[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Horoscope-casting manuals](https://indike.org/pramana/in.astro.hora.paddhati) › [Keśava's Jātakapaddhati and the Nandigrāma–Kāśī school](https://indike.org/pramana/in.astro.hora.paddhati.kesavi) › [Jatakapaddhati Keshavi](https://indike.org/pramana/in.astro.hora.paddhati.kesavi.jatakapaddhatikesavi) › 3 # Jatakapaddhati Keshavi 3: atha daśādhyāyaḥ Jātakapaddhati Keśavī 3 - **Language:** Sanskrit ### atha daśādhyāyaḥ ### [3.29](https://indike.org/pramana/in.astro.hora.paddhati.kesavi.jatakapaddhatikesavi.3.29) tatrādau daśāsvarūpaṃ tacchubhāśubhaphalaṃ cāha— yasyāyuryadasau daśāsya ca śubheṣṭhoccasvabhāṃśe tathā''rohā nīcaparicyutasya yadi sā kaṣṭārinīcāṃśabhe tyaktocce tvavarohiṇī bhavati sā madhyoccamitrasvabhāṃśe sadhṛṣṭayutasphuratkarabaliṣṭheṣṭhādhike syācchubhā ### [3.30](https://indike.org/pramana/in.astro.hora.paddhati.kesavi.jatakapaddhatikesavi.3.30) atha daśākramamāha — syādādyā hi daśādhikaujasa ihāṅgākārkajakānāṃ tatastatkendrādiyujāmatha dvibahavo vīryakrameṇaiva hi cedojaḥsamatāyuṣodhikatayāyustulyatā ceddaśā mauḍhyāt syāduditakramātkramavidhau vīryaṃ hi tatrocyate ### [3.31](https://indike.org/pramana/in.astro.hora.paddhati.kesavi.jatakapaddhatikesavi.3.31) atha daśākramabalaṃ tathā riṣṭakaraśiṣṭaharabalaṃ cāha— cellagnādyadaśā svabhāvaphalagnaujāṃsi pākakrame'rkendvoścetprathamā khagodayabalāṃghrirbheḍanyavarge'dhikaḥ svairvargaiścabalairhatā balamihaikyaṃ mūlitaikyaṃ pare'thaivaṃ riṣṭadabhaṃktṛje bahubalo bhaṅktā tadā riṣṭahṛt ### [3.32](https://indike.org/pramana/in.astro.hora.paddhati.kesavi.jatakapaddhatikesavi.3.32) atha riṣṭakaraharagrahayorbalasāmye nirṇayamāhabhaṅktū riṣṭakṛto hitāhitaśubhāsattvaṃ ca nīcoccabhāstādyasyāśrayatāṃ vicārya matimān riṣṭasya bhaṅgaṃ bhavet śreṣṭhaṃ riṣṭahṛtau daśākrama ihaujaḥ śrīdharādyoditaṃ kaṣṭeṣṭapnabalāntarātka ca kṛtaṃ tadyuktiśūnyaṃ tvasat ### [3.33](https://indike.org/pramana/in.astro.hora.paddhati.kesavi.jatakapaddhatikesavi.3.33) athāntardaśākramamāhaardhasyaikabhagastrikoṇagṛhagastryaṃśasya cāste nagāṃśasyāṃghreścaturasragau nijaguṇaiḥ paktaikame syādbalī aṃśādau kuru rūpamatra samatāṃ kṛtvā ca nāśaṃ chidāmaṃśaghnāḥ svadaśāḥ pṛthak khalu lavairvyāptāḥ syurantardaśāḥ ### [3.34](https://indike.org/pramana/in.astro.hora.paddhati.kesavi.jatakapaddhatikesavi.3.34) atha vidaśādikamāha— ityābhyo vidaśāstato'pyupadaśāstābhyaśca sūkṣmaṃ phalaṃ pañcāṃśonadinadvayaṃ tu kalayetyāyuḥ kṛtaṃ dṛśyate pakṣaiḥ kheṭalavāntareṇa ca bhavenmāsāntaraṃ cāyuṣaḥ proktaṃ yaistu daśādilagnajaphalaṃ tebhyo'tidṛgbhyo namaḥ ### [3.35](https://indike.org/pramana/in.astro.hora.paddhati.kesavi.jatakapaddhatikesavi.3.35) ataḥ sūkṣmadaśāphalārthaṃ daśāpraveśakālikalagnasādhanamāhaśāko'bdā janimadhyamārkabhamukhaṃ māsādi tadyugdaśā'bdādyaṃ tatra śake sa māditaraṇirmadhyo daśādau bhavet ghasrībhūtadaśā pṛthak trikuhatā khāṅgāṣṭahṛttadyutā sā syātsāvanikā daśābdapalayuktadyugjanidyuvrajaḥ ### [3.36](https://indike.org/pramana/in.astro.hora.paddhati.kesavi.jatakapaddhatikesavi.3.36) tasmāt sāvayavādṛṇāntyakaraṇāt sādhyā daśādau khagāḥ kṣepān janmakhagān prakalpya yadi vā sādhyā daśā sāvanāt te spaṣṭāśca tithiśca saṃkramavaśānmāso daśādau tanuḥ pūrvoktaṃ jaḍakame cātra tu mayā tallāghavaṃ darśitam ### [3.37](https://indike.org/pramana/in.astro.hora.paddhati.kesavi.jatakapaddhatikesavi.3.37) atha daśāśubhāśubhaphalamāhacandraḥ prāptadaśeśvarasya suhṛduccasvarkṣasaṃstho daśānāthād dhīnavasaptamopacayago dadyācchubhānīti ca yasminbhe'tra vidhuḥ sa janmani tanusvāyādibhāvo yadā tattadvṛddhikaro'tha tattatkṣayakaraḥ proktetarasthānagaḥ ### [3.37-2](https://indike.org/pramana/in.astro.hora.paddhati.kesavi.jatakapaddhatikesavi.3.37-2) śatrumṛtyuvyayeṣu candrākrāntarāśistadā tattadbhāvavṛddhirevetyanuktamapi buddhimatā jñeyam ### [3.38](https://indike.org/pramana/in.astro.hora.paddhati.kesavi.jatakapaddhatikesavi.3.38) athānyaviśeṣamāhayaddravyaṃ khacarasya bhāvagṛhadṛgyogādi sarvaṃ phalaṃ yojyaṃ vṛttikṛtirbalādiha daśāyāṃ cātha yo vairayuk pāpaḥ pāpadśāṃ viśetsa ca vipatkartā'tha tadbhaṅgadastatkāle balavān khagaḥ śubhasuhṛddṛṣṭeṣṭaṣaḍvargagaḥ ### [3.39](https://indike.org/pramana/in.astro.hora.paddhati.kesavi.jatakapaddhatikesavi.3.39) athāṣṭavargaphalasyālpatvādhikatvakalpanāmāhakheṭastasya yadaṣṭavargajaphalaṃ pūrṇaṃ śubhaṃ janmatanvindorvṛddhiṣu ca svabhoccabhasuhṛtsvatrikoṇe'sti yaḥ duṣṭaṃ madhyaphalaṃ viparyayagatasyāniṣṭamatyutkaṭaṃ śastaṃ svalpataraṃ khagasya ca vadej jñātvā balaṃ tattvataḥ ### [3.40](https://indike.org/pramana/in.astro.hora.paddhati.kesavi.jatakapaddhatikesavi.3.40) atha kvacita phalasya vyabhicāre kiṃ karaṇīyamityāhajīvetkvāpi vibhaṅgariṣṭajaśiśū riṣṭaṃ binā mīyate'thādyo'bdaḥ śiśudustaro'pi ca parau kāryeṣu no patrikā kāryā praśnanimittapūrvaśakunairdhānaṃ dhiyā rakṣatāhorājñena subuddhinā'tra bahudhodarkaśca kālo balī ### [3.41](https://indike.org/pramana/in.astro.hora.paddhati.kesavi.jatakapaddhatikesavi.3.41) atha granthālaṅkaraṇamāha — nandigrāme keśavo vipravaryo yo'bhūddhorāśāstrasaṅghaṃ vilokya tenokteyaṃ paddhatirjātakīyā catvāriṃśadvṛttabaddhā subodhā ### [3.42](https://indike.org/pramana/in.astro.hora.paddhati.kesavi.jatakapaddhatikesavi.3.42) atha granthapraśaṃsāmāha — ye subodhāṃ paṭhantīmāmagryāṃ jātakapaddhatim horāvitpadavīṃ yānti loke mānaṃ yaśaśca te ### [3.55](https://indike.org/pramana/in.astro.hora.paddhati.kesavi.jatakapaddhatikesavi.3.55) iti śrī keśavadaivajñaviracitā jātakapaddhatiḥ samāptā || śubham madbhojanādibhāraśca patnyā jhiṃguraśarmaṇaḥ saharṣaṃ svīkṛtaḥ sarvaḥ sumatyrā śubhaśīlayā paṭhaṃstatra vicinto'haṃ tayā mātreva lālitaḥ anyo'pi deśadeśebhyaḥ śrutvā śrīmadgurorguṇam āgatāstatpadaṃ padmaṃ vanebhyo madhuprā iva varddhayantī mithaḥ prītiṃ chātrāśca sahajā iva pāṭhitā guruṇā tena guruṇā tridaśā iva kaḥ samartho jagatyasmin pravaktuṃ madgurorguṇam mayā'pyalpadhiyā'jñena yatpadābjakṛpāvalāt labdhvā bodhabalaṃ dattvā madhyamāṃ ca tathottamām rājakīyaparīkṣāṃ ca labdhvā tīrthapadaṃ tataḥ kāvye svamātṛbhāṣāyā mithileśapravartitām parīkṣāṃ hi samuttīrya tatpratiṣṭhāmavāpya ca tenaiva guruṇājñapto natvā'haṃ satpadāmbujam ācāryyākhyaparīkṣāṃ ca dātuṃ kāśīṃ samāgataḥ rājakīye pradhāne'tra khyāte vidyālaye śubhe pradhānādhyāpakasya śrī-muralīdharaśarmaṇaḥ mahādikamahopādhyā-yāgragaṇyasya sanmateḥ bhūpālajanamānyasya sarvajñasya jagadguroḥ caraṇaṃ śaraṇaṃ labdhvā paṭhitvā tata eva hi sarvānabhīpsitagranthān tatpadābjānukampayā labdhavān jyotiṣe śāstre "ācāryapadavīṃ" tataḥ govindānanda-saṃjñaiśca svāmibhirmaṇḍaleśvaraiḥ jyotiṣādhyāpakasthāne kāśyāmeva niyojitaḥ tatraiva pāṭhayaṃśchātrānaṅgavedāṣṭabhū 1846 mite śakābde kṛtavānetāṃ ṭīkām̐ sarvamanoramām yatpadābjānukampāttaṭṭīkeyaṃ pūrṇatāṃ gatā tāneva guruvaryāṃśca praṇamāmi punaḥ punaḥ śubham ṭīkākāraḥ akṣāṃśāḥ palabhāḥ palakarṇāḥ madhyarekhā todeśāṃtara nāḍikāḥ śrīkāśītaśca deśāntaranāḍikāḥ nagaranāmāni aṃ. ka. aṃ. vyaṃ. aṃ. vyaṃ. gha. pa. gha. pa. miniṭa bar̤odā 22 18 4 ### [3.58](https://indike.org/pramana/in.astro.hora.paddhati.kesavi.jatakapaddhatikesavi.3.58) 12 ### [3.58-2](https://indike.org/pramana/in.astro.hora.paddhati.kesavi.jatakapaddhatikesavi.3.58-2) 0|28pa. 1|37pa. 39 pa. bāmbaī 18 ### [3.7](https://indike.org/pramana/in.astro.hora.paddhati.kesavi.jatakapaddhatikesavi.3.7) 4 ### [3.41-2](https://indike.org/pramana/in.astro.hora.paddhati.kesavi.jatakapaddhatikesavi.3.41-2) 11 ### [3.22](https://indike.org/pramana/in.astro.hora.paddhati.kesavi.jatakapaddhatikesavi.3.22) 0|32pa. 1|41pa. 40 pa. barailī 28 ### [3.29-2](https://indike.org/pramana/in.astro.hora.paddhati.kesavi.jatakapaddhatikesavi.3.29-2) 6 ### [3.38-2](https://indike.org/pramana/in.astro.hora.paddhati.kesavi.jatakapaddhatikesavi.3.38-2) 13 ### [3.16](https://indike.org/pramana/in.astro.hora.paddhati.kesavi.jatakapaddhatikesavi.3.16) 0|34pū. 0|32pa. 14 pa. barddhavāna 23 ### [3.10](https://indike.org/pramana/in.astro.hora.paddhati.kesavi.jatakapaddhatikesavi.3.10) 5 ### [3.14](https://indike.org/pramana/in.astro.hora.paddhati.kesavi.jatakapaddhatikesavi.3.14) 13 4 1|58pū. 0|49pū. 20 pū. balarāmapura 27 27 6 ### [3.31-2](https://indike.org/pramana/in.astro.hora.paddhati.kesavi.jatakapaddhatikesavi.3.31-2) 13 ## Linked texts (4) - [Bṛhatkeśavī](https://indike.org/pramana/in.astro.hora.paddhati.kesavi.brhatkesavi.4.29) — Keśavārka, Sanskrit - [Keśavī laghvī](https://indike.org/pramana/in.astro.hora.paddhati.kesavi.kesavilaghvi.3.26) — Keśavārka, Sanskrit - [Jātakapaddhati (Keśavārka)](https://indike.org/pramana/in.astro.hora.paddhati.kesavi.jatakapaddhati-kesavarka.4.29) — Keśavārka, Sanskrit - [Śrīpatipaddhati (Jātakapaddhati)](https://indike.org/pramana/in.astro.hora.paddhati.sripati.sripatipaddhati.8.11.p1.9) — Śrīpati, Sanskrit --- Source: [https://indike.org/pramana/in.astro.hora.paddhati.kesavi.jatakapaddhatikesavi.3](https://indike.org/pramana/in.astro.hora.paddhati.kesavi.jatakapaddhatikesavi.3) · Pramāṇa