Pramāṇa · Search · About · API

Janmapatripaddhati (Manasagara) 11

Janmapatrīpaddhati (Mānasāgara) 11

Language
Sanskrit

11.1

atha janma rātridina phalam
saddharmayukto bahuputrabhogī priyānvitaḥkāmanipīḍitāṅgaḥ
vastrānuyukto matimānsurūpo bhavenmanuṣyaśca divāprasūtaḥ

11.2

maṃdavāgbahukāmārtaḥkṣayarogī malīmasaḥ
krūrātmācchannapāpaśca niśi jāto bhavennaraḥ

11.1-2

atha janmanakṣatra phalam
surūpaḥsubhago dakṣaḥsthūlakāyo mahādhanī
aśvinīsaṃbhavo loke jāyate janavallabhaḥ

11.2-2

arogī satyavādī ca satprāṇaśca dṛḍhavrataḥ
bharaṇyāṃ jāyate lokaḥsusukhī dhanavānapi

11.3

kṛpaṇaḥpāpakarmā ca kṣudhālurnityapīḍitaḥ
akarma kurute nityaṃ kṛttikāsaṃbhavonaraḥ

11.4

dhanī kṛtajño medhāvī nṛpamānyaḥpriyaṃvadaḥ
satyavādī surūpaśca rohiṇyāṃ jāyatenaraḥ

11.5

capalaścaturo dhīraḥkūṭakarmasvakarmakṛt
ahaṃkārī paradveṣī mṛge bhavati mānavaḥ

11.6

kṛtaghnaḥgarvito hīno naraḥpāparataḥśaṭhaḥ
ārdrānakṣatrasaṃbhūto dhanadhānyavivarjitaḥ

11.7

śāṃtaḥsukhī ca saṃbhogī subhago janavallabhaḥ
putramitrādibhiryukto jāyate ca punarvasau

11.8

devadharmadhanairyuktaḥputrayukto vicakṣaṇaḥ
puṣye ca jāyate lokaḥśāṃtātmā subhagaḥsukhī

11.9

sarvabhakṣī kṛtāṃtaśca kṛtaghno vaṃcakaḥkhalaḥ
āśleṣāyāṃ naro jātaḥkṛtakarmā hi jāyate

11.10

bahubhṛtyo dhanī bhogī pitṛbhakto mahodyamī
camūnātho rājasevī maghāyāṃ jāyate naraḥ

11.11

vidyāgodhanasaṃyukto gaṃbhīraḥpramadāpriyaḥ
pūrvāphālgunikājātaḥsukhī paṃḍitapūjitaḥ

11.12

dāṃtaḥśūro mṛdurvaktā dhanurvedārthapaṃḍitaḥ
uttarāphālgunījāto mahāyoddhā janapriyaḥ

11.13

asatyavacano dhṛṣṭaḥsurāpī baṃdhuvarjitaḥ
haste jāto naraścauro jāyate pāradārigaḥ

11.14

putradārayutastuṣṭo dhanadhānyasamanvitaḥ
devabrāhmaṇabhaktaśca citrāyāṃ jāyate naraḥ

11.15

vidagdho dhārmikaścaiva kṛpaṇaḥpriyavallabhaḥ
suśīlo devabhaktaśca svātau jāto bhavennaraḥ

11.16

atilubdhotimānī ca niṣṭhuraḥkalahapriyaḥ
viśākhāyāṃ naro jāto veśyājanaratobhavet

11.17

puruṣārthapravāsī ca baṃdhukārye sadodyamī
anurādhābhavo lokaḥsadā dhṛṣṭaśca jāyate

11.18

bahumitrapradhānaśca kavirdānto vicakṣaṇaḥ
jyeṣṭhājāto dharmarato jāyate śūdrapūjitaḥ

11.19

sukhena yukto dhanavāhanāḍhyo hiṃsro balāḍhyaḥ sthirakarmakartā
pratāpitārātijano manuṣyo mūle kṛtī syājjananaṃ prapannaḥ

11.20

dṛṣṭamātropakārī ca bhāgyavāṃśca janapriyaḥ
pūrvāṣāḍhābhavo nūnaṃ sakalārthavicakṣaṇaḥ

11.21

bahumitro mahākāyo jāyate vijayī sukhī
uttarāṣāḍhasaṃbhūtaḥśūraśca vinayī bhavet

11.22

atisulalitakāntiḥ sammataḥ sajjanānāmna tu bhavati vinītaścārukīrttiḥ surūpaḥ
dvijavarasurabhaktirvyaktavāṅmānavaḥ syādabhijiti yadi sūtirbhūtatiḥ svavaṃśe

11.23

kṛtajñaḥsubhago dātā guṇaiḥ sarvaiśca saṃyuktaḥ
śrīmānbahulasaṃtānaḥśravaṇe jāyate naraḥ

11.24

gītapriyo baṃdhumānyo hemaratnairalaṃkṛtaḥ
jāto naro dhaniṣṭhāyāṃ śataikasya patirbhavet

11.25

kṛpaṇo dhanapūrṇaḥsyātparadāropasevakaḥ
jātaḥ śatabhiṣāyāṃ ca videśe kāmuko bhavet

11.26

vaktā sukhī prajāyukto bahunidro nirarthakaḥ
pūrvābhādrapadāyāṃ ca jāto bhavati mānavaḥ

11.27

gauraḥsasatvo dharmajñaḥśatrughātīparāmaraḥ
uttarābhādrapadodbhūto naraḥsāhasiko bhavet

11.28

saṃpūrṇāṃgaḥśucirdakṣaḥsādhuḥ śūro vicakṣaṇaḥ
revatīsaṃbhavo loke dhanadhānyairaṃlaṃkṛtaḥ

Linked texts (3)