/pramana/in.art.ratna.manimala.1.133) gurbbiṇībhirna dharttavyo yuvatībhirayaṃ maṇiḥ jaṭhare vajrasamparkād garbhastāsāṃ vinaśyati ### [1.134](https://indike.org/pramana/in.art.ratna.manimala.1.134) mūlam ayasā padmarāgeṇa tathā gomedakena ca vaidūryyasphaṭikābhyāñca kācaiścāpi pṛthagvidhaiḥ ### [1.135](https://indike.org/pramana/in.art.ratna.manimala.1.135) pratirūpāṇi kurvvanti vajrasya kuśalā narāḥ parīkṣā teṣu karttavyā vidvadbhiḥ suparīkṣakaiḥ ### [1.136](https://indike.org/pramana/in.art.ratna.manimala.1.136) kṣārollekhanaśāṇeṣu kāryyaṃ teṣāṃ parīkṣaṇaṃ kṣayate śāṇasaṃgharṣāt cūrṇatāṃ yāti cūrṇitaṃ ### [1.137](https://indike.org/pramana/in.art.ratna.manimala.1.137) kṣārābhraṃ lepayitvā tu raudre caiva parikṣipet kṛtrimaṃ yāti vaivarṇyaṃ sahajañcātidīvyate ### [1.138](https://indike.org/pramana/in.art.ratna.manimala.1.138) mūlam pṛthivyāṃ yāni ratnāni ye cānye lauhadhātavaḥ sarvāṇi vilikhedvajraṃ vajraṃ tairna vilikhyate ### [1.136-2](https://indike.org/pramana/in.art.ratna.manimala.1.136-2) gurutā sarvaratnānāṃ gauravādhānakāraṇaṃ vajre tu tadvaiparītya sūribhiḥ paricakṣyate ### [1.140](https://indike.org/pramana/in.art.ratna.manimala.1.140) jātirajātiṃ vilikhati jātiṃ vilikhanti vajrakuruvindāḥ vajraṃ vaijraṃ vilikhati nānyena vilikhyate vajraṃ ### [1.141](https://indike.org/pramana/in.art.ratna.manimala.1.141) mūlam vajrāṇi muktāmaṇayo ye ca kecana jātayaḥ na teṣāṃ pratibaddhānāṃ bhā bhavatyūrddhagāminī ### [1.142](https://indike.org/pramana/in.art.ratna.manimala.1.142) yanmūlyaṃ brāhmaṇe proktaṃ pādenānena vāṅkaje anenaiva krameṇaiva maṇimūlyaṃ vidhīyate ### [1.143](https://indike.org/pramana/in.art.ratna.manimala.1.143) caturvidhamidaṃ vajraṃ yaduktaṃ jātibhedataḥ caturvidhairnṛpatibhirdhāryyameṇamanukramāt ato'nyathā dhṛtiḥ kuryyādrogaśokabhayaṃ tathā ## Linked texts (8) - [Viṣṇupurāṇa (critical edition)](https://indike.org/pramana/in.purana.visnu*crit.4.13.5.p1) — Sanskrit - [Garuḍapurāṇa](https://indike.org/pramana/in.purana.garuda.1.68.10) — Vyāsa, Sanskrit - [Ānandakanda](https://indike.org/pramana/in.med.rasa.siddha.anandakanda.2.8.7) — Sanskrit - [Maṇilakṣaṇa](https://indike.org/pramana/in.art.ratna.manilaksana.2.7) — Agastya, Sanskrit - [Buddhabhaṭṭīya](https://indike.org/pramana/in.art.ratna.buddhabhattiya.1.19) — Buddha, Sanskrit - [Rasendrapurāṇa](https://indike.org/pramana/in.med.rasa.rasendrapurana.46.66) — Rāmaprasāda, Sanskrit - [Ratnadīpikā (Bhaḍeśvara)](https://indike.org/pramana/in.art.ratna.ratnadipika-bhadesvara.1.37) — Bhaḍeśvara, Sanskrit - [Ratnadīpikā (Caṇḍeśvara)](https://indike.org/pramana/in.art.ratna.ratnadipika.1.39) — Caṇḍeśvara, Sanskrit --- Source: [https://indike.org/pramana/in.art.ratna.manimala.1](https://indike.org/pramana/in.art.ratna.manimala.1) · Pramāṇa