Janmapatripaddhati (Manasagara) 104
Janmapatrīpaddhati (Mānasāgara) 104
- Language
- Sanskrit
104.1
atha vyayabhāvaphalamkuśīlaṃ ca tathā kāṇaṃ pāpinaṃ duḥkhitaṃ naram
mahāvyayaṃ mahāduṣṭaṃ vyayabhāve yadā grahāḥ
104.2
vyayālaye kṣīṇakaraḥkalānāṃ sūryo'thavā dvāvapi tatra saṃsthau
dravyaṃ haredbhūmipatistu tasya vyayālaye kṣoṇijadṛṣṭiyukte
104.3
pūrṇeṃdusaumyejyasitā vyayasthāḥkurvaṃti saṃsthāṃ dhanasaṃcayasya
prāṃtyāsthite sūryasute kujena yuktekṣite vittavināśanaṃ syāt
104.1-2
athāgre śeṣa ślokālikhyanteuccābhilāṣiṇaḥ kheṭājanmakāle pataṃti cet
sa naro bhūpapūjyaḥsyādvaṃśasya nṛpatirbhavet
104.2-2
ravirmīne śaśī meṣe bhaumo dhanuṣi cāśritaḥ
siṃhe budho gururyugme śukraḥkuṃbhe tathaiva ca
104.3-2
śaniḥ kanyāsthito hyuccā--bhilāṣī samudāhṛtaḥ
104.1-3
atha sabalanirbalagrahaparijñānamuditaḥsvagṛhasthaśca mitragehe sthito'pi ca
mitravargeṇa dṛṣṭaśca sa grahaḥsabalaḥsmṛtaḥ
104.2-3
atha balābalababhāvavicāraḥsvāminā balinā dṛṣṭaḥsabalaiśca śubhairgrahaiḥ
na dṛṣṭo na yutaḥpāpaiḥ sa bhāvaḥsabalaḥsmṛtaḥ
104.1-4
atha sarvagrahāṇāṃdṛṣṭiḥjñārkeṃduśukrāstridaśaṃ trikoṇaṃ turyāṣṭamyūnamathāṃśavṛddhyā
paśyaṃti turyāṣṭamasaptamasthaṃ daśaṃ trikoṇaṃ ca guruḥkrameṇa
104.2-4
trikoṇaṃ caturasraṃ ca saptame tridaśaṃ śaniḥ
astaṃ trikhaṃ trikoṇaṃ ca caturasraṃ kramātkujaḥ
104.4
āye vyaye na paśyaṃti na paśyaṃti dvitīyake
mūrttau grahā na paśyaṃti te'ndhakāḥkathitā grahāḥ
104.1-5
atha janmapatrikānāmānitithivāraṃ ca nakṣatraṃ nāmākṣarasamanvitam
vedena harate bhāgaṃ śeṣaṃ nāma taducyate
104.2-5
vyomā dyomā ca mūrcchā ca padmā caiva caturthakam
janmapatrīsthitaṃ nāma yo jānāti sa paṃḍitaḥ
104.3-3
vyomāyāṃ pitṛhāniḥsyād dyomā mātṛkṣayaṃkarī
mūrddhā hyāyuḥkarī jñeyā padmā balavidhāyinī
104.1-6
atha janmasamaye śabdajñānam—
śabde meṣe vṛṣe siṃhe makare ca tathā tule
arddhaśabdo ghaṭe kanye śeṣāḥśabdavivarjitāḥ
104.1-7
atha nālajñānam—
chāge siṃhe vṛṣe lagne vṛścike nālaveṣṭitaḥ
nṛlagne dakṣiṇe pārśve strīlagne vāmapārśvagaḥ
104.1-8
atha janmajñānam—
śīrṣodaye vilagne mūrddhāprasavo'nyathodaye caraṇau
ubhayodaye ca hastau śubhadṛṣṭaḥśobhano'nyathā kaṣṭam
104.2-6
sūryyaścatuṣpadasthaḥśeṣā dviśarīrasaṃsthitā balinaḥ
keśairveṣṭitadehau yamalau khalu tau prasūyete
104.3-4
krūragrahasaṃdhigate śaśini vṛṣe bhaumasaurisaṃdṛṣṭe
mūkaḥsaumyairdṛṣṭe vācaṃ kālāṃtare vadati
104.4-2
dakṣiṇāṃśe grahāḥsarve dīptānastamitekṣaṇāḥ
tasya triṃśattame varṣe gajo dvāre'vatiṣṭhate
104.5
catuḥsāgarage candre koṇe caiva divākare
api dāsakule jātaḥso'pi rājā bhaviṣyati
104.6
tribhiḥsvasthairbhavenmantrī tribhiruccairnarādhipaḥ
tribhirnīcairbhaveddāsastribhirastaṃ gatairjaḍaḥ
Linked texts (3)
- Mānasāgarīpaddhati — Mānasiṃha, Sanskrit
- Jyotiḥsāra (Dharmakhāna) — Dharmakhāna, Sanskrit
- Lagnajātaka (Bhaṭṭācārya Kāśīnātha) — Bhaṭṭācārya Kāśīnātha, Sanskrit