Janmapatripaddhati (Manasagara) 114
Janmapatrīpaddhati (Mānasāgara) 114
- Language
- Sanskrit
114.1
athādāvudayo yasyāstitherbhuktipramāṇataḥ
bālasvarādikapraśne phalaṃ tasya vadāmyaham
114.2
tithibhuktaghaṭīsaṃkhyāṃ kṛtvā palamayīṃ tataḥ
evaṃvāṇahate śeṣaḥ svarastatkālasaṃbhavaḥ
114.3
yamuddiśya kṛtaḥpraśnaḥphalaṃ tasya vadāmyaham
yatra no dṛśyate kiṃcittatra praśnaṃ śubhāśubham
114.4
bālodaye yadā pṛcchā lābhārthe svalpalābhadā
rujārte cirarogaṃ ca game hāniṃ kṣayaṃ raṇe
114.5
kumārodayavelāyāṃ lābho bhavati puṣkalaḥ
rājye nāśaṃ jayaṃ yuddhe yātrā sarvārthasiddhidā
114.6
yuvodaye labhedrājyaṃ kleśacchedaṃ ca tatkṣaṇāt
saṃgrāme śatruhantā ca yātrāyāṃ saphalaṃ bhavet
114.7
vṛddhodaye na lābhaḥsyātkleśātkleśavivarddhanam
saṃgrāme bhaṃgamāyāti yātrāyāṃ na nivartate
114.8
mṛtyūdaye yadā praṣṭā pṛcchati svaprayojanam
tatsarvaṃ mṛtyudaṃ jñeyaṃ yuddhe mṛtyuḥ sabhaṃgadaḥ
114.9
kiṃcillābhakaro bālaḥkumārastvarddhalābhadaḥ
sarvāṃsiddhiṃ yuvā datte vṛddhe hānirmṛte kṣayaḥ
114.10
mṛtyurvālastathā vṛddhaḥkumārastaruṇaḥsvaraḥ
yo yasya paṃcamasthāne sa svaro mṛtyudāyakaḥ
114.11
naranāmādimo varṇo yasmātsvarādadhaḥsthitaḥ
sa svarastasya varṇasya varṇasvara ihocyate
Linked texts (1)
- Jyotirnibandha — Śivarāja, Sanskrit