Janmapatripaddhati (Manasagara) 105
Janmapatrīpaddhati (Mānasāgara) 105
- Language
- Sanskrit
105.1
atha navagrahāṇāṃ puruṣākāracakram tatrādau sūryyacakram—
likhitvā naracakraṃ ca yatra sūryyo vyavasthitaḥ
tannakṣatrādikaṃ kṛtvā trayaṃ dadyācca mastake
105.2
vadane ca trayaṃ dadyādekaikaṃ skaṃdhayordvayoḥ
bāhudvaye tathaikaikaṃ pāṇyoścaikaikameva ca
105.3
ṛkṣāṇi hṛdaye paṃca nābhau syādekameva hi
ṛkṣaṃ guhye bhavedaikamaikakaṃ jānunordvayoḥ
105.4
nakṣatrāṇi ṣaḍanyāni dadyātpādadvaye budhaḥ
pādasthite ca nakṣatre nirddhano'lpāyureva ca
105.5
videśagamano jāto guhye syātpāradārikaḥ
alpatoṣī bhavennābhau hṛdaye ceśvarastathā
105.6
taskaraḥpāṇiyugme ca bāhau sthānacyuto bhavet
skandhe gajaskaṃdhagāmī mukhe miṣṭānnabhojanaḥ
105.7
mastakasthe ca nakṣatre paṭṭabaṃdho bhavennaraḥ
sūryanakṣatrato janma nakṣatramiti gaṇyate
105.8
śatavarṣāṇi jīveta śiro jāto na saṃśayaḥ
mukhenāśītivarṣāṇi skaṃdhābhyāṃ ca tathaiva ca
105.9
hastābhyāṃ bāhuyugme ca jīveta saptasaptatiḥ
aṣṭaṣaṣṭirhṛdi jñeyā nābhau cāpi tathaiva ca
105.10
guhye ca ṣaṣṭivarṣāṇi cāṣṭau varṣāṇi jānuni
pādayoḥṣaṭ ca varṣāṇi ravicakre krameṇa ca
Linked texts (2)
- Jyotiḥsāra (Dharmakhāna) — Dharmakhāna, Sanskrit
- Śīghrabodha — Kāśinātha, Sanskrit