Pramāṇa · Search · About · API

Janmapatripaddhati (Manasagara) 106

Janmapatrīpaddhati (Mānasāgara) 106

Language
Sanskrit

106.1

pūrṇimāyāṃ tu yahṛkṣaṃ tadādau trīṇi mastake
mukhe trīṇi bhuje ṣaṭkaṃ hṛdi trīṇyudare trayam

106.2

guhye trīṇi pade ṣaṭkaṃ nyasecaṃdrasya sarvadā
yāvatsvajanmanakṣatraṃ gaṇanīyamiti kramāt

106.3

arthasiddhirnu vṛttaśrīḥ kuśalaṃ cādbhutaṃ śubham
mārgamṛtyuṃ śriyaṃ kṣemamiti candra phalaṃ vadet

106.1-2

atha bhaumapuruṣākāracakramyasminnṛkṣe bhavedbhaumastadādau trīṇi mastake
mukhe trīṇi trayaṃ netre kaṃṭhe dve ca catuṣkare

106.2-2

paṃcodare trīṇi guhye pāde catvāri dāpayet
janmarkṣaṃ sthitaṃ yatra phalaṃ tatra vadetpumān

106.3-2

mukhe rogaṃ sukhaṃ netre śiro rājyaṃ rujā kare
kaṃṭhe rogī dhanī vakṣe guhye pāde ca vibhramaḥ

106.1-3

atha budhapuruṣākāracakramyasminnṛkṣe bhavetsaumyastadādau śīrṣake catuḥ
mukhe trīṇi caturvāme kare dakṣiṇake catuḥ

106.2-3

hṛdaye ṣaṭ tathā guhye catvāri dve pade nyaset
janmarkṣaṃ sthitaṃ yatra phalaṃ tatra vadetpumān

106.3-3

mukheṣṭabhuktiśchirorājyaṃ kaṣṭaṃ vāmakare tathā
vakṣasyanyakare saukhyaṃ guhye rogī pade bhramaḥ

106.1-4

atha gurupuruṣākāracakramśīrṣe catvāri rājyaṃ yugaparigaṇitaṃ skaṃdhayugme ca lakṣmī
rekaṃkaṃṭhe vibhūtirmadanaparimita vakṣasi prītilābham
ṣaḍbhiḥpīḍāṃghriyugme jaladhiparimita vāmahaste ca mṛtyurhagpugmetrīṇi kuryānnṛpatisamasukhaṃ vākpateśca krame tat

106.1-5

atha śukrapuruṣākāracakramyasminnṛkṣe bhavecchukrastadādau ca catuḥśire
kaṃṭha vakṣaḥsthale paṃca triguhye paṃcajaṃghayoḥ

106.2-4

trīṇi dve padayordadyātphalaṃ janmarkṣamānataḥ
śirorājyaṃ dhanaṃ kaṃṭhe hṛdaye saukhyameva ca

106.3-4

śatrubhītirbhavedguhye jaṃghāyāṃ miṣṭabhojanam
pāde ca sukhasaṃprāptiḥśukracakre krameṇa ca

106.1-6

atha mārgiśaini cakram jātakābharaṇātaśanicakraṃ narākāraṃ likhitvā sauribhāditaḥ
nāmarkṣaṃ bhavedyatra jñeyaṃ tatra śubhāśubham

106.2-5

nakṣatramekaṃ ca śirovibhāge tathā mukhe trīṇi yugaṃ ca guhye
netre ca nakṣatrayugaṃ hṛdisthaṃ trayaṃ tathā vāmakare catuṣkam

106.3-5

vāme ca pāde tritayaṃ ca bhānāṃ bhānāṃ trayaṃ dakṣiṇapādasaṃstham
catvāri ṛkṣāṇi ca dakṣiṇetare pāṇau praṇītaṃ munināradena

106.4

rogo lābho hāniborderptiśca saukhyaṃ baṃdhaḥpīḍā satprayāṇaṃ ca lābhaḥ
māṃde cakre mārgage kalpanīyaṃ tadvailomyādvakrage syuḥphalāni

106.1-7

atha vakriśani puruṣākāra cakramyasmiñchaniścarati vakragataṃ tadṛkṣaṃcatvāridakṣiṇakare'ṅghriyuge ca ṣaṭkam
catvāri vāmakaraṇe hyudare ca paṃca
mūrdhni trayaṃ nayanayordvitayaṃ triguhye

106.2-6

rogo lābhastathā dravyalābho baṃdhanameva ca
pūjā ca janasaubhāgyamalpamṛtyuḥkramātphalam

106.1-8

rāhucakram-yasminnṛkṣe bhavedrāhustadādau sapta pādayoḥ
dakṣiṇe ca bhuje paṃca śirasi trīṇi dāpayet

106.2-7

dve1ṛkṣe hṛdaye nyasya mukhe caikaṃ niyojayet
bhapañcakaṃ kare jñeyamṛkṣamekaṃ ca nābhigam

106.3-6

tathaiva trīṇi guhye ca rāhucakraṃ vidhīyate
dhanahānirbhavetpāde saṃtāpo dakṣiṇe kare
śīrṣe śatrubhayaṃ vidyāddhṛdaye durjanapriyam

106.4-2

mukhe durjanasaṃhāro mṛtyurvāme kare bhavet
nābhisthaṃ sarvanāśāya guhye prāṇavināśanam

106.1-9

atha ketupuruṣākāracakramśīrṣe paṃca dve mukhe paṃca karṇe dve vai vakṣasya bdhisaṃkhyāni haste
aṃghau deyāḥ paṃca, catvāri vastau ketoścakraṃ proditaṃbuddhimadbhiḥ

106.2-8

mukhe bhayaṃ mūrdhni jayaṃ karoti karṇe bhayaṃ pāṇiyuge ca saukhyam
pāde sukhaṃ vakṣasi śokamava guhye bhramaṃ duḥkhavikārahetum

106.1-10

atha navaprakāragrahaphalamdīptaḥ 1 svastho 2 muditaḥ 3 śāṃtaḥ 4 śaktaḥ 5 prapīḍito
6 dīnaḥ 7 | vikalaḥ 8 khalaśca 9 kathito navaprakāro graho
hariṇā

106.2-9

tallakṣaṇamucyatedīptastuṃgagataḥ khago nijagṛhe svastho hita harṣitaḥ
śāṃtaḥ śobhanavargagaśca khacaraḥ śaktaḥ sphuradraśmibhāk
luptaḥsyādvikalaḥ svanīcagṛhago dīnaḥ khalaḥ pāpayuk
kheṭoyaḥ paripīḍitaśca khacaraiḥ sa procyate pīḍitaḥ

106.3-7

atha dīptādigrahāṇāṃphalamdīpte pratāpādatitāpitārirgilanmadālaṃkṛtakuṃjareśaḥ
naro bhavettannilayaṃ salīlaṃ padmālayālaṃ kurute vilāsam

106.4-3

svasthe mahadvāhanadhānyaratnairviśālaśālābahulena yuktaḥ
senāpatiḥsyānmanujo mahaujā bairivrajāvāptajayodhiśālī

106.5

harṣite bhavati kāminājanātyaṃtabhūṣaṇamaṇibrajavittaḥ
dharmakarmakaraṇaikamānaso mānasodbhavacayo hataśatruḥ

106.6

śāṃte'tiśāṃto hi mahīpatīnāṃ mantrī svataṃtro bahumitraputraḥ
śāstrādhikārī sutarāṃ naraḥsyātparopakārī sukṛtaikacittaḥ

106.7

śakte'tiśaktaḥ puruṣo viśeṣātsugaṃdhamālyābhiruciḥsuvijña
vikhyātakīrtiḥsujanaḥprasanno janopakartā'rijanaprahartā

106.8

hatabalo vikalo malinaḥ sadā ripukulaprabalatvagalanmatiḥ
khalasakhaḥ sthalasaṃcaraṇonaraḥkṛśataraḥparakāryagatādaraḥ

106.9

dīne'tidīno'pacayena taptaḥ saṃprāptabhūmīpatiśatrubhītiḥ
saṃtyaktanītiḥkhalu hīnakāṃtiḥsvajātivairaṃ hi naraḥprayāti

106.10

khalābhidhānau hi khalaikaliḥsyātkāṃtā'ticiṃtāparitaptacittaḥ
videśayānaṃ dhanahīnatāṃtaḥkopī bhavellubdhamatiprakāśaḥ

106.11

pīḍite bhavati pīḍitaḥsadā vyādhibhirvyasanato'pi niṃditaḥ
yāti saṃcalanatāṃ nijasthalādvayākulatvamapi baṃdhuciṃtayā

Linked texts (2)