Manushyajataka 9

Manuṣyajātaka 9

Language: Sanskrit

9.1

atha daśānayanādhikāraḥ
saṃpaśyato jananalagnagabhogyabhāgāṃstasmāddaśā bhavati yasya ca yasya tasya
hṛddādhipasya dhuri tasya daśāpraveśo
jñeyo'tha vā dṛgayamasya ca dhāturīkṣaḥ

9.2

udāharaṇam
jātā budhasya kisimā śubhadṛgyuto'sti
śukraḥ sutārthagṛhagaḥ suhṛdeṃvarasthaḥ
jīvaḥ kujaścaraṇadṛksamadṛṣṭirākiḥ
paśyaṃtyamīṣvabhidadhīta pṛthakphalāni

9.3

jñe jñānapaṃḍitakalālekhanādi dṛṣṭyā
jīvasya satpuruṣasauhṛdgauravādi
śrīstrīsutārthagurutādidaśā sitasya
saurau tu rodanaphalaṃ kubhuvastadābham

9.4

digdaṃtiviśvaguṇapakṣanaveśasākaśailā dyujanmani daśāsu samā grahāṇām
sūryośanobudhavidhuṃtudaketucaṃdramaṃdārcitakṣitibhuvāṃ kramaśò bhavāḥ syuḥ

9.5

caṃdrākiṃjīvakujasūryasitajñarāhuketvīśvarā niśi kileti śarādisaṃkhyāḥ
aṃtardaśāstadanupātavaśāddaśāsu
sarvāsu tatpatisamānaphalaṃ prakalpyam

9.6

sūrye daśāparihṛte svabale svatuṃge
rājyaṃ kulocitamupaiti padasya lābhaḥ
svarkṣadṛkkāṇanijahaddagate ca madhyaṃ
nīce'ribhāgamupage rugakīrtidausthyam

9.7

caṃdre phalaṃ ravivadāḍhyabale ca bhaume
senāpatitvamasuhṛdvijayorthanāptiḥ
madhye puroktamiha madhyamameva hīne
nīcatvamāptakalaho rugakīrtibhītyaḥ

9.8

saumye dalīlavati śāstrakalādinārthaḥ
sevāphalaṃ narapateḥ sutasaukhyalābhaḥ
vārttādivṛddhiriha madhyabale ca hīne
dāridryadurgatirugārttijanāpavādāḥ

jīve pūrṇabale guṇī sukhadhanaḥ khyātaḥ sutaprītibhāṅmānyo vyūḍhakuṭuṃbadhṛgdhuri satāṃ
saṃprāptavidyāṃtaraḥ || madhye pūrvamupakramātphalamiha prītiḥ suhṛdbhirnṛpairhīne dausthyamakīrttirratiraratirbhītiśca dharme bhavet

9.10

śukre cātibale balaṃ hi vapuṣi strīsaukhyamavyākulaṃ putrāptiḥ prathitā aśeṣaviṣayaprāptiḥ
sukhāḥ saṃpadaḥ || madhye yatra kṛtaṃ phalaṃ ca sakala
madhyaṃ tu hīne bhavedveṣyastrīsvasukho parāṅmukhasuhṛddusthaśca hāsyo janaiḥ

9.11

pūrṇe śanau svakulatulyajanādhipatyamārāmaveśmajaṭyasaṃśrayakāritā ca
madhye tu madhyamamuditaṃ sakalaṃ ca hīne
niṣkarmatārthasutabaṃdhuvināśanāni

9.12

evaṃ ca rāhuśikhino bruvate phalaṃ hi
jñātvā daśāsu kila madhyadaśāsu caivam
samyagvicārya grahahṛdgatiṃ grahāṇāṃ
dṛṣṭiṃ yutiṃ ca vidadhīta sudhīrnṛjanma

9.10-2

iti karmaprakāśikāyāṃ manuṣyajātake daśāvarṇane daśamo'dhikāraḥ

Commentaries (2)

Daivajñasantosinī — Nārāyaṇa, Sanskrit
Manuṣyajātakaṭīkā — Samarasiṃha, Sanskrit

Linked texts (1)

Manusyajataka (ed1916) — Sanskrit