Bhargavanadika 3.45
Bhārgavanāḍikā 3.45
- Language
- Sanskrit
3.45.1
phalam -
śastravraṇaṃ suhṛtpīḍā adhanaṃ strīviyogatā
gajavājiviyogaśca ketoḥ prāṇagate'pyahau
phalam -
māṇikyādisamutpannaṃ putrasaukhyaṃ sadā śubham
kedāreṇa mahatsaukhyaṃ bandhubhiḥ saha bhojanam
vivāhaṃ bhūmilābhaṃ ca śatrunāśaṃ śivārcanam
kalyāṇaṃ kīrtirutpannaṃ ketorantargate gurau
kiñca -
dvijendraiḥ saha saṃyogo rājapapūjā mahādhanam
kulastrīputralābhaśca ketorantargate gurau
granthāntare -
sutavarajananaṃ narendrapūjā
yuvatidhanāṃpirivayunārthasiddhiḥ
dhanacayajananaṃ dvijendrapūjā
bhavati gate'tra gurau śikhīndradāye
anyacca -
ketorantargate jīve kendralābhatrikoṇage
svoccasvakṣetrage vāpi lagnādhipasamanvite
karmabhāgyādhipairyukte dhanadhānyārthasaṃpadam
rājyaprāptiṃ mahotsāhamaśvāndolyādilābhakṛt
gṛhe kalyāṇasaṃpattiṃ putralābhaṃ mahotsavam
puṇyatīrthaphalaprāptiṃ satkarma ca śubhādikam
iṣṭadevaprasādena vijayaṃ kāryasādhanam
mahārājaprasādena iṣṭasiddhisukhāvaham
rājasaṃlāpasantoṣaṃ gṛhe lakṣmīkaṭākṣakṛt
ṣaṣṭhāṣṭamagate jīve dāye vā nīcage'pi vā
corāgniraṇabhītiśca dhanadhānyārthanāśanam
putradāravirodhaścātikleśasya ca saṃbhavaḥ
sthānabhraṃśo manoduḥkhaṃ sodarāṇāṃ vināśanam
ādau śubhakaraṃ caiva ante kleśakaraṃ bhavet
dāyeśātkendrakoṇe vā duścikye lābhage'pi vā
śubhayukte nṛpātprītiṃ vicitrāmbarabhūṣaṇam
vāhanaṃ bhūmilābhaṃ ca gandhamālyādibhūṣaṇam
dūradeśaprayāṇaṃ ca svabandhujanapoṣakam
bhojanāmbarapaśvādi bhuktyādau phalamīdṛśam
ante tu sthānacalanamakasmātkalaho bhavet
dvitīyadyūnanāthe vā apamṛtyurbhaviṣyati
taddoṣaparihārārthaṃ śivasāhasrakaṃ japet
3.45.2
mahāmṛtyuñjayaṃ japyaṃ śāntihomaṃ yathāvidhi
āyussukhaṃ yaśaḥ kīrtiṃ dehārogyaṃ mahatsukham
phalam -
āyurārogyamaiśvaryaṃ vāhanaṃ bhūṣaṇaṃ tathā
vivādātphalasiddhiśca ketorabhyantare gurau
phalam -
vairaṃ virodhasaṃpattiḥ sāhasādrājyasaṃbhavaḥ
paśukṣetradhanāvāptiḥ ketoḥ sūkṣmagate gurau
phalam -
suvastrābharaṇaṃ jātiḥ prabhusevā vicakṣaṇaḥ
lokenānugato nityaṃ ketoḥ prāṇagate gurau
phalam —
kālamṛtyubhayaṃ rogājjvaraṃ vāpi samādiśet
dravyanāśaṃ kumārgaṃ ca putrarogaḥ sudussahaḥ
dāranāśo riporbhītirbhūmināśo dhanakṣayaḥ
rājyakṣobho mahāhāniḥ ketorantargate śanau
kiñca—
citte pittakṛtā pīḍā gotrajaiḥ saha vigrahaḥ
videśagamanaṃ rogaḥ ketorantargate śanau
granthāntare—
pāpābhihatiḥ paropatāpaḥ
parijanavigraha aṅgabhaṅgatā ca
dhanapathavahatistathāturāśyāṃ(?)
[dhanacayavihvatistathā nirāśā
gatavati sūryasute śikhīdharāyuḥ
anyacca—
ketorantargate mande svadehāyāsapīḍanam
sthānacyutiḥ pravāsaśca yuddhe tvapajayo bhavet
mārge kiñcitprāṇabhayaṃ ṣaṣṭhāṣṭavyayarāśige
mūlatrikoṇage mande svadehāyāsapīḍanam
rājakāryakalopena dhanadhānyaṃ mahatkṣayam
bandhukleśo manastāpaścatuṣpājjīvapīḍanam
sthānacyutiḥ pravāsaśca yuddheṣvapajayo bhavet
tulāyāṃ svakṣage vāpi trikoṇe kendralābhayoḥ
duścitke svāṃśake vāpi mitrabhe ca śubhāṃśake
śubhadṛṣṭe ca saṃprāpte rājānugrahavaibhavam
kāryalābho mahāsaukhyaṃ svavāre rājadarśanam
svaprabhośca mahāsaukhyaṃ vastravāhanabhūṣaṇam
dāyeśātṣaṣṭharandhre vā vyaye vā balavarjite
dehajāḍyaṃ manastāpaḥ kāryavighnaṃ mahatbhayam
ālasyaṃ mānahāniśca pitṛmātṛvināśanam
3.45.3
dvitīyadyunānāye vā apamṛtyubhayaṃ bhavet
taddoṣaparihārārthaṃ tiladānaṃ ca kārayet
kṛṣṇāṃ gāṃ mahiṣīṃ dadyāddānenārogyamādiśet
phalam —
bandhanaṃ raṇabhītiśca gṛhādau paśupakṣayaḥ
videśamaraṇāvāptiḥ ketorabhyantare śanau
phalam —
bandhanaṃ vraṇabhītiśca agninā paśunāśanam
videśe duḥkhamāpnoti ketoḥ sūkṣmagate śanau
phalam —
yuddhe manassutīkṣṇaṃ ca krūrakarmaratistathā
vañcanādvandhanaprāptiḥ ketoḥ prāṇagate śanau
phalam —
gīrvāṇavādasaṃlāpaḥ śiṣṭavākyena lālitam
annadānaṃ mahotsāhaḥ sarvasthāneṣu pūjanam
prabodho dharmabodhaśca ārogyaṃ kīrtiruttamā
vāhanaṃ priyadarśa ca ketorantargate budhe
arivarajananaṃ narendrapūjā
dharaṇivarāptirapi jvarapīḍā
paśukṛṣivihatirbhavettu puṃsāṃ
viśati budhe phaṇirājatuṅgadāyam
anyacca—
suhṛddhanamavāpnoti bāndhavaiḥ kalahaṃ sadā
dehapīḍājvaraṃ śītaṃ ketoścāntargate budhe
granthāntare—
ketorantargate saumye kendralābhatrikoṇage
svoccasvakṣetrasaṃyukte rājyalābhaṃ mahatsukham
satkathāśravaṇaṃ dānaṃ dharmasiddhirmahatsukham
bhūlābhaḥ putralābhaśca vidyāgoṣṭhīdhanāgamaḥ
ayatnadharmalābhaśca vivāhaśca bhaviṣyati
gṛhe śubhakaraṃ caiva vastrālaṅkārabhūṣaṇam
bhāgyakarmādhipairyukte bhāgyavṛddhiḥ sukhādhikam
vidyāgoṣṭhīprasaṅgena santoṣaṃ bhūṣaṇādhikam
ṣaṣṭhāṣṭamavyaye saumye mandārāhiyutekṣite
virodhaṃ rājakāryāṇi paragehanivāsasam
vāhanāmbarapaśvādidhanadhānyapaśukṣayaḥ
dakṣiṇāṃ diśamāśritya prayāṇaṃ rājadarśanam
ante kleśakaraṃ caiva dāraputrādipīḍanam
dāyeśātkendrage saumye trikoṇe lābhage'pi vā
śubhayukte nṛpātprītiṃ vastravāhanabhūṣaṇam
3.45.4
dehārogyaṃ mahatsaukhyaṃ putrakalyāṇavaibhavam
bhojanāmbarapaśvādi gṛhe lakṣmīrūṭākṣakṛt
dāyeśātṣaṣṭharandhre vā vyaye ca balavarjite
tadbhuktyādau mahatakaṣṭaṃ dāraputrādipīḍanam
rājaprītikaraṃ caiva madhye'nte'rthavināśanam
dvitīyadyūnanāthe vā apamṛtyurbhaviṣyati
taddoṣaparihārārthaṃ brāhmaṇān bhojayettataḥ
viṣṇusāhasrakaṃ japyaṃ sarvasaṃpatpradāyakam
phalam —
ārogyaṃ putralābhaśca gomahiṣyādisaṃbhavaḥ
anyadeśāṅganāvāptiḥ ketorabhyantare budhe
phalam -
nānāvijayamāpnoti vāhanaṃ putrasaṃbhavam
rasasaṃpatsamṛddhiṃ ca ketoḥ sūkṣmagate budhe
phalama -
kusumaṃ śayanaṃ bhūṣā lepanaṃ bhūṣaṇādikana
saṃsārasukhabhogī syātketoḥ prāṇagate budhe
atha śukramahādaśāphalāni ucyante
cukratacai 20
phalam -
sāmānyaṃ sarvarāśiṣu śukrasya ca daśāphalaṃ samācaṣṭe
strībhūṣāmbarasukhapramodasatkāraṃ mānadhanalābhaḥ
kandarpaśāstranipuṇo nānānvito'timedhāvī
nṛttādigītakuśalo dākṣiṇyarato'nnadānādiśīlaśca
krayavikrayeṣu kuśalo gomān kṛtadāravān sutārthayutaḥ
pūrvārjitadhanabhoktā kulagaṇarakṣo'tha vātakarānvito rogī
• bhrātṛsamastejahato mahāduḥkhī janavairiṇaṃ labhate
kaṣṭāyāṃ marmavairīmiḥ prītiṃ rāśitaḥ pratyekam
śukradaśā phalaṃ vakṣye ripunīcāṃśakarahito grahīno niścayaṃ phalaṃ brūyāt||(?)4
granthāntareatyuccabhṛgudaśāyāṃ mattavilāsaṃ priyārthabhogī syāt
mālyācchādanabhojanaśayanastrīputraratnayutaḥ
svoccasthitasyāpi bhṛgordaśāyāṃ
strīsaṅganaṣṭārthaviruddhadharmam
putro vināśaṃ samupaiti duḥkhaṃ
śirorujaṃ bhūpatimānanaṃ ca
ārohiṇī śukradaśā prapannā
dhānyāmbarālaṅkṛtakāntipūjām
3.45.5
pravṛttisiddhiṃ svajanairvirodhaṃ
mātrādināśaṃ paradārasaṅgam
bhṛgoḥ sutasyāpyavarohakāle
pracaṇḍaveśyāgamanaṃ dhanārtim
strīputrabandhvārtimanāvikāraṃ
hṛcchūlarogaṃ madanārtimeti
udvegarogasantaptaḥ karmasu viphaleṣu sarvvābhirataḥ
atinīcagatasya dāye śukrasyārthakalatrahāniḥ
mūlatrikoṇabhājo bhṛgordaśāyāṃ mahādhipatyaṃ syāt
krayavikrayakuśalo dhanavān kīrtyānvito vidhijñaśca
śukrakṣetradaśāyāṃ labhate strīmūladhanaśauryam
nityotsāhadveṣaṃ paropakāraṃ mahattvaṃ ca
bhṛgordaśāyāmatiśatrurāśigatasya putrārthakaḷatrahānim
prabhagnasaṃsāraviśīrṇadehaṃ
gulmākṣirogaṃ gṛhiṇīprakopam
śatrukṣetradaśāyāṃ bhṛgorapatyārthadārahāniḥ syāt
bhūpatiroṣaṃ kurute mattavilāsārthamāptakarmmāṇi
mitrakṣetradaśāyāṃ paropakārī kalāvidhijñaśca
mārāmo kṛṣiḥ syāddevamanuṣyaiśca varo dhṛtārthaśca
atimitraśukradāye bhūpatisaṃmānasaukhyaṃ ca
godhanavājisametaṃ gajabhaṭasaṅghaiḥ samastaghoṣaiḥ ca
samarkṣagasyāpi bhṛgorvipāke
pramehagulmārttigudaprarogam
kiñcitsukhaṃ bhūpativahnicorairbhayaṃ svabandhusvajanairvirodham
nīcakhecarasaṃyukto bhṛgordāye mahadbhayam
apavādakṛtaṃ doṣaṃ labhate pātakaṃ mahat
svoccasthitena sahitasya bhṛgorvipāke
rājyaṃ mahattvamamarādhipatitvameti
hemāmbarāṇi maṇibhūṣaṇayānalābhaṃ
bherīmṛdaṅgapaṇavāravavādyaghoṣaiḥ
pāpānvitasyāpi bhṛgordaśāyāṃ
sthānacyutiṃ bandhujanairvirodham
ācārahīnaṃ kalahapriyatvaṃ
kṛṣyarthabhūmyātmajadāranāśam
śubhānvitasyāpi bhṛgordaśāyāṃ
saubhāgyamitrātmajadhānyalābham
nareśapūjyaṃ gajavājisaṅgaiḥ
pravālamuktāmaṇiyānalābham
pāpekṣitasyāpi bhṛgordaśāyāṃ
3.45.6
mānārthahāniṃ samupaiti duḥkham
striyā virodhaṃ svapadacyutiṃ ca
videśavāsaṃ nijakarmahānim
śubhekṣitasyāpi bhṛgorvipāke
dhanāyatiṃ bhūpatipūjanaṃ ca
janādhipatyaṃ svaśarīrakāntiṃ
kalatramitrātmajasaukhyameti
kendraṃ gatasya ca daśā bhṛgunandanasya
yānāmbarādimaṇibhūṣaṇadehakāntim
rājyārthabhūmikṛṣivāhanapaṭṭavastraṃ
durgādiyānavanavāsajalābhiṣekam
lagnaśukradaśāyāṃ saṃprāptau rājamānanaṃ labhate
maṇidhanagokṛṣilābhaṃ parāpavādaṃ mahotsāham
caturtharāśisthitaśukradāye
rājyaṃ mahatsaukhyamupaiti yānam
kṛṣikriyāvittapaśuprajānāṃ
vṛddhiṃ pratāpānvitakīrtijālam
kalatrarāśisthitaśukradāye
kalatranāśaṃ tvathavā videśam
pramehagulmādi ca rogajālaṃ
prabhagnavittātmajabandhurājyam
karmasthaśukrasya daśāvipāke
yajñādikamārthinareśapūjām
bhāgyottaraṃ prāpitadehakānti
digantarākrāntayaśaḥ pratāpam
trikoṇasaṃyuktabhṛgorvipāke
vidyādhanaprāptinareśapūjām
pravāḷamuktāmaṇiśaṅkhaśuktigobhūmiyānāmbaravastralābham
pañcamasthabhṛgordāye putraprāptiṃ vinirdiśet
kīrtiṃ ca rājapapūjāṃ ca sarveṣāmupakāratām
tritrikoṇagataḥ śukraḥ karoti nṛpapūjanam
yajñakarmādilābhaṃ ca gurupitroḥ sukhaṃ yaśaḥ
vittagaśukradaśāyāṃ dhanapatimāhurdhanāyatiṃ ca [cāpi]
annasukhavāgvilāsaṃ paropakāraṃ nareśasaṃmānam
tṛtīyarāśisthitaśukradāye
dhairyaṃ mahotsāhamatīva sattvam
citrāmbarālaṃkṛtavāhanāptiṃ
sahodarāṇāṃ bahubhāgyalābham
bhṛgorvipāke'rigatasya nāśaṃ
dhānyārthabandhvātmajasodarāṇām
rogaṃ mahatkāryavināśanaṃ ca
śatrorbhayaṃ bhūpativahnicoraiḥ
randhrasthitasyāpi bhṛgorvipāke
śastrāgniścorakṣatamannavighnam
3.45.7
kaṃcitsukhaṃ kiñcidupaiti vittaṃ
kvacinnarendrāptayaśaḥpratāpam
lābhasthitasyāpi bhṛgorvipāke
sugandhamālyāmbararājapūjām
putrārthasaukhyaṃ kṛṣivikrayaṃ ca
dānaṃ svanāmāṅkitapadyajālam
vyayagataśukradaśāyāṃ labhate dhānyārtharājasaṃmānam
sthānacyutiṃ pravāsaṃ mātṛviyogaṃ manovikāraṃ ca
daśādhināthasya tadanta reśaḥ
śubhasthitaścedyadi dehasaukhyam
bhūpālasaṃmānamatīva rājyabharatvamiṣṭānimanekavittam
jīvakṣetragatasya bhṛgoḥ strīputraṃ hi [strīputrāṇāṃ] vināśanaṃ kurute
karmasu nityodhvigno jananīkleśāmvito manoduḥkhī
siṃhagataśukradaśāyāṃ labhate vividhāpadaṃ manoduḥkham
udvegarogasantāpaṃ karmasu viphaleṣu sarvadābhiratim
arkagaśukradaśāyāṃ jīrṇagṛhaṃ vāsakādvirodhaṃ ca
labhate dāravināśaṃ bhrātṛviyogaṃ ca kalahaṃ ca
śukre sthānabalādhike narapateḥ saṃmānanaṃ bhūṣaṇaṃ
vidyāvādavinodagoṣṭhirasikaṃ nāmadvayaṃ saṃbhramam
tasmin digprabalānvite bahujayaṃ putrārthadārāmbaraṃ
śukre kālabalānvite sukhadhanaṃ kīrti svanāmāṅkitam
nisargavīryayuktasya bhṛgordāye mahatsukham
kṛṣigobhūmivittādi bhrātṛmātṛsukhaṃ bhavet
vakraṃ gatasyāpi bhṛgoḥ sutasya
daśāvipāke tvarirājapūjām
mṛdaṅgabherīravayuktayānaṃ
vicitravastrābharaṇāni rājyam
digviryayuktasya bhṛgorvipāke
yajñādikarmāṇi karoti kāle
vidyāvilāsaṃ śayanāmbaraṃ ca
nṛpābhiṣekaṃ śubhasaṃyutaṃ ca
krūraṣaṣṭhāṃśasaṃyuktabhṛgordāye mahatsukham
kūpārāmataṭākānāṃ nirmāṇaṃ devapūjanam
Linked texts (2)
- Bṛhatparāśarahorāśāstra — Parāśara, Sanskrit
- Phaladīpikā — Mantreśvara, Sanskrit