Janmapatripaddhati (Manasagara) 103
Janmapatrīpaddhati (Mānasāgara) 103
- Language
- Sanskrit
103.1
athaikādaśabhāvavicāraḥ prastūyatelābhasthāne grahāḥsarve rājyalābhaphalapradāḥ
gajāśvapatimīpsāṃ ca saumyāḥkurvanti niścitam
103.2
sūryeṇa yuktaḥsvavilokitā vā lābhālaye tasya gaṇo'tra cetsyāt
bhūpālataścaurakulātkalervā catuṣpadāddevabahudhā dhanāptiḥ
103.3
candreṇa yuktaṃ ca vilokitaṃ vā lābhālaye candragaṇāśritaṃ cet
jalāśayaṃ strīgajavājibṛddhiḥpūrṇe bhavetkṣīṇatare vilomāt
103.4
lābhālaye maṃgalayuktadṛṣṭaṃ prakṛṣṭabhūṣāmaṇihemalabdhiḥ
vicitrayātro bahusāhasī syānnānākalākomalabuddhiyogaiḥ
103.5
lābhe saumyagaṇāśrite śaśiyute saumye ca saddīkṣite
nānākāvyakalākalāpavidhinā śilpena lipyā sukham
yuktirdravyamayī bhaveddhanacayaḥsatsāhasairūdyamaiḥ
sakhyaṃ cāpi vaṇigjanairbahutaraṃ klīvairnṛṇāṃ kīrtitam
103.6
yajñakriyāsādhujanānuyāto rājāśritotkṛṣṭakṛpo naraḥsyāt
dravyeṇa hemapracureṇa yukto lābhe gurau varganirīkṣaṇaṃ cet
103.7
lābhālaye bhārgavavargayāte yuktekṣite vā yadi bhārgaveṇa
veśyājanairvāpi gamāgamairvā sadraupyamuktāpracurasya labdhiḥ
103.8
lābhaveśmani śanīkṣitayukte tadguṇena sahite sati puṃsām
nīlalohamahiṣīgajalābho grāmavṛndapuragauravamiśram
103.9
yuktekṣite lābhagṛhe śubhākhye varge śubhānāṃ samavasthite ca
lābho narāṇāṃ bahudhā'thavāsmin sarvairgrahairyuktanirīkṣyamāṇe
Linked texts (1)
- Mānasāgarīpaddhati — Mānasiṃha, Sanskrit