[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Horoscope-casting manuals](https://indike.org/pramana/in.astro.hora.paddhati) › [Keśava's Jātakapaddhati and the Nandigrāma–Kāśī school](https://indike.org/pramana/in.astro.hora.paddhati.kesavi) › [Jatakapaddhati Keshavi](https://indike.org/pramana/in.astro.hora.paddhati.kesavi.jatakapaddhatikesavi) › 1.2 # Jatakapaddhati Keshavi 1.2 Jātakapaddhati Keśavī 1.2 - **Language:** Sanskrit ### [1.2](https://indike.org/pramana/in.astro.hora.paddhati.kesavi.jatakapaddhatikesavi.1.2) "miśreṣṭayoryadvivaraṃ dinādyaṃ gatisaṃguṇam ṣaṣṭyā bhaktaṃ lavādyaṃ syānmiśrādhikye phalaṃ tvṛṇam alpe grahe dhanaṃ kāryamevaṃ tātkālikā bhavet vakre tu viparītaṃ syādrāhuketvostathaiva hi ||" "nandā bhūpā grahā vedā rasā bāṇagajāḥ kramāt binā candraṃ dhruvāḥ proktāḥ sūryādīnāṃ nabhaḥ sadām śaśibāṇāṅgabhūtulyo vyavasthitaśako mataḥ vyavasthitaśakaṃ svīyācchakātsaṃśodhya yatnataḥ antaraṃ svadhruvairbhaktaṃ phalaṃ yadvikalātmakam tadvyavasthitamandocce yuktamiṣṭaṃ tu tadbhavet ||" "śodhayetsvasvamandoccāt svasvamadhyaṃ prayatnataḥ śeṣaṃ kendraṃ budhairjñeyaṃ tryadhikaṃ yadyadā bhavet ṣaḍbhāttaṃśādhayettattu ṣaḍbhādhikyaṃ yadā bhavet apāsya madhyaṃ nijaśīghratuṃgāccheṣaṃ bhavedrāśimukhaṃ svakendram ṣaḍbhādhikaṃ vīkṣya kujādikānāṃ saṃśoṣayed dvādaśarāśimadhye khatrighnaḥ kendrarāśiḥ syādbhujaḥ svīyalavānvitaḥ tadbhātpūrvavacchlaighyaṃ phalamādau prasādhayet tadardhaṃ svamṛṇaṃ kuryāt kendre meṣatulādige paragraho bhavedevaṃ mandoccāttaṃ viśodhayet śeṣaṃ dvitīyakendraṃ syāttato bāhuśca pūrvavat tadbhātpūrvavanmāndaṃ phalaṃ jñātvā tu tadgrahe madhyākhye svamṛṇaṃ kuryāt samastaṃ dvimaho bhavet dvigrahaṃ śodhayecchīghrāccheṣaṃ kendraṃ tṛtīyakam kendrādbāhustataḥ śaighyaṃ punaḥ saṃsādhayetphalam samastaṃ svamṛṇaṃ kuryāt dvigrahe tatphalaṃ kramāt kendre meṣatulāṣaṭake bhavedevaṃ sphuṭo grahaḥ evaṃ kujādipañcānāmuditaṃ spaṣṭasādhanam ||” atha kujādikānāṃ gatispaṣṭīkaraṇam | tatra tāvanmadhyamāgatistu prathamacakre draṣṭavyā | gatisphuṭīkaraṇapadyam-makarandaprakāśe“madhyāṃ gatiṃ mandaphalāntareṇa hatvā haredambarasairrihāptam madhye svakendre kilarāśipaṭake karkānmṛgānmadhyagatau dhanarṇam mandasphuṭā sā ca tayonitā syācchīghrā gatiḥ kendragatirgrahāṇām hatvā'tha tāṃ śīghraphalāntareṇa ṣaṣṭyā bhajedāptaphalaṃ dhanarṇam mandasphuṭāyāṃ nijaśīghrakendre mṛgādikarkādigate dvitīye bhavettadā bhūmijapūrvakānāṃ gatiḥ sphuṭā saiva nabhaścarāṇām ||” athāyanāṃśānayanapadyam - “śākamekākṣivedonaṃ dviḥkṛtvā daśabhirharet labdhaṃ hīnañca tatraiva ṣaṣṭyāptā ayanāṃśakāḥ lavīkṛto'rkastriguṇo nakhāptāstanmittābhirvikalābhirāḍhyaḥ \[a\]tha lagnamānayanapadyam nīlakaṇṭhyām— tātkāle sāyanārkasya bhuktabhogyāṃśasaṃguṇāt svodayāt khāgniruhlabdhaṃ bhuktaṃ bhogyaṃ ravestyajet iṣṭanāḍīpalebhyaśca gatagamyānnijodayān śeṣaṃ khatryāhataṃ bhaktamaśuddhena lavādikam aśuddhaśuddhabhe hīnayuk tanuvyeyanāṃśakam rātreḥ śeṣamitaṃ yutaṃ dinadalenāhno gataṃ śeṣarka viśleṣyaṃ khalu pūrvapaścima nataṃ triṃśaccyutaṃ connatam yatpūrvonnataṣaḍbhayuktakhitaḥ paścānnatādityato yallaṅkodayakaiśca lagnabhiva tanmādhyaṃ saṣaḍbhaṃ sukham - [Previous: 1.1](https://indike.org/pramana/in.astro.hora.paddhati.kesavi.jatakapaddhatikesavi.1.1) - [Next: 1.3](https://indike.org/pramana/in.astro.hora.paddhati.kesavi.jatakapaddhatikesavi.1.3) - [Up: 1](https://indike.org/pramana/in.astro.hora.paddhati.kesavi.jatakapaddhatikesavi.1) ## Linked texts (2) - [Bṛhatkeśavī](https://indike.org/pramana/in.astro.hora.paddhati.kesavi.brhatkesavi.1.2) — Keśavārka, Sanskrit - [Jātakapaddhati (Keśavārka)](https://indike.org/pramana/in.astro.hora.paddhati.kesavi.jatakapaddhati-kesavarka.1.2) — Keśavārka, Sanskrit --- Source: [https://indike.org/pramana/in.astro.hora.paddhati.kesavi.jatakapaddhatikesavi.1.2](https://indike.org/pramana/in.astro.hora.paddhati.kesavi.jatakapaddhatikesavi.1.2) · Pramāṇa