Pramāṇa · Search · About · API

Janmapatripaddhati (Manasagara) 115

Janmapatrīpaddhati (Mānasāgara) 115

Language
Sanskrit

115.1

atha nakṣatra vicāraḥ
janmabhaṃ janmanakṣatraṃ daśamaṃ karmasaṃjñakam
ekonaviṃśamādhānaṃ trayoviṃśaṃ vināśakam

115.2

aṣṭādaśaṃ ca nakṣatraṃ sāmudāyikasaṃjñitam
sāṃghātikaṃ ca vijñeyamṛkṣaṃ ṣoḍaśasaṃkhya kam

115.3

eteṣāṃ pṛthakera phalammṛtyuḥsyājjanmabhe viddhe karmabhe kleśameva ca
ādhānarke prakāśaḥ syādvināśe baṃdhuvigrahaḥ

115.4

sāmudāyikage viddhe kaṣṭaṃ hāniḥ sughātike

115.1-2

atha raśmikaraṇavidhiḥnīconakheṭe'bhyadhike ca ṣaṭ‌kāccakrāccyute saptahate vibhaktam
tarkaisturāśyādikameva labdhaṃ sūryādikānāmiha raśmijañca

115.2-2

atha raśmisaṃskāraḥkathyatesvoccasthitasya dviguṇaṃ niruktam sve dvādaśe mitragṛhe svarāśau
nṛpāṃśako 16nāḥkathitāstu nīce śatroḥ punaśceddvidaśāṃśake ca
vakrī punastadviguṇaṃ dadāti tattyāgakāle'ṣṭamabhāgahīnaḥ

115.1-3

atha raśmiphalaṃ sārāvalyāmekādipaṃca yāvadraśmībha ratiduḥkhitāḥ kulavihīnāḥ
patitāduṣṭadaridrā nīcaratāḥsaṃbhavaṃti narāḥ

115.2-3

parato daśakaṃ yāvadbhūtakahīnā videśagamanaratāḥ
jāyante tatra parāḥsaubhāgyaparicyutā malināḥ

115.3-2

paṃcadaśābhyo jātāstatra pradhānapūjyaratāḥ
dharmāraṃbhāḥ susukhāḥkulatulyanarāḥ prajāyaṃte

115.4-2

āviṃśateḥkulaśreṣṭho dhanavāñjana viyutaḥ
bhavetkīrtikaraḥśaśvatsvajanaiḥparipūritaḥ

115.5

pūjyāḥsubhagā dhīrāḥkṛtino vīrāśca śarakṛtiṃ yāvat
parato bhavaṃti manujāḥ saṃsārādhattasakalakaraṇīyāḥ

115.6

atha uttareṇa caṃḍā nṛpāśritā nṛpatilabdhadhanasaukhyāḥ
triṃśadyāvatsacivāḥpūjyāśca bhavaṃti bhūtānām

115.7

ekatriṃśādviratha pracurāḥkhyātā mahībhujo nipuṇāḥ
dvātriṃśādbhiḥpuruṣāḥpaṃcaśatagrāmapatayaḥsyu

115.8

grāmasahasrādhipatimadhikātkaroti raśmīnām
trisahasragrāmāṇāṃ puruṣaṃ sūte catustriṃśat

115.9

parato maṃḍalabhājo bahukośaparigrahā mahatsattvāḥ
prakhyātakīrtiyaśaso bhavaṃti subhagāśca lokānām

115.10

triṃśatṣaḍbhiḥ sahitā raśmīnāṃ yasya janmasamaye syāt
sārddhaṃ bhunakti lakṣaṃ grāmāṇāṃsa tu pumānniyatam

115.11

triṃśatsaptakasahitā raśmīnāṃ saṃcayo bhavedevam
lakṣatritayapatitvaṃ grāmāṇāṃ jāyate puṃsām

115.12

triṃśadvasubhiḥ sahitā astrā yeṣāṃ bhavaṃti puruṣāṇām
munisaṃmatalakṣāṇāṃ grāmāṇāṃ te'dhipā jñeyāḥ

115.13

triṃśatsanavakasaṃkhyā janmani yeṣāṃ gṛhe sthitāḥ saṃti
te toṣitasakalajanā bhavaṃti pṛthivīśvarāḥ puruṣāḥ

115.14

khābdhipramāṇaiḥ kiraṇaiḥ prasūtaḥ kṣoṇīpatistadvijayaprayāṇe
bhavanti senāgajagarjitānāṃ pratisvanāḥkhe ghanagarjitāni

115.15

śaśijalanidhisaṃkhyai 41 raśmibhiḥ sūryatejā
jalanidhisahitāyāḥpārthivaḥ syātsubhūmeḥ
dvijaladhirasanāyāḥpakṣavedākhyasaṃkhyai
strijaladhirasanāyā rāmavedaistathaiva

115.16

vedābdhitulyaiśca mayūkhajālairjātā nareṃdrāḥkhalu sārvabhaumāḥ
saumyāḥ surabrāhmaṇabhaktiyuktā dīrghāyuṣaḥsattvayutā bhavaṃti

115.17

parataḥ kiraṇairdvīpāṃtarapālakāḥ puruṣasarvaguṇayuktāḥ
sarvanamasyāḥsubhagā maheṃdratulyapratāpāśca

115.18

catvāriṃśadyuktāḥkiraṇāḥ ṣaḍbhiścaivaṃ prasūto syuḥ
tasya syātsaṃdiṣṭaṃ sarvakṣitipālakaṃ muktvā

115.19

bhuvanabharasahiṣṇoḥsarvataḥ kṣīṇaśatro
stridaśapatisamasyasarvalokastutasya
vidadhati vihagānāṃ raśmayo janmakāle
turagakṛtisamānāścakravartitvamevam

115.20

abhimukhakarapravāhaiḥphalaṃ prayacchaṃti puṣṭataramāśu
tadviparītaṃ puṃsāṃ parāṅmukhasthagraheṃdrāṇām

115.21

janmasamaye grahāṇāṃ raśmīnāṃ saṃkṣayo bhavati
vṛddhe vṛddhinṛṇāmevaṃ mokṣe'pitatkrameṇaiva

Linked texts (6)