Pramāṇa · Search · About · API

Janmapatripaddhati (Manasagara) 102

Janmapatrīpaddhati (Mānasāgara) 102

Language
Sanskrit

102.1

atha daśamabhāvaphalam
samuditamṛṣivaryairmānavānāṃ prayatnādihahidaśamabhāve sarvakarma prakābham
gaganagaparidṛṣṭyā rāśikheṭasvabhāvaiḥsakalamapiviciṃtyaṃ sattvayogātsudhībhiḥ

102.2

tanoḥsakāśāddaśame śaśāṃke vṛttirbhavettasya narasya nityam
nānākalākauśalavāgvilāsaiḥsarvodyamaiḥsāhasakarmamiśca

102.3

tanoḥśaśāṃkāddaśame balīyānsyājjīvanaṃ tasya khagasya vṛttyā
balānvitāddargapatestu yadvā vṛttirbhavettasya khagasya pāke

102.4

divāmaṇiḥkarmaṇi candratanvordravyāṇyanekodyamavṛttiyogāt
satvādhikatvaṃ ca sadā suramyaṃ puṣṭatvamaṃge manasaḥprasādaḥ

102.5

lagnendutaḥ karmaṇi cenmahījaḥsyātsāhasāccauryaniṣādavṛttiḥ
nūnaṃ narāṇāṃ viṣayātiśaktirdūrenivāsaḥsahasā kadācit

102.6

lagnendubhyāṃ karmago rauhiṇeyaḥkuryāddravyaṃ nāyakatvaṃ bahūnām
śilpe'bhyāsaḥsāhasaṃ sarvakārye vidvadvṛttyā jīvanaṃ mānavānām

102.7

vilagnataḥśītamayūkhato vā''jñākhye maghonaḥsacivo yadi syāt
nānādhanānyāgamanāni puṃsāṃ vicitravṛttyā nṛpagauravaṃ ca

102.8

horāyāśca niśākarādbhṛgusuto meṣūraṇe saṃsthitonānāśāstrakalākalāpavilasadvṛttyā''diśejjīvanam
dāne sādhujane yathā vinayatāṃ kāmaṃ dhanābhyāgamaṃnānāmānavanāyakādiviralaṃ śīlaṃ viśālaṃ yaśaḥ

102.9

horāyāśca sudhākarādravisutaḥ śailūṣamadhyasthitāvṛttiṃ hīnatarāṃ narasya kurute kārśya śarīre sadā
khedaṃ vādabhayañca dhānyadhanayorhāniṃ svamuccairmanaścintodvegasamudbhavaṃ capalaṃ śīlaṃ ca no nirmalam

102.10

jīvo dvijātmākaradevadharmaiḥśukro mahiṣyādikaraupyaratnaiḥ
śanaiścaro nīcataraprakāraiḥ kuryānnarāṇāṃ khalu karmavṛttim

102.11

karmasvāmī graho yasya navāṃśe parivartate !
tattulyakarmaṇā vṛttiṃ nirdiśanti manīṣiṇaḥ

102.12

mitrārigehopagatairnabhogaistattastato'rthaḥparikalpanīyaḥ
tuṃge pataṃge svagṛhe trikoṇe syādarthasiddhirnijabāhuvīryāt

102.13

budhabhārgavajīvākiyukto rāhuścatuṣṭaye
kurute kamallārogyaputramānādikaṃ phalam

102.14

karmasthāne nijakṣetre bhaumaśukrabudhairyutaḥ
yadi rāhurbhavettasya kṣaṇe vṛddhiḥkṣaṇe kṣayaḥ

102.15

patāle cāṃbare pāpo dvādaśe ca yadā sthitaḥ
pitaraṃ mātaraṃ haṃti deśāddeśāntaraṃ vrajet

102.16

cāṃpa sūryaśanī kuṃbhe meṣe bhavati candramāḥ
makare ca yadā śukno bhuṃkte nāśaṃ piturdhanam

102.17

saptame bhavane bhānurmadhyastho bhūminandanaḥ
rāhuścānte ca tasyaiva pitā kaṣṭena jīvati

102.18

kanyāyāṃ midhune rāhuḥkendre ṣaṣṭhe vyaye bhavet
trikoṇe ca tadā jāto dātā bhoktā nirāmayaḥ

102.16-2

sūryyaḥpāpena saṃyuktaḥsūryyaśca pāpamadhyagaḥ
sūryātsaptamaśaḥpāpastadā pitṛbadho bhavet

102.20

daśamastho yadā bhaumaḥśatrukṣetrasthito yadi
mriyate tasya bālasya pitā śīghraṃ nasaṃśayaḥ

102.21

lagne jīvo dhane mando ravirbhaumastathā budhaḥ
vivāhasamaye tasya bālasya mriyate pitā

102.22

bhrātṛsthāne yadā jīvo lābhasthāne yadā śaśī
sa loke gṛhamadhyastho jāyate kuladīpakaḥ

102.23

siṃhe lagne yadā bhaumaḥpaṃcame ca niśākaraḥ
vyayasthāne yadā rāhuḥsa jātaḥkuladīpakaḥ

102.24

ekaḥpāpo yadā lagne pāpaścaiko rasātale
jāyate ca dvinnālī syātsa jātaḥkuladīpakaḥ

102.25

lagne vā saptame bhaumaḥpaṃcame ca divākaraḥ
vyayasthāne yadā rāhurvikhyātaḥsa na saṃśayaḥ

102.26

keṃdre śubho yadaiko'pi balī viśvaprakāśakaḥ
sarvadoṣāḥkṣayaṃ yāṃti dīrghāyuśca bhavennaraḥ

Linked texts (2)