Janmapatripaddhati (Manasagara) 112
Janmapatrīpaddhati (Mānasāgara) 112
- Language
- Sanskrit
112.1
ārdrādyaṃ vilikheccakraṃ mṛgāṃtaṃ ca trināḍikam
bhujaṃgasadṛśākāraṃ madhye mūlaṃ pratiṣṭhitam
112.2
yaddine ekanāḍīsthāścaṃdranāmarkṣabhāskarāḥ
taddinaṃ varjayettasya vivāde vigrahe raṇe
112.3
rogiṇo janmaṛkṣasya ekanāḍyāṃ yadā śaśī
tadā pīḍāṃ vijānīyādaṣṭaprāharikīṃ dhruvam
112.4
rogiṇo janmaṛkṣasya ekanāḍyāṃ yadā raviḥ
yāvadṛkṣaṃ bhavedbhogyaṃ tāvatpīḍāṃ vinirdiśet
112.5
rogiṇāṃ janmaṛkṣasya ekanāḍyāṃ yadā bhavet
janmaṛkṣaṃ raviścaṃdrastadā mṛtyuṃ samādiśet
112.6
janmaṛkṣaṃ raviścaṃdro bhavedyadi kathaṃcana
anyāsvanyāsu nāḍīṣu tadā nīrogatā bhavet
Linked texts (3)
- Narapatijayacaryā — Narapati, Sanskrit
- Mānasāgarīpaddhati — Mānasiṃha, Sanskrit
- Laghusaṅgraha (Giridhara Paṇḍita) — Giridhara Paṇḍita, Sanskrit