Pramāṇa · Search · About · API

Janmapatripaddhati (Manasagara) 100

Janmapatrīpaddhati (Mānasāgara) 100

Language
Sanskrit

100.1

athāyurbhāvavicārastatrādāvariṣṭa bhaṃgayogavarṇanam
pūrvamāyuḥparīkṣeta paścāllakṣaṇamādiśet
āyurhīnanarāṇāṃ ca lakṣaṇaiḥkiṃ prayojanam

100.2

kheṭāḥsarve mahāduṣṭā aṣṭamasthānamāśritāḥ
śaśāṃkastu viśeṣeṇa janmakāle ca mṛtyudaḥ

100.3

kṛṣṇapakṣe divā jātaḥ śuklapakṣe yadā niśi
tadā ṣaṣṭhāṣṭamaścaṃdro mātṛvatparipālakaḥ

100.4

paṃcamastho niśānāthastrikoṇe ca bṛhaspatiḥ
daśame ca mahīsūnuḥśatavarṣaṃ sa jīvati

100.5

śanaiścarastulākuṃbhamakare yadi vā bhavet
lagne ṣaṣṭhe tṛtīye vā tadāriṣṭaṃ na jāyate

100.7

keṃdre śubho yadaiko'pi balī biśvaprakāśakaḥ
sarve doṣāḥkṣayaṃ yānti dīrghāyuśca bhavennaraḥ

100.8

eko'pi keṃde budhajīvaśukrāḥ krūrāḥsahasrāṇi viruddhayuktāḥ
tathāpi sarvāṇyapi yāṃti nāśaṃ yathā mṛgāḥkesaridarśanena

100.9

pātāle bāṃvare lagne sute dharme tathāgrage
devapūjyastathā śukro nāśayedduritaṃ muhuḥ

100.10

eko'pi keṃde yadi tuṅgasaṃsthaḥ sarve grahā bhāvaguṇena tulyam
sarve'pyariṣṭaṃ ca vināśayaṃti tamo yathā bhāskaradarśanena

100.11

śukro daśa sahasrāṇi budho daśa śatāni ca
lakṣamekaṃ tu doṣāṇāṃ gururlagne vyapohati

100.12

keṃdratrikoṇago jīvaḥśukro vā caṃdranaṃdanaḥ
tasya martyasya dīrghāyuḥsa bhavedrājavallabhaḥ

100.13

gururdhanuṣi mīne vā tathā karkaṭake'pi vā
lagnāttrikoṇe keṃde vā tadāriṣṭaṃ na jāyate

100.14

ajavṛṣakarkaṭalagne rakṣati rāhuḥ samagrapīḍābhyaḥ
pṛthvīpatiḥprasannaḥkṛtāparādhaṃ yathā puruṣam

100.15

rāhustriṣaṣṭhalābhe lagnātsaumyairnirīkṣitaḥ sadyaḥ
nāśayati sarvaduritaṃ māruta iva tūlasaṃghātam

100.16

vilagnapo yatra balena yukto lābhe tṛtīye yadi kaṃṭake vā
sarvāṇyariṣṭāni prayāṃti dūraṃ dīrghāyurārogyatanuṃ karoti

100.17

eko'pi yadi keṃdrastho bhārgavo'tha girāṃ patiḥ
navame vā sutasthāne sarvāriṣṭaṃ nivārayet

100.18

budhabhārgavajīvānāmekatakaḥkeṃdramāśrito balavān
krūraḥsahāyo yadyapi sadyo'riṣṭapraśamanāya

100.21

svasthānago'dhikabalaḥsurarājamaṃtrī keṃdropagaḥprakāmayetsphuradaṃśujālaḥ
eko bahūni duritāni sudustarāṇi bhaktyā prayukta iva śūladharepramāṇaḥ
lagnādhipo'tibalavānaśubhairadṛṣṭaḥkendrasthitaiḥśubhakhagairatha vīkṣyamāṇaḥ
mṛtyuṃ vihāya vidadhāti sudīrghamāyuḥsaṃpūryate nijagṛhaṃ parayā ca lakṣmyā
lagnādaṣṭamasaṃstho gurubudhaśukradreṣkāṇagaścandraḥ
mṛtyuṃ prāptamapi naraṃ parirakṣatyeva nirvyājam

100.22

candraḥsaṃpūrṇatanuḥsaumyarkṣagato'thavā śubhasyāṃtaḥ
prakarotyariṣṭabhaṅgaṃ viśeṣataḥśukrasaṃdṛṣṭaḥ

100.23

ripugaḥśubhadreṣkāṇe sthitaḥśaśī saumyakhecarāḥsabalāḥ
kurvantyariṣṭabhaṅgaṃ yacchanto bhūribhavyatatim

100.24

saumyadvayāṃtaragataḥsaṃpūrṇaḥsnigdhamaṃḍalaścandraḥ
bhunaktyaśeṣāṃriṣṭānbhujagārirbhujagalokāniva

100.25

prasphuritakiraṇajāle snigdhāmalamaṃḍale balopete
suramaṃtriṇi keṃdragate sarvāriṣṭaṃ kṣayaṃ yāti

100.26

saumyabhavanopayātāḥsaumyāṃśakasaumyadreṣkāṇasthāḥ
gurucaṃdrakāvyaśaśijāḥsarve'riṣṭasya haṃtāraḥ

100.27

caṃdrādhyāsitarāśiradhipaḥkeṃdre śubhagraho vāpi
prakarotyariṣṭabhaṃgaṃ pāpāni yathā śivasmaraṇam

100.28

pāpā yadi śubhavarge saumyairdṛṣṭāḥśubhāṃśavargasthaiḥ
nighnaṃti sadāriṣṭaṃ patiṃ viraktā yathā yuvatiḥ

100.29

śīrṣodayeṣu rāśiṣu sarve gaganādhivāsino'dhigatāḥ
pratighnanti sarvaduritaṃ yathā ghṛtaṃ vahnisaṃyogāt

100.30

tatkālayuddhavijayī śubhagrahaḥśubhanirīkṣitaścāpi
nāśayati kaṣṭanivahaṃ vātyā iva pādapaṃ sakalam

100.31

gaganavibhūṣaṇasaumyairdṛṣṭo nāśayati sarvaduritāni
saṃpūrṇamūrtirurupo durnayanaḥsvaṃ yathā nāśam

100.34

mūrtestu rāhustriṣaḍāyavartī riṣṭaṃ haratyeva śubhaiḥ pradṛṣṭaḥ
śīrṣodayasthairvikṛtiṃ na yāti samastakheṭaiḥ khalu riṣṭabhaṃgaḥ

100.35

tatra vyaye lābhariputrisaṃsthaḥ ketustu heturnidhanopaśāṃtyai
parasparaṃ bhārgavajīvasaumyāstrikoṇagāste'pi haraṃtyariṣṭam

100.36

saṃdhyābhavā vaidhṛtipātabhadragaṃḍāṃtayuktā yadi janmakāle
bhavaṃtyariṣṭasya vināśanātha niraṃtarā dṛśyadale ca sarve

100.37

catuṣṭaye śreṣṭhabalādhiśālī śubho nabhogo'ṣṭamago na kaścit
viṃśanmitāyuḥ prakaroti nūnaṃ daśānvitaṃ tacchubhakheṭadṛṣṭaḥ

100.38

nijatribhāge svagṛhe guruścedāyurgātaḥsyātkhalu viṃśaviṃśat
bṛhaspatistuṃgagato vilagne bhṛgoḥsutaḥ keṃdragataḥ śatāyuḥ

100.39

lagne svatuṃge balaśālinīṃdau saumyāḥsvabhasthāḥkhalu ṣaṣṭirāyuḥ
mūlatrikoṇeṣu śubheṣu tuṃge lagne gurāvāyuraśītireva

100.40

lagnā'ṣṭamārīṃduyutirnacetsyuḥkrūrāḥsvabhasthā api khecarau dvau
balānvitāvaṃbaragau bhavetāṃ jātaḥ śatāyuḥ kathito munīṃdraiḥ

100.41

śuddhe raṃdhre keṃdragaiḥ saumyakheṭairlagne jīve naidhanendūdadyaścet
no saṃdṛṣṭāḥ pāpakheṭaistadā syādāyurrmānaṃ saptatirvatsarāṇām

100.43

bhānau vāyusakhācchaśāṅka udakādbhaume mṛtiścāyudhātsaumye kaṣṭatarajvarācca kaṭhinādduḥ sādhyarogādgurau
śukre kṣudbhamikāraṇā dravisute lagnātpipāsājavānmṛtyuḥsyānmanujasya ced divicare sthānaṃ gate cāṣṭamam
daśame paṃcame jīvo budhaścaṃdraśca bhārgavaḥ
śataṃjīvī bhavejjāto dhanāḍhyo vedapāragaḥ

100.44

navame paṃcame jīvo budho bhavati saptame
lagne bhārgavacandrau ca śataṃjīvī bhavennaraḥ

100.45

atha laghujātakarītyā gativicāro likhyatesūryādibhirnidhanagairhutavahasalilāyudhajvarāmayajaḥ
kṣuttaṭkṛtaśca mṛtyuḥparadeśe naidhane carabhe

100.46

yo vā balavānnidhanaṃ paśyati taddhāttukopajo mṛtyuḥ
lagne triṃśāṃśapatirdvāviṃśatihāyane mṛtyuḥ

100.47

vibudhapitṛtitaraśco narakāngurukhriṃdusitau ca
asṛgravī jñayamau ripuraṃdhratriṃśapā nayaṃti vistāraṃ nidhanasthāḥ

100.48

ṣaṣṭhāṣṭamakaṃṭakago gururucce bhavati mīnalagne vā
śeṣairabalairjanmani maraṇe vā mokṣagatimāhuḥ

100.49

guruuḍupatiśukrau sūryabhaumau yamajñauvibudhapitṛtiraśco nārakīyāṃśrca kuryuḥ
dinakaraśaśivīryādhiṣṭhitatryaṃśanāthātpravarasamanikṛṣṭāstuṃgahāsādannūke

100.50

sthiraścaroddvyaṃgasamāhvayaśca rāśīryadā janmani cāṣṭamasthaḥ
svakīyadeśe viṣayāntare vā mārge prakuryānmaraṇaṃ krameṇa

100.51

āyurgṛhaṃ kheṭavivarjitaṃ cedvilokayettadbalavāngrahendraḥ
taddhetujātaṃ pravadaṃti mṛtyuṃ bahuprakāraṃ bahavo munīśāḥ

100.52

pittaṃ kaphaḥ pittamatha tridoṣaṃ śleṣmānilo vāpyanilaḥ krameṇa
sūryādikebhyo maraṇasya hetuḥprakalpitaḥprāktanajātakajñaiḥ

Linked texts (12)