Janmapatripaddhati (Manasagara) 109
Janmapatrīpaddhati (Mānasāgara) 109
- Language
- Sanskrit
109.1
atha śatapadacakramacakraṃ śatapadaṃ vakṣye ṛkṣāṃśākṣarasaṃbhavam
nāmādivarṇato jñeyamṛkṣarāśyaṃśakaṃ tathā
109.2
tiryagūrdhvagatā rekhā rudrasaṃkhyā likhedbudhaḥ
jāyate koṣṭhakaṃ tatra śatamekaṃ na saṃśayaḥ
109.3
nyasyāvakahaḍādīni rudrādividiśaḥkramāt
paṃca paṃca krameṇaiva viṃśadvarṇānprayojayet
109.4
paṃcasvarasamāyoga ekaikaṃ paṃcadhā kuru
kuryātkupubhudusthāni trīṇi trīṇyakṣarāṇi ca
109.5
kughaḍachā bhavetstaṃbho raudra īśānagocare
puṣaṇaṭhā bhavetstaṃbho hastamāgneyasaṃjñake
109.6
bhūdhaphaḍhā bhavetpūrve duthajhañā stathottare
evaṃ staṃbhacatuṣkaṃ ca jñātavyaṃ svaravedibhiḥ
109.7
dhiṣṇyāni kṛttikādīni pratyekaṃ caturakṣaraiḥ
sābhijityaṃśakāstasya śatakaṃ dvādaśādhikam
109.8
yadvṛkṣāṃśakakoṣṭhasthaḥ krūraḥ saumyo'pi vā grahaḥ
tatastadvarjayennityaṃ puṃso nāmādyamakṣaram
109.6-2
saumyairviddhe śubhaṃ jñeyamaśubhaṃ pāpakhecaraiḥ
miśrairmiśraphalaṃ tatra nirvedhena śubhāśubham
109.10
yaduktaṃ sarvatobhadre grahopagrahavedhataḥ
śubhāśubhaphalaṃ sarvaṃ tadihāpi viciṃtayet
Linked texts (1)
- Narapatijayacaryā — Narapati, Sanskrit