Janmapatripaddhati (Manasagara) 110
Janmapatrīpaddhati (Mānasāgara) 110
- Language
- Sanskrit
110.1
śatapadacakram—
atha sūryakālānalacakram jātakābharaṇātsūryakālānalaṃ cakraṃ svaraśāstroditaṃ mahat
tadahaṃ viśadaṃ vakṣye camatkārikaraṃ param
110.2
triśūlakāgrāḥsaralāśca tisraḥ kilordhvarekhāḥ parikalpanīyāḥ
rekhātrayaṃ madhyagataṃ ca tatra dve dve ca koṇoparige vidheye
110.3
triśūlakoṇāṃtaragānyarekhā tadagrayoḥ śṛṃgayugaṃ vidheyam
madhye triśūlasya ca daṃḍamūlātsavyena bhānyarkabhato'bhijitca
110.4
svanāmabhaṃ yatra gataṃ ca tatra prakalpanīyaṃ sadasatphalaṃ hi
tattasya ṛkṣatritaye krameṇa ciṃtā vadhaśca pratibaṃdhanāni
110.6
śṛṃgadvaye ruk ca bhavecca bhaṃgaṃ śūleṣu mṛtyuṃ parikalpayaṃti
śeṣeṣu dhiṣṇyeṣu jayaśca lābho'bhīṣṭārthasiddhirvividhā narāṇām 5
śrīsūryakālānalacakrametadhṛde ca vāde ca raṇeprayāṇe
prayatnapūrvaṃ pariciṃtanīyaṃ purātanānāṃ vacanaṃ pramāṇam
110.7
ravervedhe manastāpo dravyahāniśca bhūsute
rogapīḍākaro maṃdo rāhuḥketuśca mṛtyudaḥ
110.8
gurorvedhe bhavellābho ratnalābhaśca bhārgave
strīlābhaścaṃdravedhe ca sukhaṃ syād budhavedhataḥ
janmarāśeścavedhena phalametatprakīrtitam
Linked texts (2)
- Mānasāgarīpaddhati — Mānasiṃha, Sanskrit
- Jyotiṣatattvaprakāśa — Lakṣmīkānta Kanyāla Jyotiṣācārya, Sanskrit