Bhargavanadika 3.88
Bhārgavanāḍikā 3.88
- Language
- Sanskrit
3.88.1
sthānavīryayute saumye tatpāke rājyakīrtidam
manodhairyaṃ mahotsāhaṃ yajñadīkṣāṃ śubhakriyām
digvīryasahite saumye digantāddhanikaḥ sukhī
grāmaṃ tu rājamaitraṃ ca gandhamālyādilepanam
tadvihīne budhasthāne dāraputramahadbhayam
videśavāsaduḥkhaṃ ca nānāparibhavakriyām
krūravīryayutasaumyadaśāyāṃ dehasaukhyakalahādiviyogam
dāraputranṛpamānanameti gāṅgatoyakṛtapūtatanuḥ syāt
nisargavīryānvitasaumyadāye nisargataścāpi śubhādikarma
vidyāvivādaṃ svajanairvirodhaṃ mātaborderviyogaṃ tvathavā tadīyam
vakraceṣṭābale saumye bhāgyadārasutārthabhāk
purāṇadānadīkṣādisamudrasnānamācaret
durbalena yute saumye sarvabhūteṣu sāmyatām
karoti ratikeliṃ ca rājabhāgyajamānatām¹
krūraṣaṣṭhāṃśasaumyasya daśākāle mahadbhayam
corāgnibhūpairbhītiḥ² syācchubhahagdyogavarjite
mṛdaṃśādiyute saumye rājyalābho³ mahatsukham
mārdavaḥ sarvabhūteṣu kṛṣiputrārthasaṃpadaḥ⁴
saumye vaiśeṣikāṃśasthe viśeṣādrājapūjyatā
sugandhāmbaramālyaṃ ca vidyāgoṣṭhīrahasyatā
krūradrekkāṇasaṃyuktaścandrasūnuryadā tadā
corāgnibhūpatibhayaṃ sthānanāśo⁵ mahadbhayam
uccarāśigataḥ saumyo nīcabhāgagato'pi vā
rājyaṃ sukhaṃ mahatkīrtiṃ vināśaṃ ⁶cāpi tatkṣaṇāt
candrātmajo'pi nīcasthaḥ svoccabhāgasamanvitaḥ
aśubhaṃ phalamādau tu śubhamante⁷ prayacchati
granthāntare—pradīpikāyām —
^1meṣasthasaumyadāye tu śatrumūlabhayaṃ vipat
vraṇarogeśca^2 dāridryaṃ vidyālābho^3 manassukham^4
vṛṣasthasaumyadāye tu bhrātṛsaukhyaṃ dhanaṃ vipat
kiñciddhānyaṃ kṛṣerlābhaḥ^5 kiñcitsaukhyamarerbhayam
karkisyasaumyadāye tu vidyākalaharogabhāk
3.88.2
vāhanāśaṃ bhrātṛhānirbandhūnāṃ^6 kalahaḥ^7 sadā
siṃhasthasaumyadāye tu rājyalābhastathā^8 sukham
taulisyasaumyadāye tuṃ putranāśo'thavā vipat
bhāgyanāśaḥ kṛṣerhāniḥ śatrubhītiḥ^9 sabhājayaḥ^10
kanyāsaṃsthasya saumyasya pāke rājabhayaṃ bhavet
bhāgyaṃ ca vraṇarogaśca^11 bhāryākalaha eva^12 ca
aśvānataṃ vraṇai rogaṃ bhāryānāśaṃ vipattathā
kīṭasthasaumyadāye tu bhrātṛnāśaṃ vraṇaṃ tathā
vipadaṃ rājabhītiṃ^13 ca kiñcitsaukhyaṃ vinirdiśet
cāpasthasaumyadāye tu kiñciddhānyaṃ ^14dhanaṃ sugvam
śatrubhītī raṇāgniśca kleśajātaṃ^15 piturvipat
mṛgasthasaumyadāye tu bhrātṛnāśaṃ sukhaṃ dhanam
karmanāśaṃ manastāpaṃ dāridryaṃ ca vraṇaṃ naraḥ
kumbhasthasaumyadāye tu sarvasvaṃ labhate kṣayam
bhrātṛvargavināśaṃ ca kiñciddhānyaṃ dhanaṃ labhet
^16mīnasthabudhadāye tu śatrunāśamathākṣiruk^17
sarvasvaṃ vilayaṃ yāti kiñciddhānyaṃ dhanaṃ labhet
raviṇā saṃyute dṛṣṭe māturvā maraṇaṃ vipat
kujena saṃyune dṛṣṭe prāṇarogī bhavennaraḥ
guruṇā saṃyute dṛṣṭe sarvaṃ dattvā hariṣyati
śatruṇā bhūvivādaṃ ca putralābhaṃ labhennaraḥ¹
śukreṇa saṃyuto dṛṣṭaḥ² kalatrasya ca rogadaḥ
śaninā saṃyute dṛṣṭe kiñcillābhastathā³ sukham
śanidṛṣṭisamāyukte kiñcillābho bhaved dhruvam
rāhuketusamāyukte śatrubhītistathā⁴ vipat
vāṇijyaṃ karṣaṇāvṛttirvidyālābho⁵ dhanāgamaḥ⁶
vivāho⁷ bandhukalyāṇaṃ budhasyādidaśāphalam
saumyaḥ kuryātpaṭṭabandhaṃ nidhānaṃ
strīputrāṇāṃ prītimiṣṭārthasiddhim
ratnādīnāṃ bhūṣaṇānāṃ gajānāṃ
vidyālābhaṃ svadaśāyāṃ⁸ śriyaṃ ca
vidyālābhaṃ dūtavaiśyādisaṅgaṃ
bhūpairmitraṃ bhūṣaṇācchādanaṃ ca
3.88.3
strīputrāṇāṃ saṃgamaṃ ca sthiraṃ ca
saumyasya syātsvasya cāntardaśāyām
vittaṃ bhojyaṃ dravyalābhaṃ supuṇyaṃ
gīte vādye nābhilāṣaṃ ca kuryāt
saumyastuṣṭiṃ vai tṛtīye daśābde
dehārogyaṃ gogajāśvādilābham
śilpābhyāsaṃ dravyatuṣṭiṃ ca kīrtiṃ
sanmitrāṇāṃ saṅgamaṃ citravastram
saumyaḥ svasyāṃ sūkṣmakāyāṃ daśāyāṃ⁷
dadyānnidrāṃ dehakāntiṃ śriyaṃ ca
svaḥstrīratiṃ gītaratiṃ subhogaṃ
puṣpaiḥ phalairbhūrisamṛddhavṛddhim
saumya. strakāyāṃ kurute daśāyāṃ
prajāṃ ca saukhyaṃ ca tu pañcamāyām
panthāntare—bhṛguḥ—
lagnātkendratrikoṇe vā śubhadṛṣṭe śubhairyute
dehasaukhyaṃ mahālābhaṃ bandhusaṅkīrṇamandire
ṣaṣṭhāṣṭamavyaye rāśau^1 pāpayukte'thavā sati^2
alpasaukhyaṃ svalpalābhaṃ catuṣpājjīvanāśanam
uttarāṃ diśamāśritya jayāpajayamādiśet
vyavasāyātphalaṃ naṣṭaṃ jvarātisāra eva^3 ca
guhyarogo^4 bhayaṃ caiva kujayukte na saṃśayaḥ
ajīrṇarogapīḍā ca dehālasyaṃ manovyathā
dāyeśātṣaṣṭharandhre vā vyaye vā pāpasaṃyute
śubhadṛṣṭivihīnaśceddhanadhānyaparicyutiḥ
videśagamanaṃ caiva mārge rogabhayaṃ tathā
vraṇadāhāgnirogaśca^5 pāpayukte tu nīcage
lagnātṣaṣṭhāṣṭame^6 riṣphe vyaye vā pāpasaṃyute
akasmātkalahaścaiva^7 gṛhe niṣṭhurabhāṣaṇam
catuṣpājjīvahāniḥ syād vyavahārastathaiva^8 ca
apamṛtyubhayaṃ caiva śatrūṇāṃ kalaho^9 bhavet
śubhadṛṣṭe śubhairyukte dārasaukhyaṃ dhanāgamam
ādau śubhakaraṃ caiva madhye saukhyaṃ vinirdiśet
ante^10 tu dhanahāniśca svalpasaukhyaṃ ca jāyate
dvitīyadyūnanarāthe vā apamṛtyurbhaviṣyati
tadddoṣaparihārārthaṃ viṣṇusāhasrakaṃ japet
budhaprītikarīṃ caiva śāntiṃ kuryādyathāvidhi
3.88.4
āyurvṛddhikarīṃ caiva sarvasaubhāgyasaṃpadam
budhe saumyasamāyoge mitrakāryasamāgamaḥ
vidyāvijñānavipulaṃ dehapīḍā vinaśyati
śaśitanayadaśāyāṃ śaśvadācāryabandhudvijajanitadhanāptiḥ kṣetragovājilābhaḥ
manujapavarapūjāvittasaṅghaiśca siddhiḥ
prabhavati maruduṣṇaśleṣmarogaprapīḍā
jñānavṛddhisukhaṃ caiva pāṇḍityaṃ śāstrabhedanam
vivāhaḥ putrasaṃyukto budhasyāntardaśāphalam
svoccasvakṣetrage saumye lagnātkendratrikoṇage
anekarājadeśatva saṃpanno rājapūtitaḥ
gomahiṣyādilābhaśca vastravāhanabhūṣaṇam
nūtanagṛhanirmāṇaṃ bhāgyaprākārasaṃyuktam
gajāntaiśvaryasaṃprāptiḥ bhāgyakarmopasaṃyutam
brāhmaṇaprabhusaṃmānaṃ mahārājaprasādataḥ
svaprabhośca phalādhikyaṃ dāraputrādivardhanam
mātulādiṣu saṃjñatvaṃ vidyālābho mahatsukham
nīcāṃśe nīcarāśisthe vyaye ṣaṣṭhāṣṭarāśige
tadbhuktyādau rājabhītiḥ kalaho¹ bandhuvairiṇām²
Linked texts (2)
- Devakerala — Acyuta, Sanskrit
- Kālaprakāśikā — Nṛsiṃha, Sanskrit